Ɛstɛrə 5:9 - Yálá laawoo hɛɓɛ

⁹ Voló tɔ̨nɔ̨i tii hu, Haman ə kulɔ Ɛstɛrə yəi bɛlɛ́n a kwəinɛ̨ɛ̨; kɛlaa, ɓɛlɔwai ə pa la tɔɔmun yəi bɛlɛ́ laaləi, Mardose hvo kpɛli dumo, hvo gɛ hvo həɠə Haman tɔwɔ. Haman lii ə kələn gbɔ gwəi kɛnɛ̨, Mardose pɔ.

Bible

⁹ Emaŋ è kùla gúui su a lii-nɛ̃ɛ gɛ́ yoŋka tèe. Tãi è kùla la ŋ̀énii ŋái, è Mɔdikai kàa. Emaŋ è ŋ̀á kàa a gɛɛ Mɔdikai fé ŋumɛ maa tɛɛ-ni bɔ́ yɛ̂ɛ berei ǹúui gbéli-ŋai díkɛ̀ gɛ̂i lai. M̀ɛnii ŋí è gɛ̀ gbɔara lîi kɛ̀ Emaŋ líi su é pîlaŋ Mɔdikai mai, zu é kɛ́tɛ.

Ɛstɛrə 5:9 ပူးပေါင်းရင်းမြစ်များ

Tɔɔɓɛlaa dɔlɔɔ 21:4

Akabə ə pənə ə li bɔɔli yá ə laa gɔlɔi nii kələn ŋąą gwəi kpɔ kɛnɛ̨, nwooi Izreɛlə mun Nabɔtə ə mo mą, mąą mɛ̨nį ɓa. Yai ə kɛ la mą, vá pɛli ną́nni kwɛlin dɛɛi ə́ pɔ. Akabə ə laa ɲəi gbin ŋą, ə ɲɛ̨i tinɛ̨n bɛlɛ́ pɔ pələ, ɛlɛɛ, hvo gɛ hvo kɔ̨nɔ̨n mįi nii kələn bələ ɓa gwəi.

Tɔɔɓɛlaa dɔlɔɔ 21:6

Akabə yɛ mą: «Ŋį́ kɛ Izreɛlə mun Nabɔtə ɓa, ‹Ə́ wɔ viɲə yɛai tɛɛ bɔ́ ŋą́ ɲa, awala kɛ tii, ŋą́ viɲə yɛa takpɛli tɛɛ ə́ pɔ a bɔɔi.› Kɛlaa yɛ mą́ą́: ‹Hva pɛli nwɔ viɲə yɛai tɛɛi bɔ́.›»

Ɛstɛrə 2:19

Ɓɛlɔwai di kɛi nɛ̨ɛ̨lɛa ɲąąkpɔn na a veelɛ naa, Mardose ə kɛ heeni tɔɔmun yəi bɛlɛ́ laaləi.

Ɛstɛrə 3:2

Nuą kpɔ kɛi tɔɔmun nwɔ pɛ́lɛ́i mąąkpɛ, da Haman kaa kɛ, gəlee da kwɛli hvilɛn mą. Mąąhɔlɔɓo, pələ ɓə tɔɔmun ə mo la, Haman mąą mɛ̨nį hu. Kɛlaa, Mardose hvo kɛi gɛ, hvo gbəlin vilɛn, hvo kwɛli hvilɛn Haman ɓa.

Ɛstɛrə 3:5

Haman yaan ə gaa, Mardose hvo kɛi gbəlin vilɛn, hvo kwɛli hvilɛn ma, Haman lii ə kələn gbɔ gwəi kɛnɛ̨.

Ɛstɛrə 5:13

Kɛlaa, yili ə mą kɛ tii, níí hvo laa li, gɛ mɛ̨nį Mardose ŋɛ̨i a Ɉuifə, gaa a galan ɉon da dɔɔ kwəlii, a dɔɔmun gwɛlɛ mun da.»

