Ɛstɛrə 7:10 - Yálá laawoo hɛɓɛ

¹⁰ Di nɛɛ mą di Haman hɛlɛn nwului tii ɓa, yaai ə bɛli Mardose laa ɓa. Nąąlɔwai, tɔɔmun lii ə laa.

Bible

¹⁰ Nya ƃe dí Emaŋ sɛ̀lɛŋ ǹyeŋkêŋ mâ nyii è dɔ̀ɔ Mɔdikai mɛni mai ḿâ. Nyíŋi pôlu ma, gâloŋ líi ŋáa è yèŋ.

Ɛstɛrə 7:10 ပူးပေါင်းရင်းမြစ်များ

Zɛnɛse 40:22

Kɛlaa, ə gɔ̨nɔ̨n bɛli nuą nwun nąmu hon, ə ɉɛlɛn. Bələ ɓə, ɉįi ŋɛ̨i Ɉosɛfə ə ɉukulɔ, naa ə hon na.

Ɛstɛrə 2:1

Mɛ̨nįɠaa tii tɛɛ pulu, ɓɛlɔwai tɔɔmun Asuerusə lii ə laa la, mɛ̨nįi tii Vasti ə gɛ la, ɛlɛɛ da ɉɛɓɛ́i ŋɛ̨i ə bɛ̨ɛ̨, yɛ hvilɛn na Vasti ɓa, ə hee, yɛ giliŋąhiɛ mą.

Ɛstɛrə 5:14

Nąąlɔwai, Haman nɛ̨ą Ɉɛrɛsə da Haman mɛlaani, di mo mą diɛ mą: «'Mo, di wulu ta pɛli, gwɛa yee yɛ ɓo a yee laa mą pow haa ɓa, tinąą, ə ɉu hvɛli tɔɔmun ma, di Mardose hɛlɛn mą. Yili pulu, ka tɔɔmun ka li, ka ka laa mįi a kwəinɛ̨ɛ̨.» Mɛ̨nįi tii ə Haman lii hon, ə mo di nwulu tee di vilɛn.

Ɛstɛrə 7:7

Tɔɔmun níi ə kələn gwəi, ə muhəɠə, ə kulɔ dɔɔ kwəli hąąi. Haman kili ə pu ɉu yɛ tɔɔmun aa baa mɛ̨nį kili tee gwəi, ə lɛɛ laa yɛ nwun mąąkɔ̨nwɔ̨ mɛ̨nį hu hvɛli tɔɔmun nɛ̨ą Ɛstɛrə ɓa.

Ɛstɛrə 7:8

Ɓɛlɔwai tɔɔmun ə həɠə la ɲɛ̨nɛ̨ɛ̨ pələ, yɛ lɔ, ə Haman kaa, ə kpuluun yɛ li pɛlɛi Ɛstɛrə laakpəlin ma. Tɔɔmun ə nąą kaa lɔ tii, yɛ Haman ɓa: «Yɛ́ ə́ too Ɛstɛrə mɛ̨i, ə́ mɛ̨nį ɲɔ̨n da kɛ la ɲɛ̨́i ɓa, ɲəi bɛlɛ́n, dɔɔ pɛlɛ́ mu. Yii lɔ woo tii ə kulɔ tɔɔmun na, daa mąn Haman ɲɛ̨i yili.»

Ɛstɛrə 8:7

Tɔɔmun Asuerusə yɛ Ɛstɛrə da Mardose ŋɛ̨i a Ɉuifəɠaa diɛ: «Ka ka wəli tɔɔ! Ɛstɛrə, Haman ŋɛ̨i Ɉuifəɠaa paa mɛ̨nį giliŋąhiɛ kɛ, ŋą́ą́ mo daa ɉɛlɛn wulu ɓa, ɛlɛɛ, ŋą́ą́ ɲəi hɛnŋąą kəlee tɛɛ ə́ pɔ.

Ɛstɛrə 9:14

Tɔɔmun ə mo yɛ diɛ, ə kɛ yɛ pələi tii ə́ mo la. Di ɉɛɓɛ́ kɛ, di noloɓo Susə daai, di Haman lon ɉinąą pow tii hɛlɛn wulu ɓa.

Ɛstɛrə 9:25

Kɛlaa, ɓɛlɔwai Haman ə kɛi pa mɛ̨nįi tii hu hvɛlii la tɔɔmun ma, mɛ̨nį tii ə bɛ̨ɛ̨ yɛ hvilɛn na Ɉuifəɠaa diɛ, ə pənə ə too mɛ̨i. Yaa Haman, da non ɉinąą, di di hɛlɛn wulu ɓa.

