Ɛstɛrə 4:3 - Yálá laawoo hɛɓɛ

³ Goɓitaaɠaa kəlee hu, ɓɛi lɔpee tɔɔmun nwoo tii ə həli laa, Ɉuifəɠaai di kaa nąą, ə too diɛ a liihɛlɛn, diɛ hin nɔ, diɛ wɔlɔ, diɛ di woolaa a damąą diɛ luwu pu di nwuɔ̨ diɛ mąąwɛli heɠe too di kwąną.

Bible

³ Ƃɛ́i kélee Zuda-ŋai paa mɛni duŋ è sèri naai, Zuda-ŋai kélee kɛ̀ naai dí sèe malôŋ-pere su. Díkɛ̀ sûŋ siɣêi díkɛ wɔ̀lɔ. Dámaa ɣele dí kɛ̀ nɔ́ luu siâi dîa dí kɛ́ maloŋ tôo-maa seɣe tòo dîa.

Ɛstɛrə 4:3 ပူးပေါင်းရင်းမြစ်များ

Ɛstɛrə 1:1

Mɛ̨nįi ŋɛ̨i ə kɛ ɓɛlɔwai Asuerusə ə kɛ la a tɔɔmun. Asuerusə ə kɛi tɔɔlaa kɛ koɓi taa nwundɔ̨nɔ̨ ɲeehveelɛ kɔ́w mɛ̨ihveelɛ mɛ̨i, ə həɠə Ɛndə lɔi ɓa, ə həli Nubi lɔi ɓa.

Ɛstɛrə 3:12

Ɲąnįn nwɔ hvolo pow kɔ́w haaɓa yələ, di ɉɛɓɛ́ kɛ nuą təli, di pa. Pələi kpɔ Haman ə di tí la, di ɉɛɓɛ́ kɛ tii di dɛɛ ɲɛ̨itɔwɔ nuą diɛ, gbahanamaɠaa kɛ goɓitaaɠaa hu diɛ, da hį́i tɛi tɛi kəlee nwɔ nwun nąmu. Di ɉɛɓɛ́i tii pɛ̨ɛ̨ a hį́i woo tamąą, gəlee da nwɔ hɛɓɛ́ kɔ́w. Di tɔɔmun gɔlɔn ɉɛn kɛ mą a nwɔ yee ɓa gbonoi pɔɔ.

Ɛstɛrə 4:16

«'Li, Ɉuifəɠaai di kaa Susə daai, ə gəlee ŋąąkpɔn, ka hin nɔ mą́ą́ mɛ̨nį ɓa, hvolo haaɓa, a kpinį haaɓa, nu ta hvo kɔ̨nɔ̨n mįi, hvo gbələ. Ɲą́ą́ gbɛli kwa nwɔ koló kɛ nɛ̨ąąi ku kaa gɛi lɔ tii. Yili pulu, gáá lii, tɔɔmun nííla pələi mąn tɔ́n gaa la ma. Akɛ ŋį́ haa, ŋį́ haa.»

Ɛstɛrə 4:2

Ə tɛɛ yɛ li tɔɔmun yəi bɛlɛ́ laaləi a wɔlɔ. Yaan, mąą hvo nɛ li kɛ mąą wɛli həɠə hvo lɛɛ nu ta kwaną yɛ li tɔɔmun yəi gwəli.

Ɛstɛrə 4:4

Ɛstɛrə nwɔ gbɛtɛkpuwuluɠaai da nɛ̨ąą di kɛ bɔ diɛ tí mą, di pa, di di woo hukulɔ mą, yili ə tɔɔmun nɛ̨ą mąą ɲɔw kpɔ kɛnɛ̨. Ɛstɛrə ə nɛ̨ɛ̨ mą, ə həɠəɠaa tɛɛ də li la Mardose pɔ, ə gɛ, ə mąąwɛli həɠəi tii kulɔ gwąną, kɛlaa, Mardose hvo gɛ mą.

