Ɛstɛrə 4:14 - Yálá laawoo hɛɓɛ

¹⁴ Mąąhɔlɔɓo, a kɛ yá hee tín mɛ̨nįi ŋɛ̨i hui, Ɉuifəɠaa di nwɔɔ liilaa da di nwun mąąɓo mɛ̨nį a həɠə pələ ta kpɛli; yɛ́ ka ə́ yəi bɛlɛ́n nuą kəlee ka nwun a lɛɛ ɉu. Yaan a kɛ yili kaa tii, gbɛɛ ɓə gɔlɔn, akɛ mɛ̨nįi ŋɛ̨i mąą mɛ̨nį hvəi gɛ, yɛ́ kɛ la a tɔɔmun nɛ̨ą?»

Bible

¹⁴ Ya lɛ̀ɛ a ímɛi sáa ífe mɛni da kɛ́ ní é pîlaŋ m̀ɛnii ŋí ma, kpɔŋ mâa a pâi kulâi núu da kpɛ́ni yêei Zuda-ŋai mɛni ma ǹyaŋ kɛ́ a gɔ́lɔŋɔɔ a gɛɛ yá, ka ísuui su-ƃelai kélee káŋuŋ lá a pâi pilîi. Gbɛ̂ɛ ƃé gɔ́lɔŋ a kɛ̀ í pà gâloŋ-pɛrɛi mu a tãi ŋí kúŋuŋ ma ƃó mɛni ma?”

Ɛstɛrə 4:14 ပူးပေါင်းရင်းမြစ်များ

Zɛnɛse 22:14

Abrahamə ə gɛɛnąą tii laa hee, yɛ mą: «Yai-Laa a gili lɛɛ ɉu.» Mɛ̨nįi gɛi, háá ɓa háá, da kɛ gɛɛnąą tii laa ɓaa: «Yai-Laa a gili lɛɛ ɉu yee ɓa.»

Tɔɔɓɛlaa veelɛ 13:5

Yai-Laa ə nu tɛɛ Israɛlə nuą pɔ, yii ə di nwun mąąɓo. Israɛlə nuą di kulɔ Aramə nuą yee mu, nu kəlee ə hee ɲəi bɛlɛ́n yɛ bələ ə kɛ la a tɔlɔɔ tɔlɔɔ yələ.

Tɔɔɓɛlaa veelɛ 19:3

Di mo mą, diɛ mą: «Nwooi Ezekiasə ə mo, ya ka: ‹Háákələi kaa a mąąwɛli hvóló, da liihɛlɛn voló, ə lɛɛ, da nwumɛ̨ hvóló. Yɛ bələ da mo la diɛ mą: «Nokoloi ŋɛ̨i kaai lɔwai aa həli, kɛlaa, hvaŋą hvo nee yəi, hvo gaa.»

Ɛsdrasə 9:9

Mąąhɔlɔɓo, ɓɛlɔwai ku kɛ la luwɔlaa hu, hvo ə́ kili kulɔ li ku hu, ə́ ə́ kiliŋąhiɛ kuɔ, Pɛrsə tɔɔɓɛlaa ɲɛ̨i ɓa, ə́ wɔ wɛlikɛmąąlaa hu, ə́ ku nwun mąąɓo, ə gɛ, ku Yálá hee pɛlɛ́ muhəɠə, kuɔ nwɔ̨nɔ̨ bɛlɛ kpoloon tii muhəɠə a nįnɛ̨, ə́ ku mąą kɔ́nwɔ̨i tɛɛ ku pɔ Ɉerusalɛmə daai, da Ɉuda lɔi hu.

Nehemi 6:11

Gɛ́ mą: «Ɲą́ą́! Ɲɔ́nwɔ̨ma a moɔ pu? Nu ləi ɓaa ɲą́ą́ yaai, ŋį́ pɛli lɔi Yálá hee pɛlɛ́ mu, gɛ́ lɛɛ a vúlú? Və́ lɔi laa.»

