Ɛstɛrə 4:16 - Yálá laawoo hɛɓɛ

¹⁶ «'Li, Ɉuifəɠaai di kaa Susə daai, ə gəlee ŋąąkpɔn, ka hin nɔ mą́ą́ mɛ̨nį ɓa, hvolo haaɓa, a kpinį haaɓa, nu ta hvo kɔ̨nɔ̨n mįi, hvo gbələ. Ɲą́ą́ gbɛli kwa nwɔ koló kɛ nɛ̨ąąi ku kaa gɛi lɔ tii. Yili pulu, gáá lii, tɔɔmun nííla pələi mąn tɔ́n gaa la ma. Akɛ ŋį́ haa, ŋį́ haa.»

Bible

¹⁶ “Lí í Zuda-ŋai kélee ŋáa tɛ́ díkîe ma Susa taa-leei su ka dîa-ni ká sûŋ siɣe ḿɛni ma. Ka sûŋ siɣe a fólo saaƃa. Kwa ńyee mu-ƃelai kwa pâi gɛ̂i tí máŋ. Zûŋ ŋá ɣále tãi ŋa pâi liî gâloŋ pɔ́ naa berei máŋ vé tí la dɔ̂ŋ lá-woo mai. À kɛ̀ ŋa pâi saâi m̀ɛnii ŋí su, gɛ̀ ní é kɛ́ tí.”

Ɛstɛrə 4:16 ပူးပေါင်းရင်းမြစ်များ

Zɛnɛse 18:19

Abrahamə ŋɛ̨i ɓə ŋą́ ɉəɠə ɉu, da non, ə mą kɛ non ɉuwuhu nuą, əgɛ, di nwɔ́ tɔ́nŋąąi hon, ya ɓə a gɛ, diɛi tii di wɔ tələnmolaa da di wɔ mɛ̨nį haŋąą pɔ, ŋą́ mįnɛ̨ pɔ mɛ̨nį kɛ diɛ.»

Zɛnɛse 43:14

Gɛ́ Huwalawala Kəlee Nąmu Yálá ə hvaa mą, ɉulɔnui tii ə ka ɲɛ̨i mąą wɛli kaa, ə Bɛnɉamɛn lɛɛ laa da Simeɔn ka diɛni ka pa. Yii ɓaa nwɛ́i, gíli kaa ɉu gɛ́ diɛ ŋą́ą́ hvɛɠɛ a nón dɔ̨nɔ̨, veelɛ kɛɛnąą ka ŋɛ̨i laŋąn ɉii mą.»

Samia Veerɛi 10:12

'Tɔɔ a ə́ nwąnąi, gu gɛ a kpakololaa gu wɔ lɔi mąą mɛ̨nį ɓa, da gu wɔ Yálái nwɔ taaɠaai mąą mɛ̨nį ɓa. Yai-Laa ə gɛ kani, yɛ bələi niiɓa kaa la!»

Tɔɔɓɛlaa veelɛ 7:4

Gwa kɛ gu kaa lɔi daa kwəi, bulu kaa laa, gaa pai gu paai, gwa lɛɛ nwɔ̨nɔ̨ ɓɛ heeni, gu kaa pai haai. Ka gwə li Aramə nuą di wɔ kɔ́ɓuwui la, da gu nɔ̨ɔ̨ lɛɛ gu hu, gwa ɓalo, da gu paa nwɔ̨nɔ̨, gu haai lɔ li.»

Kɔlɔnikɔ Veerɛi 20:3

Ɉosafatə ə ɲɔw, ə tinɛ̨n yɛ li Yai-Laa mąąnin gɛi; ə hin nolo ɓo Ɉuda lɔi hu nąą kəlee, di hin nɔ.

Ɛsdrasə 8:21

Ŋą́ loloɓo Ahawa ya kwɛlɛ, gɛ diɛ, ku hin nɔ, ə gɛ, ku ku mąą yɛɛ Yálá lííla, ə gə ə hvaa mą ku ɉiɛ kulɔ a nɛlɛɛ kwa ku lonnii da ku tiɛ̨ɠaa.