Ɛstɛrə 9:31

Ɉɛɓɛ́i tii ɓə a nɛ yɛ di ɉɛlii tii pu a bui lɔwai, yɛ pələi, Mardose ŋɛ̨i a Ɉuifə da tɔɔmun nɛ̨ą Ɛstɛrə di bɛ̨ɛ̨ la diɛ kpinįi di mąą mɛ̨nį ɓa, da di huwuhu nuą; da yii nwɔ̨nɔ̨ hvilɛn na hin nɔɔ da woolaa mɛ̨nį ɓa.

Zôo 2:8

Nąąlɔwai, kwɛli ləɠi kalan mə Ɉobə ə kɛi mąą wɔlɔ la, ɉeɛ luwu hu.

Azaya 22:12

Mąą yələi tii, Nąmu Yai-Laa Mɛ̨nį Kəlee ŋą Hééɓomun, ə kɛ bɔ kɛ, ka wɔlɔ, ka ka woolaa, ka ka nwun gbəlaan mo, ɛlɛɛ, ka mąąwɛli hee ɓo.

Azaya 22:4

Yii hu kɛa, gáá kɛi kaa: ka ka ɲɛ̨i həɠə mą́ą́, ŋį́ wɔlɔ kpɔ a ɲąąnwąnąą, ka hvo tɔɔ kaa kɛ, ka káá ɲɛ̨́i kpalai, nwɔ́ lɔi hu nɛ̨ɛ̨gbɛla, hu kala mɛ̨nį ɓa.

Azaya 58:5

Volói nu a gbɔwɔ mąąyɛɛ la, ɉín nɔ pələi nwɛli kaa mą́ą́ yaa li? A kɛ tii mąąnɛ̨ɛ̨ nu ə nwun vilɛn yɛ hvee gbaɠa, yɛ həɠə haɠa too gwaną, yɛ hee luwu hu; yili mąą mɛ̨nį ɓə ya hin noloɓo la, a Yai-Laa liiɓa hvóló?

Izikiɛ 27:30

Diɛ wɔlɔ ə́ mɛ̨i, diɛ tomą a naa mąąwɛliɛ, diɛ muluun gbala pu di nwuɔ̨, diɛ kiliɠilin luwu hu.

Danîa 9:3

Ŋą́ hin nɔ, ŋą́ mąąwɛli heeɓo yɛ haa a too nu ɓa, gɛ́ ɲee laa hee Yálá ɓa, gɛ́ vɛli, gɛ́ nɛ̨ɛ̨mąą hvo mą.

Zôna 3:6

Ɓɛlɔwai Ninivə tɔɔmun ə bələ mɛ̨n na, ə həɠə ɲəi dɔɔ kpəlin ɉu, ə nwɔ tɔɔ həɠəi kulɔ gwaną, di kəlee di mąąwɛli hee ɓo.

Maafîu 13:42

Di di pili nwɔ̨n ɉu, ɓɛi wɔlɔ da ɲį́n ɲą mį́į́ tin di kaa laa.

Maafîu 22:13

«Tɔɔmun ə mo nwɔ tínuą diɛ, yɛ diɛ: ‹Ka nui ŋɛ̨i yee laa bulu, ka ɲili, ka gɔwɔ kwaną yili, ka bili ɲɛnɛ̨ɛ̨ gbinį hu ɓɛi wɔ́lɔ́ da ɲį́n ɲa mįi di kaa laa.›»

Maafîu 25:30

Yii ɓaa góló kɛmun viɲąą tii nwɛi, 'ka ɉon ka bili ɲɛnɛ̨ɛ̨ pələ ɓɛi wɔlɔ da ɲį́n ɲąą mįi di kaa laai.›»

Zasua 7:6

Ɉosue ə gwaną həɠə huɓɛla a líiholi, ə pɛlɛ Yai-Laa lííla, ə lɛɛ la ɉu yələ ə wulu; yaa da nɔi kalanɉonŋąą, di muluun gbala pu di nwuɔ̨.

Samuɛlə dɔlɔɔ 11:4

Gɛlaɠaa di həli Givea Saulə pɔ taai, di nwooɠaa tii laa həli nuą diɛ, nuą kəlee di tomą a wɔlɔ.