Ɛstɛrə 3:7 - Yálá laawoo hɛɓɛ

⁷ Ɲąnįn dɔlɔɔ ŋɛ̨i da kɛ mą Hebreu woo hu Nisan, tɔɔmun Asuerusə nwɔ tɔɔlaa gwɛlan bow kɔ́w hveelɛ lɔwai, Haman ə nwoo tɛɛ kɛɛnąą kəlee, ə gɛ, di hvolo tɛi tɛi kəlee mąą tɔlu kpɛ ɲąnįn dɛi tɛi kəlee yee mu, dɔli ə too ɲąnįn ŋɛ̨i da kɛ mą Hebreu woo hu Adarə mɛ̨i. Ə gɛ, voló yii bɛliɛi nwɔ mɛ̨nįi tii kɛ hvolo ɓa, di nɛ mą.

Bible

⁷ Gâloŋ Atasɛra ŋɔkâloŋ laa kóraŋ buu káo feerɛi ŋɔɣáloŋ maa-ŋuŋ nyii da dòli a Nisãŋ Ibulu-wooi sui, Emaŋ è ŋɔnûai marê kɛ̀ a gɛɛ dí tãi lɛ́ mà a pɔ̂ri ǹûai ŋí su-karai lai. Nya ƃe dí kpɛɛŋ tôo nyii a dòli a Puriŋ Ibulu-wooi su a gɛɛ dí ŋ̀ele kúui kɔ́lɔŋ. Gbɛ̀ɛŋ è ǹɛ a gɛɛ dí m̀ɛnii ŋí kɔ́ɔ pîlaŋ a ŋ̀áloŋ puu káo feerɛi ŋɔfólo puu káo saaƃa ɣele. Da ŋ̀áloŋ ŋí toli a Adai Ibulu-wooi su.

Ɛstɛrə 3:7 ပူးပေါင်းရင်းမြစ်များ

Ɛsdrasə 4:6

Tɔɔmun Asuerusə nwɔ tɔɔlaa gɔwɔ tɔɔi lɔwai, di Ɉuifəɠaa maaɲaba lɔ hɛɓɛ́ pɛ̨ɛ̨, diɛi kɛ Ɉuda lɔi hu, da Ɉerusalɛmə daai.

Ɛsdrasə 6:15

Di bɛlɛ́ tɔɔlaa kulɔ a Dariusə nwɔ tɔɔlaa gwɛlan mɛ̨ida nąą, a ɲąnin ŋɛ̨i da kɛ mą Adarə, nwɔ hvóló haaɓa yələ.

Nehemi 2:1

Tɔɔmun Artasɛrsɛsə nwɔ tɔɔlaa gwɛlan bow hveelɛ lɔwai, Nisan ɲąnin ɉu, tɔɔmun ə kɛ heeni daɓali ɓa, nɔɔ heɛ nííla, ŋį́ da pu ŋį́ dɛɛ bɔ. Volói tii, ɲį́nąą yiliɛi kɛ, ɲą́ą́n, və́ ta kɛ ɲį́nąą yili li ɲɛ̨i ɓa.

Ɛstɛrə 1:3

Asuerusə nwɔ tɔɔlaa gwɛlan ɉaaɓa lɔwai, ə ɲeemu nuą da di wɔ káláɉonŋąą kəlee təli; ə di ɓɛlɛhee, ə Pɛrsə da Medi kɔ́kuláá nwun nąmįną təli, da nɔi nwun nąmįną, ɛlɛɛ, gbahanąmąɠaai kɛ goɓitaa nwun na.

Ɛstɛrə 2:16

Mɛ̨nįi tii ə kɛ, a tɔɔmun Asuerusə nwɔ tɔɔlaa gwɛlan mɛ̨ihveelɛ lɔwai, ɲąnin bow nąąn, a ɲąnin ŋɛ̨i da kɛ mą Hebreu woo hu Tevɛtə ɉu. Nąąlɔwai ɓə Ɛstɛrə ə li la tɔɔmun bɔɔli.

Ɛstɛrə 9:1

Ɲąnįn bow kɔ́w hveelɛ naa ŋɛ̨i da kɛ mą Hebreu woo hu: Adarə, nwɔ hvolo pow gɔw haaɓa yələ, tɔɔmun nwɔ wɛlɛɛi aa kɛ həli kɛɛnąą kəlee ɓa. Volói tii ɓə kɛ mąąnɛ̨ɛ̨ di ɉɛɓɛ́ woo pɔ mɛ̨nį kɛ la. Volói ɓə Ɉuifəɠaa di yowoɠaa di kɛi di kiliŋąhiɛ la, diɛ kɛ di yee kaa pai tɛɛi Ɉuifəɠaa diɛ. Kɛlaa yaamun, Ɉuifəɠaa ɓə di yee ə tɛɛ di yowoɠaa diɛ.

Ɛstɛrə 9:21

Nwun na nɛ̨ɛ̨ hvólóɠaai tii kɛ mɛ̨nį ɓa a hɛli, a Adarə ɲąnįn nwɔ hvolo pow kɔ́w nąąn da gɔw lɔɔli yələ.

Ɛstɛrə 9:5

Ɉuifəɠaa di di yowoɠaa paa kpɔ kɛnɛ̨, di nu tamąą paa. Di di yowoɠaa hon, yɛ bələi di kɛ la bɔ.

Hanwon 16:33

Nuą da kpɛɛn bili, Kɛlaa, Yálá ɓə dɛ̨ą a kulɔ na.

Maafîu 27:35

Di nɛ̨ɛ̨mą di Jesus kpanwo kolɔwa ɓa. Di mąą həɠəɠaa həɠə di ŋąąkwɛlɛ, di nwɔ həɠə muhəɠəi kɔ́ a kpɛ̨ɛ̨n.