Ɛstɛrə 2:15

Ɉɛnŋąą ŋɛ̨i Hege, yai kɛ a gbɛtɛkpuwulu, yɛ ɓo nɛ̨ąą mąą yili pɛlɛ́ nwun na, ə mąą liɛwoo kɛ Ɛstɛrə ɓa, yai a Mardose gala Avihailə lon, yili lɔ ɓə Ɛstɛrə ə ɉu hvɛli. Nuąi kpɔ kɛi Ɛstɛrə kaa, nwɛli ə kɛi too diɛ.

Ɛstɛrə 2:17

Ɛstɛrə wɛli ə too tɔɔmun ma, ə tɛɛ la nɛ̨ąą yiiɠaa tii diɛ; Ɛstɛrə ə tɔɔmun niihon ə tɛɛ nɛ̨ɛ̨lɛa yiiɠaa tii kəlee diɛ. Tɔɔmun ə nɛ̨ɛ̨ mą, ə bɛlɛ́-lee-nɛ̨ą ɓɔlɔ lɔ Ɛstɛrə nwuɔ̨, ə ɉee a tɔɔmun nɛ̨ą, a Vasti mąąhvalin.

Ɛstɛrə 2:7

Mardose tii ɓə Ɛstɛrə kulɔ ɉu, Ɛstɛrə kaa kɛ a Mardose gala lon, Ɛstɛrə laa ta ɓaa kɛ a: Hadasa. Ɛstɛrə gaa nuą daa wɔlɔ kɛ haa, di haa pulu ɓə Mardose ə gulɔ la ɉu. Nɛ̨ɛ̨non tii lɛlɛɛ kpɔ kɛ a neelee.

Ɛstɛrə 4:13

ə Ɛstɛrə woo ŋąąpənə ŋɛ̨i, yɛ mą: «Hvó ə́ kiliŋąhiɛ, yɛ́ kɛ diɛ, yaa tɔ̨nɔ̨ ə́ kaa pai kulɔi ɉu, ə́ nwun mąą ə ɓo Ɉuifəɠaa lɔwai, ə́ kɛ mɛ̨nį ɓɛ tɔɔmun yəi bɛlɛ́n.

Ɛstɛrə 4:15

Nąąlɔwai Ɛstɛrə ə wɛlɛɛ tɔɔ Mardose pɔ, yɛ mą:

Zôo 9:18

Hva kpɛli nɛ́ɛ́ laa, və́ nɔ̨́ɔ̨ yala tanɔ̨n, kɛlaa, a náá hvɛɛ a mɛ̨nį ɲąąnwąnąą,

Ikilisiati 3:7

Hɛn ɉu ɓɛla yələ kaa mą, ɉɔlɔn ɲələ yɛ ɓo mą. Nu laapilɛ yələ kaa mą, nu hvaa yələ yɛ ɓo mą.

Azaya 49:23

Tɔɔɓɛlaa ɓə pai ə́ kulɔi ɉu, tɔɔ nɛ̨ąą diɛ ə́ ɲąąkɔn, di kaa pai kɛi pɛlɛi di liiɓa, diɛ ə́ kɔ́wɔ ɓa munuun gɔmɔ̨n, Nąąlɔwai, yá gɔlɔn gɛa, yɛ́ kɛ: Gáá a Yai-Laa, nuąi da di kilitɔɔ mą́ą́, nwumɛ̨ hva tɛ diɛ.

Azaya 54:17

Kɔ kɔ́ hɛn lɔpee di bɛli ə́ mąą mɛ̨nį ɓa, hvo pai pɛlii mɛ̨nį ta kɛi yɛ́, nɛn lɔpee yɛ ə tɔɔ ə́ la kiti hu, yá pənə ə́ bulu kulɔ a ɉɔn. Bələ ɓə Yai-Laa nwɔ tínuą kɛ pələ kaa pai kɛi la. Di wɔ tələnmolaai tii a gɛ́ mɛ̨nįi, gɛ pələ kaa pai kɛi tii. Yai-Laa woo li.

