Ɛstɛrə 8:17 - Yálá laawoo hɛɓɛ

¹⁷ Goɓitaaɠaa kəlee hu, da daa pɛlɛɛɠaa kəlee hu, ɓɛi kpɔ tɔɔmun nwɔ wɛlɛɛ woo tii ə həli laa, yɛ hvilɛn na Ɉuifəɠaa diɛ, ə kɛ a kwəinɛ̨ɛ̨ da hɛli. Nu tamąą di di kpɔɔ kɛ a Ɉuifəɠaa, mąąhɔlɔɓo, Ɉuifəɠaa mąą mɛ̨nį ə di mąą ɲɔw kpɔ kɛnɛ̨.

Bible

¹⁷ Daa-lee-ŋai kélee dí lì zu ǹɔii kpîniŋ-ŋai su dí gɔlɔi ŋí lóno naa dí ŋ̀áa lɛ́ ǹûai dîai, Zuda-ŋai kɛ̀ naai, dí lii-nɛ̃ɛ ŋánaa kùla. Dí kúu kɛ̀ dí lii-nɛ̃ɛ kula. Zîi da kpɛ́ni-ŋai kɛ̀ naai da-ŋa dí díkpîŋ kɛ̀ a Zuda-ŋai da kpɛ́ni fêi, dí kɛ̀ yaôi Zuda-ŋai dîa.

Ɛstɛrə 8:17 ပူးပေါင်းရင်းမြစ်များ

Zɛnɛse 35:5

Ɓɛlɔwai Ɉakɔbə da nwɔ nuąi di di tiɛ̨ həɠə la, diɛ li, Yálá ə ɲɔw kɛnɛ̨ too nɔi tii hu nuą hu, nu tɔ̨nɔ̨ kpɛli hvo hvilɛn di pulu.

Nehemi 8:10

Ɛsdrasə yɛ diɛ: «Ka li, ka kɔ̨nɔ̨n nɛlɛɛɠaa mįi, ka lɔɔ nɛ̨ɛ̨ɠaa kpələ, ɛlɛɛ, nui hvo pɛli li hɛn da kɛ pələ pɛlii, ka mąą nuą tii kɔ́. Mąąhɔlɔɓo, volói ŋɛ̨i kaa a gu Ną́mu nwɔ hvóló mąąhəɠɛɛ, ka hvo kɛ liihɛlɛn ɉu, mąąhɔlɔɓo, Yai-Laa nwɔ kwəinɛ̨ɛ̨ ɓə gaa a guɔ huwalawala.»

Ɛstɛrə 9:17

Yili ə kɛ tii, a ɲąnįn ŋɛ̨i da kɛ mą Hebreu woo hu, Adarə, nwɔ hvolo pow kɔ́w haaɓa yələ. Di di hvitɔɔ a voló pow kɔ́w nąąn ɲələ, di ɉəɠə ɉu a hvįįtɔɔ hvolo.

Ɛstɛrə 9:19

Yili ɓə gɛ, Ɉuifəɠaa kpɔ di kaa daaɠaa hu, di voló pow kɔ́w nąąn ɲələ tii həɠə ɉu, di gɛ a di wɔ hɛli hvolo da di kwəinɛ̨ɛ̨ hvolo. Volói tii a ɉəli, da kɛ mɛ̨inɛ̨ɛ̨ɠaa kɛi di kee ɓa.

Ɛstɛrə 9:2

Ɉuifəɠaa di di ŋąąkpɔn daaɠaa hu, da tɔɔmun Asuerusə nwɔ koɓitaaɠaai hu, ə gɛ, nuąi diɛ di mɛ̨nį ɲɔ̨n gɛ a diɛ, di di hon. Nui lɔpee ta hvo pɛli tɔɔi di la. Mąąhɔlɔɓo, Ɉuifəɠaa mąą mɛ̨nį ə kɛi nɔi nuą mąą ɲɔw.

