Ɛstɛrə 3:4 - Yálá laawoo hɛɓɛ

⁴ Yii kɛa di kɛi mo mą a hvolo kəlee, hvo kɛi di woo hon, di di woo hu kulɔ Haman ɓa; ə gɛ, di gaa akɛ gaa pai lɛɛi ɲee yili ɓa. Mąąhɔlɔɓo, Mardose ə kɛi kɛ di gaa a Ɉuifə.

Bible

⁴ Dí ǹia-woo ƃò a tãi támaa kɛ́lɛ vé ŋ̀óli tɔɔ ní dîa. È mò dîa nyɛ̀ɛi, “Ḿva pɔ̂ri gɛ̂i, kpɛ́ni fêi, ŋ́gaa a Zuda-nuu.” Dí lì dí mó Emaŋ ma a gɛɛ dí gáa à kɛ̀ Mɔdikai wóoi a pɔ̂ri lɛɛ̂i ma.

Ɛstɛrə 3:4 ပူးပေါင်းရင်းမြစ်များ

Zɛnɛse 39:10

Bələi mąn Ɉosɛfə ə mo la tii, yələ kəlee, nɛ̨ɛ̨nui ə kɛ lɔ Ɉosɛfə pulu, kɛlaa, Ɉosɛfə hvo hvaa nwoo ɓa.

Ɛsdrasə 1:3

Kaai kpɔ ka káá a Yai-Laa nwɔ nuą, gɛ́ Yálá ə lɛɛ ka pɔ. Ka ka muhəɠə ka li Ɉerusalɛmə daai, Ɉuda lɔi hu, ka pɛlɛ́ tɔɔ laa Yai-Laa ɓa, a Israɛlə nwɔ Yálá; yai gaa Ɉerusalɛmə.

Ɛstɛrə 3:3

Nuą ŋɛ̨i kɛi dɔɔ pɛlɛ́ mąąkpɛ, diɛ Mardose ɓa: lə mɛ̨nį ɓa ə́ kaa tɔɔmun nwoo teei ŋą?

Ɛstɛrə 3:5

Haman yaan ə gaa, Mardose hvo kɛi gbəlin vilɛn, hvo kwɛli hvilɛn ma, Haman lii ə kələn gbɔ gwəi kɛnɛ̨.

Danîa 3:12

Yaan, Ɉuifə taɠaa kaa ɓɛ ku lɔwai, diɛ ɓaa: Sadrakə, Mesakə da Abɛdə-Nego, yiiɠaai ə́ ɲɛ̨itɔwɔ laa tɛɛ di pɔ, Babilonə lɔi hu. Nuąi tii, di hvo ə́ woo tii kaa li a mɛ̨nįi lɔpee ta, di hvo gɛ li, di hvo kwɛli hvilɛn ə́ wɔ yáláɠaai diɛ, da ə́ wɔ mąąnįnįn ɉaɠaai ŋɛ̨i ə́ bɛli.»

Danîa 6:13

Yili pulu, də li, dɔ́n ŋɛ̨i da tɔɔmun ni di dɔɔ, di pənə di ɉu lɛ tɔɔmun ma, diɛ mą: «Kuɔ tɔɔmun, kɛlɛi yɛ́ kpinįi ɓə ə́ yee pɔɔ too dɔ́n ŋɛ̨i hu-e! Yaai moɔi yɛ kɛ mą: ‹Holo pow haaɓa kuu mu, nui a kwɛli hvilɛn ala takpɛli ɓa, a wala kɛ tii nu ta ɓa, akɛ yɛ́ tɔɔmun yɛ́ hvəi, da mąą nu pili yala kwənąn ɉu?›» Tɔɔmun ə di woo ŋąąpənə, yɛ diɛ: «Pələ ɓə gu mo la. Gaa a Medi nuą da Pɛrsə nuą di wɔ tɔ́n, hva həɠə mą.»

Zôna 1:9

Ɉonasə ə di woo ŋąąpənə, yɛ diɛ: «Gáá a Hebreu mun, Yálái ŋɛ̨i a Yai-Laa yai yələkɔlɔn da lɔi di pɛli, ə mą kɛ gboloyá, ya ɓə ŋį́ ɲɔw mą.»