Ɉeremi 30:11

Yai-Laa yɛ, gáá ə́ pɔ ə́ kulɔ mɛ̨nį ɓa mɛ̨nįi. Nɔiɠaai kpɔ tii ŋą́ ka taɠa taɠa ɉu, gáá gəlee hu kalai. Kɛlaa ə́ wɛi, vá ə́ kala, gáá ə́ mąąkwɛli, yɛ́ hiɛ a bələ, vá da lɛɛ hvo tɛɛ yɛ́ kpɛli-kpɛli.

Ɉeremi 46:28

Nwɔ́ tímun Ɉakɔbə, hvo ɲɔw. Ɲą́ą́ Yai-Laa nwóó li! Hvó ɲɔw, gáá ə́ pɔ. Nɔiɠaa kpɔ tii ŋį́ ə́ huwu taɠa taɠa ɉu, gáá gəlee hukalai. Kɛlaa, ə́ wɛi, və́ ə́ hukalai. Gáá ə́ mąąkwɛlii, yɛ́ lɛɛ tɔ́n nwoo mu. Kɛlaa, və́ ə́ hɔn da lɛɛi laa kpɛli kpɛli.

Levetekɔ 26:42

Ŋą́ gíliŋąhiɛ kɛa mįnɛ̨i kwa Ɉakɔbə ku ɉəɠə mą, yai kwa Isaakə ku ɉəɠə, yai lɔ nwɔ̨nɔ̨ kwa Abrahamə ku ɉəɠə; Gɛ́ gíliŋąhiɛ nɔi ɓa.

Maafîu 16:18

Gáá tɛ̨ą ɓoi yɛ́, ə́ laa ɓaa a Piɛrə. Gwɛnii tii mɛ̨i ɓə gáá pai nwɔ́ nu kpului ŋąąkpɔn ɉii laa. Haa yee hvə pai pɛli mą.

Maafîu 24:22

Akɛ kɛ Yálá hvo volóɠaa tii hukpuwɔ, nu tɔ̨nɔ̨ kpɛli hvo li ɓalo. Kɛlaa, Yálá ə volóɠaa tii ta kulɔ ma, nuą ə di həɠə ɉu di mąą mɛ̨nį ɓa.

Dutɛrɔnome 32:36

Yai-Laa kaa pai nwɔ nu huwui kiti teei, gaa pai gwəi kili mąąhvalin ɉii di pɔ di hon bələ hu. Yɛ nwɔ tínuą ɲɛ̨imąąwɛli kaa; ɓɛlɔwai di yee kɔ́nwɔ̨n ɉu a haa la, di ta hvo a luwɔ da hvo gbɔwɔ ɓa.

Nwun mąąɓo 15:6

Filisti nuą di mąąni kɛ kɛ diɛ mą: «Gbɛɛ ɓə mɛ̨nį ŋɛ̨i kɛ?» Diɛ diɛ: «Samsɔn ɓə, ə gɛ tii mąąhɔlɔɓo, mɔlɔi ŋɛ̨i a Timna mun aa Samsɔn nɛ̨ą həɠə aa dɛɛ Samsɔn nwɔ hulɔnon pɔ.» Nąąlɔwai, Filisti nuą də li, di nɛ̨ɛ̨nui kələn da nąn.

Samuɛlə dɔlɔɔ 12:22

Mąąhɔlɔɓo, Yai-Laa hvo pai ɲee kulɔi nwɔ nu huwui mu, gbala ə tɔɔ, naa kɛnɛ̨i. Ɛlɛɛ, ə nɛ̨ɛ̨ a Yai-Laa lii, ə ka kɛ a nwɔ nu huwu.

Samuɛlə dɔlɔɔ 17:29

Davidə yɛ niɛ ɓa: «Lə ɓə ŋą́ gɛ? Lono lɔ ɓə ku kaa gɛi.»