Ɛstɛrə 3:2 - Yálá laawoo hɛɓɛ

² Nuą kpɔ kɛi tɔɔmun nwɔ pɛ́lɛ́i mąąkpɛ, da Haman kaa kɛ, gəlee da kwɛli hvilɛn mą. Mąąhɔlɔɓo, pələ ɓə tɔɔmun ə mo la, Haman mąą mɛ̨nį hu. Kɛlaa, Mardose hvo kɛi gɛ, hvo gbəlin vilɛn, hvo kwɛli hvilɛn Haman ɓa.

Bible

² Gâloŋ Atasɛra è mò ŋɔtíi kɛ́-ƃelai kélee dîa kɛ̀ tíi kɛ̂i ŋɔpɛ́rɛi lái, a gɛɛ tãi kélee da Emaŋ kàa lai, dí dímaa pɛ́lɛ. Ǹûai kélee da kâa gɛ̀ tí. Kɛ́lɛ Mɔdikai è mò nyɛ̀ɛ vá pɔ̂ri gɛ̂i tí.

Ɛstɛrə 3:2 ပူးပေါင်းရင်းမြစ်များ

Zɛnɛse 41:43

Dɔɔ kwəlii wotoloi kɛ a dɔɔ kwɛlɛ mun nwɛi, di Ɉosɛfə hee ɉu, nuą hvilɛn ŋąą dɔwɔ diɛ kɛ mą: «Nu kəlee ə kwɛli hvilɛn! Ɉosɛfə ɓa.» Bələ ɓə di Ɉosɛfə hee la Eziptə lɔi nwun na.

Ɛstɛrə 2:19

Ɓɛlɔwai di kɛi nɛ̨ɛ̨lɛa ɲąąkpɔn na a veelɛ naa, Mardose ə kɛ heeni tɔɔmun yəi bɛlɛ́ laaləi.

Ɛstɛrə 2:21

Nąąlɔwai tii Mardose ə kɛ heeni tɔɔmun ɲəi bɛlɛ́ laaləi, gbɛtɛkpuwulu hveelɛ diɛ ɓaa: Bigtan da Tɛrɛsə; di kɛ a tɔɔmun nwɔɔɠaa; diɛ ɓə kɛi bɛlɛ́ laaləi mąąkpɛ. Nu hveelɛi tii di lɔ tɔɔmun mąą kili; diɛ kɛ di baa. Mąąhɔlɔɓo, aa kɛ di liikələn di kwəi.

Ɛstɛrə 2:5

Ɉuifə mun da heeɛ kɛ Susə daai, diɛ kɛ naa ɓaa: Mardose. Nąn mąą kɛ a Yairə, nąn nwɔ nąn mąą a: Simei da Kisə. Di kaa a Bɛnɉamɛn huwuhu nuą.

Ɛstɛrə 3:1

Mɛ̨nįɠaa tii tɛɛ pulu, tɔɔmun Asuerusə ə tɔɔi kɛnɛ̨ tɛɛ Hamedata lon ɉulɔnu Haman pɔ yai a Agagə huwuta. Tɔɔmun ə Haman hee ɲɛ̨itɔwɔ nuą ŋɛ̨i kɛ gwɛlɛ di nwun na.

Ɛstɛrə 3:3

Nuą ŋɛ̨i kɛi dɔɔ pɛlɛ́ mąąkpɛ, diɛ Mardose ɓa: lə mɛ̨nį ɓa ə́ kaa tɔɔmun nwoo teei ŋą?

Ɛstɛrə 3:5

Haman yaan ə gaa, Mardose hvo kɛi gbəlin vilɛn, hvo kwɛli hvilɛn ma, Haman lii ə kələn gbɔ gwəi kɛnɛ̨.

Ɛstɛrə 5:9

Voló tɔ̨nɔ̨i tii hu, Haman ə kulɔ Ɛstɛrə yəi bɛlɛ́n a kwəinɛ̨ɛ̨; kɛlaa, ɓɛlɔwai ə pa la tɔɔmun yəi bɛlɛ́ laaləi, Mardose hvo kpɛli dumo, hvo gɛ hvo həɠə Haman tɔwɔ. Haman lii ə kələn gbɔ gwəi kɛnɛ̨, Mardose pɔ.

Mąątɛ̨nɛ̨ 15:4

Ɲɛ̨i mu, mąąnɛ̨ɛ̨ di tɛɠɛɓo nɛ̨ŋɛ̨n ɉəɠəmun ɉu. Kɛlaa, nuąi da ɲɔw Yai-Laa ɓa, a di mąąwiɛ, ə mą kɛ, aa gwɛla a ɲee lɛɛ pələ ɉu, hva nwoo lɛɛ.

Lɛɛ gbɔwɔ ɓa 17:14

Yai-Laa yɛ Moisə ɓa: «Mɛ̨nį ŋɛ̨i pɛ̨ɛ̨ hɛɓɛ́ hu, ə kɛ a kili too ɲą hɛn, ɛlɛɛ, ə́ mo Ɉosue ɓa, yɛ mą: ‹Gáá pai Amalɛkə nuą laa kulɔi yɛnɛ̨ɛ̨, ŋį́ di laa waa yələkɔlɔn mu.›»

Lɛɛ gbɔwɔ ɓa 17:16

Moisə yɛ diɛ: «Yii daa di muhəɠə Yai-Laa nwɔ tɔɔ kpəlin ma a kɔ́, gaa kɛa a kɔ́ Yai-Laa da Amalɛkə nuą di lɔwai a yələ kəlee mɛ̨nį.»

Danîa 2:49

Daniɛlə ə nɛ̨ɛ̨mąą hvə tɔɔmun ma, ə gɛ, di Babilonə lɔi ɲąąwooɓoɔ ɲɛ̨i tɔwɔ laa tɛɛ mɛlaa: Sadrakə, Mesakə da Abɛdə-Nego di pɔ. Yii ɓaa Daniɛlə nwɛi, ya ɓə kɛ a tɔɔmun niɛwoo kɛ mun.

Dutɛrɔnome 25:19

A kɛ tii Yai-Laa ka wɔ Yálái a pa hvįįtɔɔ tɛɛi ka pɔ, yɛ ka kulɔ ka yowoɠaa kəlee yəi nɔi hu, a nɔi Yai-Laa ka wɔ Yálái kaa dɛɛi ka pɔ a ka kwɛlin yɛ ka hee ɉu; Amalɛkə laa kulɔ yələkɔlɔn mu; ka hvo lɛ̨ą yili ɓa.

Filipə 2:10

ya ɓə a gɛ, Jesus laa hu, nu kəlee a pu nwungbə la, di gwɛli hvilɛn mą, yələkɔlɔn ɉu, lɔi mɛ̨i, da lɔi mu;

Samuɛlə dɔlɔɔ 15:3

Yili ɓa, li, ə́ Amalɛkə nuą kəlee paa, hvo dɔ̨nɔ̨ kpɛli lɛɛ, da ɉɛnŋaai kpɔ gaa laa gəlee; ə kɛ a hulɔnu, nɛ̨ɛ̨nu, lokolo, ə mą kɛ a ɲįnį kpələ lon, nįŋɛ̨ɠaa, ɓɛlaaɠaa, ɲɔ̨nwɔmɛɛɠaa, da hoohvaalənŋaa.›»