Zôo 20:5

nu ɲɔ̨nwɔ̨ɔ̨ɠaa di wɔ yeetɛɛmąą laa kaa lɔ a hvóló tɔ́nɔ̨ mɛ̨nį, mɛ̨nį ɲɔ̨n gɛ nuą di wɔ kwəinɛ̨ɛ̨ kaa lɔ a gbuɔ.

Zôo 31:31

Mą́ą́ nwɛ̨ąą di hvo kɛi kɛ diɛ, Gbɛɛ nuą ɓə di hvo pilɛ li huwɔ hu?

Mąątɛ̨nɛ̨ 15:4

Ɲɛ̨i mu, mąąnɛ̨ɛ̨ di tɛɠɛɓo nɛ̨ŋɛ̨n ɉəɠəmun ɉu. Kɛlaa, nuąi da ɲɔw Yai-Laa ɓa, a di mąąwiɛ, ə mą kɛ, aa gwɛla a ɲee lɛɛ pələ ɉu, hva nwoo lɛɛ.

Mąątɛ̨nɛ̨ 27:3

Ə mą kpɛli kɛ kɔlaɠa pɛlɛ tɔwɔ, níí hva kulɔ mą́ą́! Ə mą kɛ daa kɔ́ yili mąą, gílitɔɔi kaa mą.

Danîa 3:13

Tɔɔmun Nabukodonosorə lii ə kələn gwəi kpɔ kɛnɛ̨, ə mo, yɛ di pa a: Sadrakə, Mesakə da Abɛdə-Nego ni, nííla. Di nɛɛmą di pa a diɛ.

Maafîu 10:28

Nui a nu paa, hva pɛli hɛn da kɛi a níi, ka hvo ɲɔw mą. Nui a pɛli nu paai, ə níi pili ɉahanąmą nwɔ̨n ɉu, kaa mun ka ɲɔw mą.

Maafîu 2:16

Yii kɛa Herodə ə gbaɠala kaa yɛ, kilimąą nuą daa mowo, nii ə hvoli kpɔ a mɔlɔ. Ə nuą tɔɔ Bɛtleɛmə daai da gwɛlɛ taaɠaa kəlee hu, ə gɛ, di lɛapɛlɛɛ yiiɠaai di kaa kwɛlan gaa tɔ̨nɔ̨ a wala kɛ tii hveelɛ, di di paa, yɛ pələi maageɠaa di nokoloi kaa mɛ̨nį gilaa pono tɛɛ la bɔ.

Lukə 6:25

«Kpalo ɓɛlaai kaa, kaa yii ka mąąkpaan gbɛɛ hɛn gəlee kaa ka yəi yiihu; mąąhɔlɔɓo, pulu kaa pai tinąą tooi kaa! «Kpalo ɓɛlaa kaa, kaa yii ka káá yɛ́lɛ́i yiihu, mąąhɔlɔɓo, ka káá tinąą pai mąąwɛli hee ɓoi.

Ɉaan 16:20

A tɛ̨ą kpɔ-kpɔ gáá moi kaa, ka káá pai wɔlɔi, kaa ka woolaa, kɛlaa, nąąlɔwai, a kɛ a kwəinɛ̨ɛ̨ yɛnɛ̨ɛ̨ nuą diɛ. Ka liihɛlɛn ŋąąi, ka wɔ liihɛlɛn mąą kaa pai pənəi a kwəinɛ̨ɛ̨.

Gɛlaɠaa 7:54

Nwooɠaa ti ə di liikələn di kwəi, diɛ di ɲįn ɲą mįi, diɛ di laa hvaną a Etiɛnə.

Zĩi 4:9

'Ká ká wɔɔ mąąwɛli laa hu kɔlɔn, ká mąą wɛli hee ɓo, 'ká wɔlɔ, 'ká ká wɔɔ yɛlɛ mąą pənə a haa wɔlɔ, ɛlɛɛ, 'ká ká wɔɔ kwəinɛ̨ɛ̨ mąą pənə a nwumɛ̨.