Ɛstɛrə 4:15

Nąąlɔwai Ɛstɛrə ə wɛlɛɛ tɔɔ Mardose pɔ, yɛ mą:

Ɛstɛrə 4:17

Nąąlɔwai Mardose ə li, ə gɛ yɛ pələi tii Ɛstɛrə ə wɛlɛɛ tɔɔ la.

Ɛstɛrə 4:3

Goɓitaaɠaa kəlee hu, ɓɛi lɔpee tɔɔmun nwoo tii ə həli laa, Ɉuifəɠaai di kaa nąą, ə too diɛ a liihɛlɛn, diɛ hin nɔ, diɛ wɔlɔ, diɛ di woolaa a damąą diɛ luwu pu di nwuɔ̨ diɛ mąąwɛli heɠe too di kwąną.

Ɛstɛrə 5:1

Voló haaɓa hin nɔɔ tii pului, Ɛstɛrə ə nwɔ tɔɔ həɠəɠaa kɛ mą, ə li dɔɔ kwəli, tɔɔmun yəi bɛlɛ́ laaləi. Tɔɔmun ə kɛ heeni ɲəi bɛlɛ́n dɔɔ kpəlin ɉu, ɲɛ̨i hiɛ bɛlɛ́ laaləi pələ.

Ɛstɛrə 9:31

Ɉɛɓɛ́i tii ɓə a nɛ yɛ di ɉɛlii tii pu a bui lɔwai, yɛ pələi, Mardose ŋɛ̨i a Ɉuifə da tɔɔmun nɛ̨ą Ɛstɛrə di bɛ̨ɛ̨ la diɛ kpinįi di mąą mɛ̨nį ɓa, da di huwuhu nuą; da yii nwɔ̨nɔ̨ hvilɛn na hin nɔɔ da woolaa mɛ̨nį ɓa.

Azaya 22:12

Mąą yələi tii, Nąmu Yai-Laa Mɛ̨nį Kəlee ŋą Hééɓomun, ə kɛ bɔ kɛ, ka wɔlɔ, ka ka woolaa, ka ka nwun gbəlaan mo, ɛlɛɛ, ka mąąwɛli hee ɓo.

Ɉeremi 36:9

Ɉosiasə lon Yoyakimə, yai kɛ a Ɉuda tɔɔmun, nwɔ tɔɔlaa gwɛlan nɔɔli naa, ɲąnin mɛ̨inąąn nɔwai, di Ɉerusalɛmə nuą da Ɉuda taaɠaa hu nuą kəlee təli Ɉerusalɛmə, hin nɔ mɛ̨nį ɓa Yai-Laa lííla.

Danîa 2:18

Ə gɛ, Yálái ŋɛ̨i gaa yələkɔlɔn ɉu, di mɛ̨nįi tii hu lɛ mą, ə di ɲɛ̨imąąwɛli kaa, ə mɛ̨nį loɔ tii kulɔ diɛ pɔ̨nɔ̨ŋa, ə ɠɛ, Daniɛlə da mɛlaa, ə mą kɛ, kilimąą nuą yiiɠaai di kaa Babilonə daai, di hvo pa di paa.

Maafîu 12:40

Mąąhɔlɔɓo, bələi lɔ Ɉonasə ə hvóló haaɓa da kpinį haaɓa kɛ la hɔ̨nwɔ̨lee kwəi, gboloyá hu, bələ lɔ ɓə Nu Lon gaa pai hvóló haaɓa da kpinį haaɓa kɛi la kámą hu.

Lukə 9:24

Mąąhɔlɔɓo, nui a nɔ̨ɔ̨ mąąkɔ̨nwɔ̨, a hvɛɠɛ la. Kɛlaa, nui hva ɉaa mɛ̨nį niihɛlɛn ɉee, hva hvɛɠɛ a nɔ̨ɔ̨.

Ɉaan 19:22

Pilatə yɛ diɛ: «Yii ŋį́ bɛ̨ɛ̨, bɛ̨ɛ̨ li!»

