Ɛstɛrə 7:9 - Yálá laawoo hɛɓɛ

⁹ Tɔɔmun nwɔ kpɛtɛgbuwulu tɔ̨nɔ̨, yai naa ɓaa: Harbona; yɛ tɔɔmun ma: «Nwɔ́ mɛ̨nį námu! Haman ŋɛ̨i, aa wulu ta pɛli, ə gɛ, di pa kɛ Mardose hɛlɛn mą. Mardose ŋɛ̨i ta ə́ nwun mąąɓo lɔgilii nuą yəi. Nwului tii gaa tɔɔni Haman yəi gwəli, gwɛa yee kaa a yee laa mą pow hveelɛ kɔw lɔɔli.» Tɔɔmun yɛ mą: «'Ka li ka Haman hɛlɛn mą.»

Bible

⁹ Abona nyii kɛ̀ a gâloŋ ŋɔnɛyâai mɛi káa-nuui dɔnɔi, è mò ǹyɛɛi, “Emaŋ a yeŋkêŋ tɔɔ ŋɔpɛ́rɛi pôlu. Ǹyeŋkêŋ ŋí ŋɔtɔɔ-mɛi káa a kɔ́ɔ ƃɔ́rɔnîi buu lɔ́ɔlu mɛi-feerɛ káo lɔ́ɔlu. È dɔ̀ɔ a gɛɛ é Mɔdikai, nyíi wɔ́lɔ ífulu-laai ŋuŋ ma ƃoi, sɛ̂lɛŋ ma.” Gâloŋ è mò dîa ǹyɛɛi, “Ka Emaŋ kpîŋ sɛ̂lɛŋ ma!”

Ɛstɛrə 7:9 ပူးပေါင်းရင်းမြစ်များ

Tɔɔɓɛlaa veelɛ 9:32

Ɉehu ə ɲɛ̨i pili bɛlɛ́ vaŋą pilii, yɛ mą: «Gbɛɛ ɓə kwa yaa ku tɔɔ? Gbɛɛ ɓə?» Nɛ̨ɛ̨nui tii nwɔ gbɛtɛgbuwulu hveelɛ, a wala kɛ tii ɉaaɓa, di di nwun gulɔ Ɉehu pɔ pələ.

Ɛstɛrə 1:10

Voló mɛ̨ihveelɛ yələ, nɔɔ ə tɔɔmun ɉon, gwəinɛ̨ɛ̨, ə nɛ̨ɛ̨ mą, ə nwɔ gbɛtɛkpuwulu mɛ̨ihveelɛi təli, diɛi kɛ nwɔ tí nuą diɛ ɓaa: Mehuman, Bizta, Harbona, Bigta, Avagta, Ɉetarə, da Karkasə.

Ɛstɛrə 5:14

Nąąlɔwai, Haman nɛ̨ą Ɉɛrɛsə da Haman mɛlaani, di mo mą diɛ mą: «'Mo, di wulu ta pɛli, gwɛa yee yɛ ɓo a yee laa mą pow haa ɓa, tinąą, ə ɉu hvɛli tɔɔmun ma, di Mardose hɛlɛn mą. Yili pulu, ka tɔɔmun ka li, ka ka laa mįi a kwəinɛ̨ɛ̨.» Mɛ̨nįi tii ə Haman lii hon, ə mo di nwulu tee di vilɛn.

Ɛstɛrə 6:14

Haman mɛlaa di lɛɛ lɔ mɛ̨nį tii ɓoi, tɔɔmun nwɔ nu gbɛtɛkpuɠuluɠaai diɛ pa Haman təli Ɛstɛrə nwɔ ɓɛlɛhee kɔ̨nɔ̨n ma.

Ɛstɛrə 6:2

Ɉɛɓɛ́, mɛ̨i ŋɛ̨i kɛ bɛ̨ɛ̨i laa, diɛ kɛ mą: Bigtan da Tɛrɛsə, diɛi kɛ a gbɛtɛkpuwuluɠaa, diɛ dɔɔ kwəlii mąąkpɛ, di wɔlɔ lɔ tɔɔmun Asuerusə mąą kili, diɛ kɛ di baa. Kɛlaa, Mardose ɓə wɔlɔ di nąą lɛ, di yili kaa ɉɛɓɛ́ hu.

Ɛstɛrə 8:7

Tɔɔmun Asuerusə yɛ Ɛstɛrə da Mardose ŋɛ̨i a Ɉuifəɠaa diɛ: «Ka ka wəli tɔɔ! Ɛstɛrə, Haman ŋɛ̨i Ɉuifəɠaa paa mɛ̨nį giliŋąhiɛ kɛ, ŋą́ą́ mo daa ɉɛlɛn wulu ɓa, ɛlɛɛ, ŋą́ą́ ɲəi hɛnŋąą kəlee tɛɛ ə́ pɔ.

Ɛstɛrə 9:14

Tɔɔmun ə mo yɛ diɛ, ə kɛ yɛ pələi tii ə́ mo la. Di ɉɛɓɛ́ kɛ, di noloɓo Susə daai, di Haman lon ɉinąą pow tii hɛlɛn wulu ɓa.

Ɛstɛrə 9:25

Kɛlaa, ɓɛlɔwai Haman ə kɛi pa mɛ̨nįi tii hu hvɛlii la tɔɔmun ma, mɛ̨nį tii ə bɛ̨ɛ̨ yɛ hvilɛn na Ɉuifəɠaa diɛ, ə pənə ə too mɛ̨i. Yaa Haman, da non ɉinąą, di di hɛlɛn wulu ɓa.

Mąątɛ̨nɛ̨ 141:10

Nuąi di hvo ə́ kɔ́lɔn, di kaa pai kɔ́i la, a di kpɔ kpɔɔ ɓaalə, ɲą́ą́ nwɛ́i, gɛ́ nwɔ́ li ɓo.

Mąątɛ̨nɛ̨ 35:8

Nu kala mɛ̨nįi ɲɔ̨nwɔ̨nmąn və ta kɛli, 'ə həli diɛ, di tɛɠii, ɉɛlɛn diɛ kpinįi di dɛ, 'di kɔ́ la, 'di nwun ə lɛɛ mɛ̨nį ɲąąnwąnąąi tii hu.

Mąątɛ̨nɛ̨ 73:19

Gaa kpɔlɔ a nu tɛɠii kɛɛ kalaa lɔ poto-poto, daa lɔ gbąi, di hu aa kala a ɲɔw.

Danîa 6:24

Nąąlɔwai, tɔɔmun gwəi ə nɛɛ kpɔ kɛnɛ̨, ə mo yɛ diɛ: «Ka Daniɛlə kulɔ ɲala kwənąn ɉu.» Gulɔi di mo, pɔɔ lɔpee ta hvo kɛ mą, mąąhɔlɔɓo, ə gilitɔɔ nwɔ Yálái ɓa.

Danîa 6:7

Yili pulu, nwun nąmįnąa da nɔi nu kpɛa-kpɛa di lɔ di kee hu, də li tɔɔmun bɔ, diɛ mą: «Tɔɔmun Dariusə, ə́ yii ə kwɛa, kɛi a mo tii Yálá ə kɛ!

Samuɛlə dɔlɔɔ 17:51

Davidə ə kpuluun, ə li ə tɔɔ Goliatə mɛ̨i, ə yili nwɔ kɔ́ kɔ́ ɓɔwai kulɔ daa hu, ə gbəli paa la. Ə nwun dee la ɲą. Gaai Filisti nuą di mo diɛ kɛ di wɔ kɔ́kuláái aa haa, di tɛɛ a gilɛ.