Ɛstɛrə 8:10 - Yálá laawoo hɛɓɛ

¹⁰ Di ɉɛɓɛ́ɠaa tii pɛ̨ɛ̨ tɔɔmun naa hu, di tɔɔmun nwɔ gbonoi pɔɔ kɛ diɛ, di di tɛɛ ɉɛɓɛ́ laalɛ nuą pɔ, di tɛ ɉoo mɛ̨i diɛ li la.

Bible

¹⁰ Mɔdikai è gɔlɔi ŋí pɔ̃yɛ Gâloŋ Atasɛra láai su, é gâloŋ ŋɔgbonoi pɔ́ɔ kɛ́ zu. Dí gɔlɔ-ŋai ŋí tɛ̀ɛ gâloŋ ŋɔsoo sia-ƃelai pɔ́ dí lí a dia ǹɔii kpîniŋ-ŋai kélee su a maa félaa.

Ɛstɛrə 8:10 ပူးပေါင်းရင်းမြစ်များ

Tɔɔɓɛlaa dɔlɔɔ 21:8

Ɉezabɛlə ə hɛɓɛ́ kɛ a Akabə laa, ə yili kɔ́lɔn ɉɛn gɛ mą. Ə ɉɛɓɛ́i tɛɛ Israɛlə ɲąąwooɓo nuąi kɛ Nabɔtə pɔ taai diɛ, da nu kpɛa kpɛaa.

Kɔlɔnikɔ Veerɛi 30:6

Gilɛhəɠə nuą di li a ɉɛɓɛ́i tɔɔmun ə bɛ̨ɛ̨ da nwɔ kalanɉonŋąą, di hiɛ la Israɛlə lɔi hu da Ɉuda lɔi hu nąą kəlee, di gɛ yɛ bələi tɔɔmun ə di tí la, diɛ kɛ mą: «Israɛlə lonnii, 'ka pənə ka pa Abrahamə, Isaakə da Israɛlə nwɔ Yálá Yai-Laa pɔ, yaa kpɛli a pənə ə pa ka pɔ, kaa ŋɛ̨i a nu kpəli woloi aa kulɔ Asiri tɔɔɓɛlaa yee wolo.

Ɛstɛrə 8:8

Kɛlaa, yii ɓaa ɉɛɓɛ́i ŋɛ̨i di bɛ̨ɛ̨, di ɲéé pɔɔ too ɉu, vá pɛli yili həɠəi mą. Yáá mun, hɛɓɛ́ kɛ, yɛ bələi gaa la ə́ kwəi, ə́ nwɔ́ gbonoi pɔɔ kɛ ɉu, Ɉuifəɠaa mąą kɔ́nwɔ̨ mɛ̨nį ɓa.»

Zôo 9:25

Ɲíí hvólóɠaa kaa tɛɛi, ə tɛɛ gilɛ həɠə mun nwəlɛɛ ɓa. Daa tɛɛ, di hvo mɛ̨nį ɲąąnɛ̨ɛ̨ kaa li.

Ikilisiati 8:4

Tɔɔmun vaa woo, gaa mɛ̨nį kəlee nwun mɛ̨i, ɛlɛɛ, nu ta hva kɛ mą: «Ə́ mo tii lə mɛ̨nį ɓa?»

Azaya 60:6

Ɲɔ̨ɔ̨mɛ̨ɛ̨ kpulu kaa pai kɛi ə́ wɔ lɔi hu kpɔ kɛnɛ̨, diɛi a Madian da Eifa ɲɔ̨ɔ̨mɛ̨ɛ̨ɠaa, Saba nuą kəlee diɛ pa, diɛ pa a hɛni da lansan, diɛ Yai-Laa mąątɛ̨nɛ̨ wələɠaa too.

Azaya 66:20

Nuą di kaa pai pai a ka kaayɔwɔɠaa diɛ həɠə lɔi takpɛliɠaa hu, diɛ gɛ a Yai-Laa kɔ́ hɛn, di ɓo hoo mɛ̨i, da wotoloɠaa, da luwu hu, di ɓo hoohvaalənŋąą mɛ̨i, da ɲɔɔmɛ̨ɛ̨ɠaa. Diɛ li nwɔ́ yee mąąhəɠɛɛi mɛ̨i, yii gaa a Ɉerusalɛmə; Yai-Laa woo li. Yɛ bələi lɔ Israɛlə lonnii diɛ kpɛli, da kɛ pai a kɔ́ɓo hɛnŋąą, hɛnɲąŋą mąąhəɠɛɛɠaa hu Yai-Laa yəi bɛlɛ́n.

Ɉeremi 2:23

Ə tɔɔi ɓa mį, yɛ́ kɛ diɛ: «Və́ kɛ gɔ́hɔɓo li Baalə haliɠaa pulu?» Ə ɲɛ̨i hee tai ɲee lɔwai yɛɛ kɔ́ɔɠaa hu, bələi ə́ túwɔ́ la, yɛ́ kpinįi ə́ gaa, ə́ hvaa mą! Ə kɛ pələ kaa yɛ hoo haa yii nwun ɉu hvo pɔ̨nɔ̨ li, yɛ gilɛ həɠə pələ kəlee,

Ɉeremi 51:21

ŋį́ hooɠaa da hoo gilɛ həɠə nuą ɓuwɔ a yɛ́, ŋį́ wotoloɠaa da di gilɛ həɠə nuą ɓuwɔ a yɛ́.

Danîa 4:1

Ɲą́ą́ Nabukodonosorə, ŋą́ kɛ kpɔ heeni ɲə́i bɛlɛ́n nɛ́ɛ́ hu, gɛ́ ɓo ɲə́i dɔɔ kwəlii.

Danîa 6:8

Ə́ wɔ tɔɔlaai hu, nwun nąmįnąa kəlee, ɉɛn gɔw laaikɛ nuą kəlee, da nɔi nu kpɛa-kpɛa, dɔɔmun gwɛlɛ nuą, da guvɛnɛɛliɠaa kəlee, daa pɛli ɉu diɛ: Ə́ hvaa mą, tɔ́n ə tɔɔ, hvóló pow haaɓa kuu mu, di noloɓo nɔi nąą kəlee, nui lɔpee ta hvo kwɛli hvilɛn ala takpɛli ɓa, ə mą kɛ nu ta ɓa, a kɛ yɛ́ tɔɔmun yɛ́ hvəi. Nui a wala dɔ́n tii hon, di pili ɲala kwənąn ɉu.