Ɛstɛrə 9:22

Mąąhɔlɔɓo, volóɠaai tii ɓə Ɉuifəɠaa di liilaa yɛnɛ̨ɛ̨ hɔlɔɓo la, a kulɔi di mo di yowoɠaa yəi. Volói tii ɓə di wɔ liihɛlɛn mąą ə hvalin na a kwəinɛ̨ɛ̨, da kwəinɛ̨ɛ̨ hɛli, diɛ mɛ̨inɛ̨ɛ̨ kɛ di wɛlikɛmąą nuą da mąąwɛli nuą diɛ.

Ɛstɛrə 9:27

Ɉuifəɠaa di ɉee di kpɔɔ mɛ̨i a tɔ́n, ə kɛ a di huwu la mɛ̨nį ta, ə mą kɛ nuą yiiɠaai da lɔ di wɔ kalan hu, di mąąnɛ̨ɛ̨ kɛ diɛ ɉɛli tii pu a kwɛlan gəlee, nɔi kəlee hu, taa kəlee hu, pɛlɛ kəlee mu.

Ɛstɛrə 9:3

Nuąi kɛi nɔi ɲąą wooɓo tɔɔmun naa hu, nɔi nąmįną, gbahanamaɠaa, gəlee tɔɔi kɛ Ɉuifəɠaa pulu. Mąąhɔlɔɓo, di kɛi ɲɔw Mardose ɓa.

Mąątɛ̨nɛ̨ 105:38

Eziptə kwəi ə nɛ̨ɛ̨, di li mɛ̨nį ɓa, mąąhɔlɔɓo, ɲɔw aa kɛ pili di hu.

Mąątɛ̨nɛ̨ 18:43

Ŋą́ di mąą pənə a munuun gbala, hvaŋą yɛ li a diɛ.

Lɛɛ gbɔwɔ ɓa 15:16

Ɲɔw aa di hu pu diɛ, Ə́ wɔ yee walawala laa aa di mąą ɲɔw, daa di kpuwulu kɛ, yɛ kwɛni. Di kaa pai lɛɛi tí, ə lɛɛ ɉu Yai-Laa Ə́ wɔ nu huwui ə tɛɛ; a Ə́ wɔ nu huwui Ə́ di həɠə ɉu, di tɛɛ.

Dutɛrɔnome 11:25

Nui lɔpee ta hvo pai tɔɔi ka la. Mąąhɔlɔɓo, Yai-Laa kaa pai gɛi nuą diɛ ɲɔw kaa kɛɛnąą kəlee ɓa, di mąą yɛ kpɛlin ka tɔwɔ yɛ bələi ə naakwɛlanmo la kaa.

Dutɛrɔnome 2:25

Ə həɠə háákələi ɓa, nu huwui kpɔ yələkɔlɔn mu, gáá ɲɔw lɔi di hu, di mąą yɛ kpɛlin ka ɲɛ̨itɔwɔ. Da kɛi pa ə́ laa pələ mɛ̨n ɉii, di kaa pai kɛi kpɛlin ɉi, di lii yɛ kpɛlin di kwəi.»

Zasua 2:11

Kwaa bələ mɛ̨n, ɛlɛɛ hvaŋą aa kpɛɛ ku yəi. Tín aa nu kəlee hon ka tɔwɔ, mąąhɔlɔɓo Yai-Laa ŋɛ̨i gaa a ka wɔ Yálá, ya ɓə gaa a yələkɔlɔn ɉu Yálá yɛ ɓo a lɔi mɛ̨i Yálá.

Zasua 2:9

Yɛ diɛ: «Ŋį́ gɔlɔn gɛ́ diɛ Yai-Laa aa nɔi ŋɛ̨i tɛɛ ka pɔ, ka pa mɛ̨nį ɓɛ, mąą tín aa too, kpɛlin aa too nɔi nuą kəlee hu.

Samuɛlə dɔlɔɔ 25:8

Ə́ wɔ hilɛlɛa mąąnin gɛ, di kaa pai kɛi yɛ́: Tɛ̨ą li. Ə́ yee lɛlɛɛ hee kani nwɔ́ hilɛlɛai mu, hvo gaai kwaa pa a hɛli yələ. Nɛ̨ɛ̨ yɛ́, yii ə́ yee a pɛli mą, dɛɛ ə́ wɔ tínuą da ə́ lon Davidə ni pɔ.›»