Ɛstɛrə 9:15 - Yálá laawoo hɛɓɛ

¹⁵ Ɉuifəɠaa kɛ Susə daai, di di ɲąąkpɔn, a ɲąnįn ŋɛ̨i da kɛ mą Hebreu woo hu, Adarə, nwɔ hvolo pow kɔ́w nąąn ɲələ. Di nu nwun ɉaaɓa paa Susə daai, kɛlaa, di hvo kɔ́ pulu hɛn ɉəɠə.

Bible

¹⁵ Zuda-ŋai dí díŋaa tɛ̀ gîe ma Susa taa-leei su a Ada ɣaloŋ ŋɔfólo puu káo náaŋ ɣele dí kpakolo ŋuŋ saaƃa (300) páa. Kɛ́lɛ dífe díkɔ̃liŋ da siɣe ní.

Ɛstɛrə 9:15 ပူးပေါင်းရင်းမြစ်များ

Ɛstɛrə 8:11

Ə kɛi mo Ɉuifəɠaa diɛ ɉɛɓɛ́i tii hu, diɛ kɛ diɛ: «'Ka ka yee lɛɛ ka yíi pələ ɓa, daa kəlee hu, ka ka keeni mąą kpɔnmąąɓo. Nui lɔpee da gaa kwɛli hɛn yɛ ɓo ɲəi, yɛ kɛ ə pɛlɛ diɛ, di mąą nu paa, nɛ̨ąą da lɛapɛlɛɛɠaa kəlee, di di yəi hɛnŋąą həɠə.

Ɛstɛrə 9:10

Nu powi tii ɓə kɛ a Haman lon ɉinąą. Haman ŋɛ̨i kɛ a Hamedata lon ɉulɔnu, yai kɛ a Ɉuifəɠaa di yowo, Ɉuifəɠaa di di paa, kɛlaa, di hvo kɔ́ pulu hɛn ɉəɠə.

Ɛstɛrə 9:12

Tɔɔmun yɛ nɛ̨ą Ɛstɛrə ɓa: «Nuąi Ɉuifəɠaa daa baa Susə daa kwəi ɓɛ, nwɛi lɔ ka tii a nu nwun nɔɔli, ə pɛlɛ Haman lon ɉinąą pow ɓa. Goɓitaaɠaa hu nwɛi, kɛ di gɛ ləi! Kɛlaa, ə mą kɛ tii, lə mɛ̨nį ɓə ə́ kaa bɔ ŋį́ gɛ yɛ́? Yii yá kɛ bɔ, ŋį́ dɛɛ ə pɔ. Lə kpɔ ɓə ə́ kaa bɔ? Yii ə́ kaa bɔ ŋį́ pɛli ŋį́ gɛ.»

Ɛstɛrə 9:13

Ɛstɛrə yɛ tɔɔmun ma: «Akɛ tɔɔmun a hvaa mą, pələi tii Ɉuifəɠaa di gɛ la kələi, di da kɛ tii tinąą; ɛlɛɛ, di Haman lon ɉinąą powi ŋɛ̨i ɓɛ, di di powa hɛlɛn wulu ɓa.»

Ɛstɛrə 9:14

Tɔɔmun ə mo yɛ diɛ, ə kɛ yɛ pələi tii ə́ mo la. Di ɉɛɓɛ́ kɛ, di noloɓo Susə daai, di Haman lon ɉinąą pow tii hɛlɛn wulu ɓa.

Ɛstɛrə 9:16

Ɉuifə yiiɠaai tii kɛ nɔi kwəi pələ, di kɛi di ɲąąkpɔn, diɛ di keeni mąą kɔ́nwɔ̨ di yowoɠaa yəi, di nu waa pow mɛ̨ihveelɛ kɔ́w lɔɔli paa, kɛlaa, di hvo kɔ́ pulu hɛn ɉəɠə.

Ɛstɛrə 9:2

Ɉuifəɠaa di di ŋąąkpɔn daaɠaa hu, da tɔɔmun Asuerusə nwɔ koɓitaaɠaai hu, ə gɛ, nuąi diɛ di mɛ̨nį ɲɔ̨n gɛ a diɛ, di di hon. Nui lɔpee ta hvo pɛli tɔɔi di la. Mąąhɔlɔɓo, Ɉuifəɠaa mąą mɛ̨nį ə kɛi nɔi nuą mąą ɲɔw.

Tɛsalonikə dɔlɔɔ 5:22

'ká ká mąą kwɛa mɛ̨nį ɲɔ̨n ɉuwui lɔpee gəlee ɓa.

Hebreu 13:5

'Ká hvo nɛɛ laa, wali lii yee hvo tɛɛ káá, ká túwɔ́ pələ hu. Yii gaa ká yəi, yili ə ká lii hon. Mąąhɔlɔɓo, gu Nąmu kpinįi ɓo mo, yɛ mą: «Kpaa-o! Vá ə́ lɛɛ laa, vá gíli kulɔ ə́ hu tanɔ̨n gbɛli!»