Zôo 18:8

Mąąhɔlɔɓo, ɉiɛ pələ kaa pai dooi kili hɛlɛn ŋą, yɛ bili tumɔ̨ hu.

Zôo 20:8

Gaa pai kpɛɛi lɔ nuą ɲɛ̨i yɛ hį́i mɛ̨nį, Gbɛɛ ɓə kɛa pai ɲɛ̨i tɔɔi mą, gaa pai kɛi lii yɛ nu a kɛi hį́i kaa a kpinįi.

Mąątɛ̨nɛ̨ 37:15

Kɛlaa, di kpɔwɔ ɓɔwa tii, aa lɔ di hu, gilɛnŋaa hu yɛ yali.

Mąątɛ̨nɛ̨ 7:16

Nui a lɔwa tee yɛ gbon ɉu kwɛa, mąą nu kaa pai tooi gbɔwɔ lɔwai tii hu.

Mąątɛ̨nɛ̨ 94:23

Aa di wɔ túwɔ́ pələ ɲɔ̨nŋaa yɛɛ a di nwun, aa di hukala a di kpɔ kpɔɔ kili ɲɔ̨nwɔ̨ɔ̨i ti; Yai-Laa ku wɔ Yálái aa di hukala.

Hanwon 11:27

Nui gaa bɔ ə túwɔ́ a nɛlɛɛ, nuą da mąątɛ̨nɛ̨. Nui a mɛ̨ni ɲɔ̨n bɔɔkpɛ, mɛ̨ni ɲɔ̨n a wolo mą.

Hanwon 11:8

Nui a hiɛ tɛ̨ą pələ mɛ̨i, a mąą nu mɛ̨i kaa. A telimo nuą túwɔ́ pələ mɛ̨i kaa.

Hanwon 26:27

Nui a lɔwa tee a too ɉu. Nui a kwɛni kpuwulu kiliɠilin, a pənə ə pa mɛ̨i.

Ɉeremi 34:17

Yili mąą mɛ̨nį ɓa, Yai-Laa woo ka, yɛ diɛ: «Ka hvo lɛɛ li nwóó mu, ka hvo ka kaayɔwɔɠaa da ka nąn nonnii lɛɛ li di kpɔɔ ɓa: ‹Ɲą́ą́ gbɛli, gáá ka lɛɛ mɛ̨nį ka kpɔɔ yee kɔ́nma loloɓoi, gɛ́ ka lɛɛ ɓɔwa kwɛa yəi, da ɲɔ̨n, da pulu; Yai-Laa woo li. Gáá ka kɛi a hɛn yɛnɛ̨ɛ̨ tɔɔɓɛlaa kəlee da ɲɔw mą.›

Izikiɛ 5:13

Və́ pai nwɔ́ líiholii kpɛlai bələi; gáá pai nwą́ną́ kulɔi diɛ, ə lɛɛ ɉu ŋą́ naa kulɔ; da gili kɔ́lɔn dii, diɛ kɛ Yai-Laa ɓaa a ɲą́ą́; tolo ɓə gɛ, gɛ́ hvaa, gɛ́ nwą́ną́ kulɔ la diɛ, gɛ́ naa kulɔ.

Danîa 6:24

Nąąlɔwai, tɔɔmun gwəi ə nɛɛ kpɔ kɛnɛ̨, ə mo yɛ diɛ: «Ka Daniɛlə kulɔ ɲala kwənąn ɉu.» Gulɔi di mo, pɔɔ lɔpee ta hvo kɛ mą, mąąhɔlɔɓo, ə gilitɔɔ nwɔ Yálái ɓa.

Danîa 6:25

Tɔɔmun ə pənə ə mo, yɛ diɛ: «Nuąi kpɔ tii Daniɛlə mąąɲaba lɔ, di pa a gəlee, di di pili ɲala kwənąn ɉu; diɛ di lonnii da di nɛ̨ąni.» Di pili tii di mo ɲala kwənąn ɉu, gɛɛ di hvo həli nɔi ɓa, di kɔ́w kpuɔkpuɔɠaa lɔ ɓə kɛi too nɔi ɓa.

Zakari 6:8

Nąąlɔwai, Yai-Laa ə də́li, yɛ mą́ą́: «Ɓɛ kaa li, yiiɠaai tii lii ɲələi pələ, di kaa lii di nwɔ́ Nįį tɛɛi ɲələi pələ lɔi pɔ.»

Nwun mąąɓo 15:7

Samsɔn yɛ diɛ: «Yii kaa gɛ tii, və́ pai heei lɔ tin, hvo kɛli ŋą́ nwą́ną kulɔ kaa.»