Gɛlaɠaa 10:7

Malakai tii kɛli mɛ̨nį ɓo Kɔrnɛyɛ ɓa, yii kɛa ə li, Kɔrnɛyɛ ə nwɔ tínuą hveelɛ tɔɔ, da nwɔ holahii tɔ̨nɔ̨, diɛi kɛ ɲee mu. Gɔ́kulaa ti yaa kpɛli ə kɛi ɲɔw Yálá ɓa.

Gɛlaɠaa 20:24

Nwɔ́ kɛ yɛnɛ̨ɛ̨ hvəə gánąnŋąą mą kpɛli tíikpə, yiimun gánąnŋąą mą, ya ɓaa: gólói gu Ną́mu Jesus ə dɔ́ɔ́ mą, ŋį́ gɛ, ŋį́ naakulɔ. Góloi ti ɓaa: Ŋą́ Yálá nwɔ mɛ̨inɛ̨ɛ̨ mąą wəlɛɛ lɛlɛɛ mąą kɛlahvaaɓo.

Gɛlaɠaa 21:13

Kɛlaa, ə ku woo ŋąapənə yɛ kuɔ: «Lə mɛ̨nį ɓa ka káá wɔlɔi, káá níi yali gwə́i? Ɉɛ̨́ą yiliɛi, di ɲíli, ə mą kɛ di báá Ɉerusalɛmə gu Ną́mu Jesus laa mąą mɛ̨nį ba.»

Gɛlaɠaa 27:33

Di kɛɛ yələɓoɔ mąąkpɔn ɉii, Polə ə mo, nu kəlee ə kɔ̨nɔ̨n da wolo mįi; yɛ kɛ diɛ: «Háá ɓaa volo pow-kɔw-nąąn, káá pulu həɠə a liihɛlɛn, ká hvo hɛn da mįi.

Gɛlaɠaa 9:9

Ə hvóló haaɓa kɛ, hvo pɛli kɛɛ kaai, hvo kɛli hɛn da mįi, hvo kɛli gbələi.

Lomaŋ 16:4

Diɛ ɓə kɛi pa haai mą́ą́ mɛ̨nį hu. Ɲą́ą́ dɔ̨nɔ̨ hvei di mąmą ɓoi; ɲąą kwa gbɔnŋaai di kaa huwu takpɛliɠaa lɔwai kwa diɛni ɓə.

Filipə 2:30

Mąąhɔlɔɓo, ɉaai ə lɛɛ tiikpə Kristə nwɔ kólói mąą mɛ̨nį ə gbɔwɔ kulɔ a haláá, ə gɛ, ɉɛn kɛ ka hva pɛli ɉəɠəi ka hvo paa la bɔ́, ə paa la.

Zasua 24:15

Akɛ awala laa a ka lii, ka hvo tí Yai-Laa ɓa, ka ka liiɓa həɠə háákələi! Akɛ ɉaliɠaa ŋɛ̨i wɔlɔ ka nąnni di kɛi kwɛli hvilɛn mą ɲá lee pulu pələ ya ɓə, awala kɛ tii, Amɔrə nuą di wɔ lɔi ŋɛ̨i ka káá heeni ɉu, di wɔ haliɠaa. Nwɛ́i, ɲą́ą́ kwa ɲə́ bɛlɛ́n nuą, ku kaa tíi Yai-Laa ɓa.»

Samuɛlə dɔlɔɔ 19:5

Davidə ə gili kulɔ nwɔ yɛnɛ̨ɛ̨ hu, yɛ Filisti hulɔnui paa, ɛlɛɛ, Yai-Laa ə kɔ́ kɛnɛ̨ nɛɛ Israɛlə nuą kəlee ɓa, ə́ naa kaa, ə́ kwəi ə nɛ̨ɛ̨ ɉu. Ə́ kaa pai nɛ̨ŋɛ̨n ɉəɠəi, yɛ́ kwəi kwələ mun ɲąmą pu, yɛ́ Davidə paa kpɛli-kpɛli, lə mɛ̨nį ɓa?»