Ɛstɛrə 5:14 - Yálá laawoo hɛɓɛ

¹⁴ Nąąlɔwai, Haman nɛ̨ą Ɉɛrɛsə da Haman mɛlaani, di mo mą diɛ mą: «'Mo, di wulu ta pɛli, gwɛa yee yɛ ɓo a yee laa mą pow haa ɓa, tinąą, ə ɉu hvɛli tɔɔmun ma, di Mardose hɛlɛn mą. Yili pulu, ka tɔɔmun ka li, ka ka laa mįi a kwəinɛ̨ɛ̨.» Mɛ̨nįi tii ə Haman lii hon, ə mo di nwulu tee di vilɛn.

Bible

¹⁴ Nya ƃe ŋɔnɛnîi da m̀arâai dí mò ma dîyɛɛi, “Yeŋkêŋ tɔɔ mɛi kɛ́ ƃò a kɔ́ɔ ƃɔ́rɔnîi buu lɔ́ɔlu mɛi feerɛ káo lɔ́ɔlu. À kɛ̀ tí, m̀ó gâloŋ ma é Mɔdikai sɛ̂lɛŋ ma a tínaa ɣele-wala. Gɛ̀ ní ya pâi liî gûui su a lii-nɛ̃ɛ.” Ǹia-wooi ŋí è ǹíi làa. È gɛ̀ dí nyeŋkêŋ tɔ́ɔ.

Ɛstɛrə 5:14 ပူးပေါင်းရင်းမြစ်များ

Samia Veerɛi 16:21

Ahitofɛlə yɛ Absalɔn ɓa: «Ə́ nąn nwɔ wɛli nɛaii ŋɛ̨i ə́ nąn ə di lɛɛ ɓɛ, diɛ di ɲɛ̨i kɛ diɲɛɠaa li ə́ laa a diɛ. A kɛ tii, Israɛlə nuą kəlee kaa pai gbaɠala kaai, diɛ kɛ yaa yowo laa kɛnɛ̨ lɔ ka ə́ nąn ka lɔwai. Ə lɛɛ, nuąi di tɔɔ ə́ pulu, di hvaŋą kaa pai lɔi.»

Tɔɔɓɛlaa dɔlɔɔ 21:25

Nu ta hvo ta kɛ hɔlɔɓo li, yɛ pɛli mɛ̨nį ɲɔ̨n gɛi Yai-Laa ɲɛ̨i ɓa, gɛnɛ̨ yee yɛ həli Akabə nwɛi pɔ. Mąąhɔlɔɓo, nɛ̨ą Ɉezabɛlə ə nwun ɉu lan.

Tɔɔɓɛlaa dɔlɔɔ 21:7

Akabə nɛ̨ą Ɉezabɛlə yɛ mą: «Kɛlɛi yɛ́ kpɔ ɓə Israɛlə lɔi ɲąąwooɓoi-ee! 'Ə́ muhəɠə ə́ kɔ̨nɔ̨n mįi, ə́ ə́ kwəinɛ̨ɛ̨. Ɲą́ą́ ɓə pai Izreɛlə mun Nabɔtə nwɔ viɲə yɛai tɛɛ ə́ pɔ.»

Ɛstɛrə 6:4

Nąąlɔwai tɔɔmun yɛ diɛ: «Gbɛɛ ɓə gwəli hąąi?» Nąąlɔwai tii hu kpɔlɔ, Haman ə kɛ dɔɔ kwəli gala laaləi; yɛ lɔ. Ə kɛi pa, ə gɛ, ə Mardose hɛlɛn mɛ̨nį hu hvɛli, di ɉɛlɛn nwului ŋɛ̨i ə bɛli mą.

Mąątɛ̨nɛ̨ 37:14

Nu ɲɔ̨nwɔ̨ɔ̨ɠaa daa ɓɔwa kwɛa kulɔ daa hu, daa gilɛn ɲala ɉu, mąąwɛlimun da yeehowolomun di paa mɛ̨nį ɓa; nui hiɛi a ɉaŋąą nwun dee mɛ̨nį ɓa.

Mąątɛ̨nɛ̨ 37:32

Nu ɲɔ̨nwɔ̨ɔ̨ɠaa da kɛ tələnmomun mąąhɛnŋįi, diɛ baa pələ kwɛli.

Mąątɛ̨nɛ̨ 9:15

Gɛ́ pɛli kɛi lɔ ə́ mąątɛ̨nɛ̨ wələ tooi, Siɔn, gwəli-hɛ̨ąiɠaa, gɛ́ pili yələi máloi yá mo, mąą mɛ̨nį ɓa.

Hanwon 1:18

Kɛlaa di wɛi, di kpɔwɔ ɲąmą pu mɛ̨nį lɔ ka tii, di kaa bələ hɛlɛn dɛi la, di wɔ yɛnɛ̨ɛ̨ lɔ ɓə pai gɔ́i.

Hanwon 4:16

Nwąnąlɔ nuą di hva yíi, akɛ di hvo mɛ̨nį ɲɔ̨n gɛ li. Da wala mɛ̨nį nwąnąą laa nu ta ɓa, yíi hva pa di ɲɛ̨i.

Lomaŋ 1:32

Di Yálá nwɔ kitii kɔ́lɔn, di gɔlɔn diɛ: Nui a túwɔ́ ti, vɛla ɓaa a haa. Diɛ kpinįilee da mɛ̨nį ɲɔ̨n ti kɛ, yili pulu, nuąi da kɛi mɛ̨nį ɲɔ̨n ti ɲɔ̨nwɔ̨mąn gɛ, diɛ di mąątɛ̨nɛ̨.

Lomaŋ 3:15

Nu paa mɛ̨nį ɓə di kɔ́wɔ mąąhulaa ɉu.

M̀ɛni-lɛɛi 11:10

Lɔi mɛ̨i heeɓo nuą di kaa pai kwəinɛ̨ɛ̨ kulɔi di haa mɛ̨nį ɓa, da kɛ kwəinɛ̨ɛ̨ hu, diɛ mɛ̨inɛ̨ɛ̨ kɛ di kee ɓa, mąąhɔlɔɓo, Yálá kwəi mɛ̨nį hukulɔ nuą hveelɛi tii, di kɛli mɛ̨nį laa diɛ.