Ɛstɛrə 4:11 - Yálá laawoo hɛɓɛ

¹¹ ‹Ɓɛ nɔi nuą kəlee, ə həɠə tɔɔmun nwɔ tínuą diɛ, ə həli la nɔi nuą diɛ, di kili kaa ɉu, diɛ, nui lɔpee ta hva lɔ tɔɔmun bɔɔli, ə kɛ a hulɔnu, ə kɛ a nɛ̨ɛ̨nu; akɛ tɔɔmun hvo dəli li, da baa. Kɛlaa, nui tɔɔmun a dəli, mąą nu ɓə a lɛɛ a vulú; ɛlɛɛ, da nui tɔɔmun a nwɔ hɛni tunwɔ̨n nɛ ma. Ɲą́ą́ ka, aa kɛ a hvolo pow haaɓa, tɔɔmun hvo ta də́li li.›»

Bible

¹¹ “Mó Mɔdikai ma a gɛɛ núu da fa lî gâloŋ ŋɛ́i-tuɛ kpɛ́ni à kɛ̀ vé maa nuui tóli ní. A wàla kɛ́ tí, fɛ̂ɛ dí maa nûui paa. Ŋɔtíi kɛ́-ƃelai kélee dí m̀ɛnii ŋí kɔ́lɔŋ da ǹɔii kpîniŋ-ŋai su-ƃelai. Ǹúui nɔ́ gâloŋ a fâa ma é pá ŋ̀ɛ́i-tuɛi ǹyaa ƃa ǹúui nyii gâloŋ a ŋɔkâloŋ wurui lɛ̀ mai. É kúla nyíŋi pôlu, ŋ́gulaa gâloŋ pɔ́ naa a tɛɛ fólo buu saaƃa ma.”

Ɛstɛrə 4:11 ပူးပေါင်းရင်းမြစ်များ

Ɛstɛrə 1:19

Yili ɓa, nwɔ́ mɛ̨nį nąmu, hvo kɛli yá hɛɓɛ́ kɛ, yii a tɔ́n dɔɔ Vasti ɓa, mąąhɔlɔɓo, aa lənə ə́ wɔ təli ɓa. Hvo kɛa kɛ a tɔɔmun nɛ̨ą. Ə́ nɛ̨ɛ̨nu takpɛli kwɛli, yii viɛlaɓoɔi Vasti ɓa. Mɛ̨nįi ə́ kaa pai bɛ̨ɛ̨i, gaa tooi Medi nuą da Pɛrsə nuą di wɔ tɔ́n ɉɛɓɛ́i hu, yii hva həɠə mą.

Ɛstɛrə 2:14

Di kɛi li tɛitɛi, a yələwulii, yələ a bɔ, nɛ̨ąą mąą yili pɛlɛ takpɛli ə kɛ laa, da li a diɛ laa Saasgazə, yai kɛ a gbɛtɛkpuwulu, yaai kɛi ɲɛ̨i kɛ tɔɔmun nwɔ wɛliɠaai diɛ, di dɛɛ bɔ, ə ɲɛ̨i kɛ mą. Mąąnɛ̨ɛ̨nu hva kɛa pənə hvo li tɔɔmun bɔɔli, akɛ nwɛli hvo tooli tɔɔmun ma, hvo pənə hvo dəli.

Ɛstɛrə 4:10

Ɛstɛrə yɛ mą: «'Li, ə́ nwóó ɲali bulu ɓo Mardose ɓa, yɛ́ mą:

Ɛstɛrə 4:12

Ɓɛlɔwai Mardose ə Ɛstɛrə nwɔ woo ŋąąpənə hɔlɔɓo la,

Ɛstɛrə 6:4

Nąąlɔwai tɔɔmun yɛ diɛ: «Gbɛɛ ɓə gwəli hąąi?» Nąąlɔwai tii hu kpɔlɔ, Haman ə kɛ dɔɔ kwəli gala laaləi; yɛ lɔ. Ə kɛi pa, ə gɛ, ə Mardose hɛlɛn mɛ̨nį hu hvɛli, di ɉɛlɛn nwului ŋɛ̨i ə bɛli mą.

Ɛstɛrə 8:4

Tɔɔmun ə nwɔ hɛni tunwɔ̨n ɉaŋą Ɛstɛrə pɔ, Ɛstɛrə ə muhəɠə, ə hee.

Danîa 2:9

Akɛ ka wala ɉįi tii mo mą́ą́, ka hvo bɛlɛ mukulaa ɓa, mɛ̨nįi tii ŋą́ mo, ka kəlee ka nwun a lɛɛ kpɔ ɉu tɛ̨ɛ̨tɛ̨ɛ̨. Ka káá ka kɛ pələ pɛlii, ə gɛ, ka lɛɛ wooɠaa ɓo mą́ą́, ka dɛ́ hvaŋą ŋą, ə gɛ lɔ nwɔ́ kiliŋąhiɛ maa ə hvalin; yili ɓə gaa mą, ka ɉįi ŋɛ̨i mo mą́ą́, ya ɓə a gɛ, ŋą́ gɔlɔn gɛ́ diɛ: ka pɛli mukulaa lɛi.»

Piɛrə dɔlɔɔ 3:7

Hinąą kaa kpɛlimąn, 'ká ká nɛ̨ąni ká ɲíi kɛ a nɛlɛɛ, ká kili ə pu ɉu, káá, di kɔlɔ hvįikpɛɛi, 'ká di mąąwiɛ, gbala ə tɔɔ, ká diɛni ká káá pai yɛnɛ̨ɛ̨ hɔlɔɓoi a ká kwɛlin, yili ɓə a gɛ, mɛ̨nį ta hva kpɛ̨ąn ka wɔ hvɛli woo tɔwɔ.