Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ɛstɛrə 3:13 - Yálá laawoo hɛɓɛ

13 Di nɛɛ mą di ɉɛɓɛ́ɠaa tii tɛɛ nɔi nąą kəlee; ə gɛ, di Ɉuifəɠaa kəlee paa, di di yəi hɛnŋąą kala a hvolo tɔ̨nɔ̨, ə həɠə nu kpɛa kpɛaa diɛ ə həli la non gaa nįnɛ̨ɠaa diɛ, a ɲąnįn ŋɛ̨i da kɛ mą Hebreu woo Adarə, nwɔ hvolo pow kɔ́w haaɓa yələ; ə gɛ, nɔi nuą di too Ɉuifəɠaa yəi hɛnŋąą hu.

အခန်းကိုကြည့်ပါ။ ကော်ပီ

Bible

13 Dí gɔlɔ-ŋai ŋí tɛ̀ɛ ǹɔii kpîniŋ-ŋai lá túɛ-ƃelai kélee pɔ́ naa a tɛɛ-ŋa. Gɔlɔi ŋí wóo ƃé kɛ̀ a gɛɛ dí fólo tɔnɔ siɣe dí Zuda-ŋai kélee paa, ǹúu kpaya-kpayai da bɛlɛ-pɛlɛi, a ŋ̀áloŋ buu káo feerɛi nyii Ibulu-ŋai da dòli a Adai ŋɔfólo puu káo saaƃa ɣele ti-ti, dí díkɔ̃lîŋ kélee síɣe.

အခန်းကိုကြည့်ပါ။ ကော်ပီ




Ɛstɛrə 3:13
14 ပူးပေါင်းရင်းမြစ်များ  

Gilɛhəɠə nuą di li a ɉɛɓɛ́i tɔɔmun ə bɛ̨ɛ̨ da nwɔ kalanɉonŋąą, di hiɛ la Israɛlə lɔi hu da Ɉuda lɔi hu nąą kəlee, di gɛ yɛ bələi tɔɔmun ə di tí la, diɛ kɛ mą: «Israɛlə lonnii, 'ka pənə ka pa Abrahamə, Isaakə da Israɛlə nwɔ Yálá Yai-Laa pɔ, yaa kpɛli a pənə ə pa ka pɔ, kaa ŋɛ̨i a nu kpəli woloi aa kulɔ Asiri tɔɔɓɛlaa yee wolo.


Yaan, ɲą́ą́ kwa ɉúwuhu nuą ka tii daa ku kwɛlɛ, ə gɛ, di ku paa. Ə li kɛ, di kɛ diɛ, ku kɛ lɔ a luwɔɠaai, və́li hvaa, mąąhɔlɔɓo, və́ li ə́ hviikpɛɛ a yili mąą mɛ̨nį.»


Yɛ tɔɔmun ma: «Nwɔ́ mɛ̨nį námu, akɛ yaa ɲɛ̨́i mąąwɛli kaa, nwɛ́li aa too yɛ́! Agagə nu huwui ŋɛ̨i a Hamedata lon Haman, nwɔ hɛɓɛ́ ɲɔ̨nwɔ̨ɔ̨ ŋɛ̨i ə bɛ̨ɛ̨, ə daɠa taɠa ə́ wɔ lɔi nąą kəlee, Ɉuifəɠaa mąą mɛ̨nį ɓa, ə́ ɉəɠə mą, a hɛɓɛ́ ta yii ya bɛ̨ɛ̨.


Ɲąnįn bow kɔ́w hveelɛ naa ŋɛ̨i da kɛ mą Hebreu woo hu: Adarə, nwɔ hvolo pow gɔw haaɓa yələ, tɔɔmun nwɔ wɛlɛɛi aa kɛ həli kɛɛnąą kəlee ɓa. Volói tii ɓə kɛ mąąnɛ̨ɛ̨ di ɉɛɓɛ́ woo pɔ mɛ̨nį kɛ la. Volói ɓə Ɉuifəɠaa di yowoɠaa di kɛi di kiliŋąhiɛ la, diɛ kɛ di yee kaa pai tɛɛi Ɉuifəɠaa diɛ. Kɛlaa yaamun, Ɉuifəɠaa ɓə di yee ə tɛɛ di yowoɠaa diɛ.


Nu powi tii ɓə kɛ a Haman lon ɉinąą. Haman ŋɛ̨i kɛ a Hamedata lon ɉulɔnu, yai kɛ a Ɉuifəɠaa di yowo, Ɉuifəɠaa di di paa, kɛlaa, di hvo kɔ́ pulu hɛn ɉəɠə.


Ɉuifəɠaa di di yowoɠaa paa kpɔ kɛnɛ̨, di nu tamąą paa. Di di yowoɠaa hon, yɛ bələi di kɛ la bɔ.


Ɲíí hvólóɠaa kaa tɛɛi, ə tɛɛ gilɛ həɠə mun nwəlɛɛ ɓa. Daa tɛɛ, di hvo mɛ̨nį ɲąąnɛ̨ɛ̨ kaa li.


Gáá ɲąątɔɔi lɔi ɲɔ̨nwɔ̨ɔ̨ ɓa, gáá dɔɔi nu huwui niiholii bɔ́, yɛ di wɔ hɛn gɔwɠaai həɠə, yɛ too di mɛ̨i, yɛ di kiin giin, gɔwɔ mu yɛ da kɛli pɔlɔ tan.


Wɛlɛɛ ɓomun a lɛɛ gilɛ həɠəi, ə da kpɛli hon. Hɛɓɛ́ laalɛ mun ə hɛɓɛ́ laalɛ mun da kpɛli hon, diɛ li kɛi Babilonə tɔɔmun ma: daa ə́ wɔ taai hon gɔlɔ kəlee,


Nu paa mɛ̨nį ɓə di kɔ́wɔ mąąhulaa ɉu.


A tɛ̨ą, gitii laa, nui a wala nu ɲɛ̨imąąwɛli kaa, hva mąą nu ɲɛ̨imąąwɛli kaa. Ɲɛ̨imąąwɛli yee tɛɛi kiti ɓa.


Yili ɓa, li, ə́ Amalɛkə nuą kəlee paa, hvo dɔ̨nɔ̨ kpɛli lɛɛ, da ɉɛnŋaai kpɔ gaa laa gəlee; ə kɛ a hulɔnu, nɛ̨ɛ̨nu, lokolo, ə mą kɛ a ɲįnį kpələ lon, nįŋɛ̨ɠaa, ɓɛlaaɠaa, ɲɔ̨nwɔmɛɛɠaa, da hoohvaalənŋaa.›»


Ɉaláá laa həli nuą pɔ taai Nɔvə nwɛi, ɉinąą mąn, nɛ̨ąą mąn, nɛapɛlɛɛ da yiiɠaai di laa kaa ɲįnį ɓa, di gəlee paa; yɛi kɛ a nįŋɛ̨, hoohvaalən, da ɓɛlaa, ə gəlee kɛ a ɓɔwa kwəaa kɔ̨nɔ̨n.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