Ɛstɛrə 3:12 - Yálá laawoo hɛɓɛ

¹² Ɲąnįn nwɔ hvolo pow kɔ́w haaɓa yələ, di ɉɛɓɛ́ kɛ nuą təli, di pa. Pələi kpɔ Haman ə di tí la, di ɉɛɓɛ́ kɛ tii di dɛɛ ɲɛ̨itɔwɔ nuą diɛ, gbahanamaɠaa kɛ goɓitaaɠaa hu diɛ, da hį́i tɛi tɛi kəlee nwɔ nwun nąmu. Di ɉɛɓɛ́i tii pɛ̨ɛ̨ a hį́i woo tamąą, gəlee da nwɔ hɛɓɛ́ kɔ́w. Di tɔɔmun gɔlɔn ɉɛn kɛ mą a nwɔ yee ɓa gbonoi pɔɔ.

Bible

¹² Nya ƃe Emaŋ è gâloŋ ŋɔkɔlɔ pɔ̃yɛ-ƃelai kélee ŋáa tɛ̀ gîe ma a ŋ̀áloŋ maa-ŋuŋ ŋɔfólo puu káo saaƃa ɣele. È mò dîa a gɛɛ dí gâloŋ wóoi ŋí pɔ̃yɛ ǹɔii kpîniŋ-ŋai láa túɛ-ƃelai pɔ́ ǹûai dísîi-woo-ŋai su tɛi-tɛi. Gɛ́ɛ da gɔlɔ-ŋai ŋí pɔ̃yɛɛi, è gâloŋ ŋɔgbònoi pɔ́ɔ kɛ̀ gɔlɔ-ŋai ŋí su gâloŋ láai su.

Ɛstɛrə 3:12 ပူးပေါင်းရင်းမြစ်များ

Tɔɔɓɛlaa dɔlɔɔ 21:8

Ɉezabɛlə ə hɛɓɛ́ kɛ a Akabə laa, ə yili kɔ́lɔn ɉɛn gɛ mą. Ə ɉɛɓɛ́i tɛɛ Israɛlə ɲąąwooɓo nuąi kɛ Nabɔtə pɔ taai diɛ, da nu kpɛa kpɛaa.

Ɛsdrasə 8:36

Yili pulu, mɛ̨nįɠaai tɔɔmun ə mo, di gəlee laa həli tɔɔmun nwɔ lɔi nwun nąmįną diɛ, diɛi da nɔi ɲąąwooɓo, diɛi kɛ Eufratə ya voló tooi pələ, di kpɔnmąą tɛɛ Israɛlə nuą pɔ, Yálá hee pɛlɛ́ tɔɔ mɛ̨nį hu.

Ɛstɛrə 1:22

Tɔɔmun ə hɛɓɛ́ kɛ ə dɛɛ ɓɛi kpɔ nwɔ tɔɔlaa ə həli laa, goɓitaaɠaa kəlee hu. Ə koɓi taa kəlee nwɔ hɛɓɛ́ kɛ a ɉį́i woo yii da mo ɉu. Ɉɛɓɛ́i tii hu woo ɓa kɛ: Hinąą kəlee di kɛ di yəi bɛlɛ́n a pɛlɛ́ nąmįną, ɛlɛɛ, di di laawooɠaa ɓo di ɲəi bɛlɛ́n.

Ɛstɛrə 3:11

«Ə́ wɔ walii lɛɛ ə́ yəi, yii ɓaa nu huwui tii, yii yɛ́ ə gɛ a diɛ, 'gɛ.»

Ɛstɛrə 8:2

Dɔɔlaa gbono ŋɛ̨i tɔɔmun ə gulɔ Haman yəi, ə dɛɛ Mardose pɔ. Ɛstɛrə yaa kpɛli ə Mardose hee Haman nwɔ pɛ́lɛ́i mɛ̨i.

Ɛstɛrə 9:27

Ɉuifəɠaa di ɉee di kpɔɔ mɛ̨i a tɔ́n, ə kɛ a di huwu la mɛ̨nį ta, ə mą kɛ nuą yiiɠaai da lɔ di wɔ kalan hu, di mąąnɛ̨ɛ̨ kɛ diɛ ɉɛli tii pu a kwɛlan gəlee, nɔi kəlee hu, taa kəlee hu, pɛlɛ kəlee mu.

Danîa 3:10

Oo tɔɔmun! Yɛ́ kpinįi ɓə mo, yɛ diɛ: ‹Nui lɔpee a vɛli kɛ hɛnŋaa ŋɛ̨i woo mɛ̨n, mąąnɛ̨ɛ̨, mąą nu ə pɛlɛ, ə kwɛli hvilɛn ə́ wɔ mąąnįnįn ŋɛ̨i a hɛni ma.›

Danîa 6:12

Nąąlɔwai, nuą tii di bɛlɛ gee ɓa, di lɔ Daniɛlə yəi bɛlɛ́n, di gaa, yɛ nwɔ Yálái hvɛli, yɛ mąąnɛ̨ɛ̨.

Danîa 6:15

Nwooi tii mɛ̨n tɔɔmun ə mo, ə hee kpɔ ɉu kɛnɛ̨, ə giliŋąhiɛ yɛ ə Daniɛlə kulɔ mɛ̨nįi tii hu, ə həɠə nąąlɔwai ɓa, ə lɛɛ la ɉu, hvóló ə too, ə kpaalə kəlee kwɛli, ə gɛ, ə Daniɛlə nwun mąąɓo.

Danîa 6:25

Tɔɔmun ə pənə ə mo, yɛ diɛ: «Nuąi kpɔ tii Daniɛlə mąąɲaba lɔ, di pa a gəlee, di di pili ɲala kwənąn ɉu; diɛ di lonnii da di nɛ̨ąni.» Di pili tii di mo ɲala kwənąn ɉu, gɛɛ di hvo həli nɔi ɓa, di kɔ́w kpuɔkpuɔɠaa lɔ ɓə kɛi too nɔi ɓa.

Danîa 6:8

Ə́ wɔ tɔɔlaai hu, nwun nąmįnąa kəlee, ɉɛn gɔw laaikɛ nuą kəlee, da nɔi nu kpɛa-kpɛa, dɔɔmun gwɛlɛ nuą, da guvɛnɛɛliɠaa kəlee, daa pɛli ɉu diɛ: Ə́ hvaa mą, tɔ́n ə tɔɔ, hvóló pow haaɓa kuu mu, di noloɓo nɔi nąą kəlee, nui lɔpee ta hvo kwɛli hvilɛn ala takpɛli ɓa, ə mą kɛ nu ta ɓa, a kɛ yɛ́ tɔɔmun yɛ́ hvəi. Nui a wala dɔ́n tii hon, di pili ɲala kwənąn ɉu.