Ɛstɛrə 9:2 - Yálá laawoo hɛɓɛ

² Ɉuifəɠaa di di ŋąąkpɔn daaɠaa hu, da tɔɔmun Asuerusə nwɔ koɓitaaɠaai hu, ə gɛ, nuąi diɛ di mɛ̨nį ɲɔ̨n gɛ a diɛ, di di hon. Nui lɔpee ta hvo pɛli tɔɔi di la. Mąąhɔlɔɓo, Ɉuifəɠaa mąą mɛ̨nį ə kɛi nɔi nuą mąą ɲɔw.

Bible

² Zúu-ŋai díkoli-ŋa dí kɛ̀ Gâloŋ Atasɛra ŋɔlɔii kpîniŋ-ŋai su taa-lee-ŋai su. Dí díkpîŋ kpɛ̀tɛ a gɛɛ núu da a kɔ́ pɛ̀lɛ dîa, da dîa-ni dí gɔ́. Ǹɔii kpîniŋ-ŋai su-ƃelai kélee dí yào Zuda-ŋai dia. Núu da fé kɛ̀ pɔ̂ri ní kɛ̀ tɔɔ̂i da ŋɛ́i é kɔ́ bɔ́.

Ɛstɛrə 9:2 ပူးပေါင်းရင်းမြစ်များ

Zɛnɛse 35:5

Ɓɛlɔwai Ɉakɔbə da nwɔ nuąi di di tiɛ̨ həɠə la, diɛ li, Yálá ə ɲɔw kɛnɛ̨ too nɔi tii hu nuą hu, nu tɔ̨nɔ̨ kpɛli hvo hvilɛn di pulu.

Ɛstɛrə 8:11

Ə kɛi mo Ɉuifəɠaa diɛ ɉɛɓɛ́i tii hu, diɛ kɛ diɛ: «'Ka ka yee lɛɛ ka yíi pələ ɓa, daa kəlee hu, ka ka keeni mąą kpɔnmąąɓo. Nui lɔpee da gaa kwɛli hɛn yɛ ɓo ɲəi, yɛ kɛ ə pɛlɛ diɛ, di mąą nu paa, nɛ̨ąą da lɛapɛlɛɛɠaa kəlee, di di yəi hɛnŋąą həɠə.

Ɛstɛrə 8:17

Goɓitaaɠaa kəlee hu, da daa pɛlɛɛɠaa kəlee hu, ɓɛi kpɔ tɔɔmun nwɔ wɛlɛɛ woo tii ə həli laa, yɛ hvilɛn na Ɉuifəɠaa diɛ, ə kɛ a kwəinɛ̨ɛ̨ da hɛli. Nu tamąą di di kpɔɔ kɛ a Ɉuifəɠaa, mąąhɔlɔɓo, Ɉuifəɠaa mąą mɛ̨nį ə di mąą ɲɔw kpɔ kɛnɛ̨.

Ɛstɛrə 9:10

Nu powi tii ɓə kɛ a Haman lon ɉinąą. Haman ŋɛ̨i kɛ a Hamedata lon ɉulɔnu, yai kɛ a Ɉuifəɠaa di yowo, Ɉuifəɠaa di di paa, kɛlaa, di hvo kɔ́ pulu hɛn ɉəɠə.

Mąątɛ̨nɛ̨ 71:13

Nuąi kɔ́ pɛlɛi nwɔ́ yɛnɛ̨ɛ̨ ɓa, di nwun na ə pili a nwumɛ̨; nuąi di kaa bɔ mą́ą́ ə wɛli, ɓáá ə kulɔ diɛ, ɲɛ̨ipaa ə lɛɛ a di wɔɔ.

Mąątɛ̨nɛ̨ 71:24

Ə́ mąątɛnɛ̨ woo hva tee ná a yələ lɔpee ta, mąąhɔlɔɓoi, nuąi kɛ bɔ ɲąąnwąnąą ə laa mą́ą́, di wɛi a lɛɛ a nwumɛ̨ da ɓáá kulɔ mąą.

Lɛɛ gbɔwɔ ɓa 23:27

«‹Gáá ka mąą tin dooi, nɔi ŋɛ̨i ka káá pai lii ɉu, nąą nuą hu ə pu diɛ, ka yowoɠaa da pu ka tɔwɔ.

Azaya 8:9

Nu-kanŋąą, 'ka kpɛlin, 'ka kwəi ə pili kaa a mɔ̨nɔ̨! 'Ka ka wəli tɔɔ, kwɛala lɔiɠaa, kaai kpɔ lɔi mɛ̨i ɓɛ yɛnɛ̨ɛ̨! 'Ka ka hu yili kɔ́ kɔ́ mɛ̨nį ɓa, ɛlɛɛ, di ka hu wolo! 'Ka ka hu yili kɔ́ kɔ́ mɛ̨nį ɓa, ɛlɛɛ, di ka hu wolo!

Dutɛrɔnome 2:30

Kɛlaa, Hɛsbɔn tɔɔmun Sihɔn hvo hvaa mą ku hvo tɛɛ nwɔ lɔi hu. Yai-Laa aa kɛ gili walawala, bələ ɓə ə tɛɛ la yɛ doo gu yee ŋą a nąąlɔwai.

Zasua 11:20

Mąąhɔlɔɓo, Yai-Laa aa kɛ mąą kili tee gwəi, yɛ di kili walawala diɛ kɔ́ pɛlɛ Israɛlə ɓa. Israɛlə ə di kaa a nuąi di hva pɛli di mąąwɛli kaai. Yili ɓə gɛ di gəlee di nwun na pili, yɛ bələi Yai-Laa ə mo la Moisə ɓa.

Zasua 2:9

Yɛ diɛ: «Ŋį́ gɔlɔn gɛ́ diɛ Yai-Laa aa nɔi ŋɛ̨i tɛɛ ka pɔ, ka pa mɛ̨nį ɓɛ, mąą tín aa too, kpɛlin aa too nɔi nuą kəlee hu.