Ɛstɛrə 3:1 - Yálá laawoo hɛɓɛ

¹ Mɛ̨nįɠaa tii tɛɛ pulu, tɔɔmun Asuerusə ə tɔɔi kɛnɛ̨ tɛɛ Hamedata lon ɉulɔnu Haman pɔ yai a Agagə huwuta. Tɔɔmun ə Haman hee ɲɛ̨itɔwɔ nuą ŋɛ̨i kɛ gwɛlɛ di nwun na.

Bible

¹ M̀ɛni-ŋai ŋí kɛ́ɛ pôlu ma, Gâloŋ Atasɛra è Emaŋ kɛ̀ a gɔlɛ ma nùu. E gɛ̀ a ŋɔlɔii kâloŋ-ŋai kélee láa túɛ-nuu. Emaŋ ǹâŋ láa ƃé kɛ̀ a Amedata. Amedata è kɛ̀ a Agagi ŋɔsuui su ǹúui da.

Ɛstɛrə 3:1 ပူးပေါင်းရင်းမြစ်များ

Zɛnɛse 41:40

Yɛ́ ɓə gáá ə́ heei nwɔ́ lɔi nwun na, yɛ́ mɛ̨́i kaa, yii kpɔ ya moi, ya ɓə nɔi nuą da gɛ. Dɔɔlaa ŋɛ̨i gaa ɲə́i, yaa lɔ ɓə a gɛ́nɛ̨ ə dɛ́ɛ́ yɛ́, ɓɛ nɔi.

Zɛnɛse 41:55

Ɓɛlɔwai kɛa bulu ə kɛi kpɔlu la Eziptə nuą la, di kəlee di wɔlɔ tɔɔmun ma, diɛ mą: «Kɔnɔ̨n dɛɛ ku pɔ.» Tɔɔmun yɛ diɛ: «Ka li ka mo Ɉosɛfə ɓa, yii a mo kaa, ka gɛ.»

Ɛsdrasə 7:14

Mąąhɔlɔɓo, tɔɔmun da nwɔ kalanɉon mɛ̨ihveelɛi ɓə ə́ tɔɔi, ə́ kaa lii Ɉuda lɔi da Ɉerusalɛmə taa di mɛ̨i kaai, yɛ bələi gaa la ə́ wɔ Yálái nwɔ tɔ́n ɉɛɓɛ́i gaa ə́ yəi ɉu.

Ɛstɛrə 1:14

Karsena, Setarə, Admata, Tarsisə, Mɛrɛsə, Marsena, da Memukan. Diɛ ɓə kɛ a Medi da Pɛrsə ɲɛ̨itɔwɔ nuą mɛ̨ihveelɛ, diɛi kɛ di mąą lɛɠɛɛ tɔɔmun ma.

Ɛstɛrə 3:10

Tɔɔmun ə ɲee ɓa gbono kulɔ ə dɛɛ Hamedata lon Haman pɔ, yai a Agagə huwuta, yaa ŋɛ̨i a Ɉuifəɠaa di yowoi, yɛ mą:

Ɛstɛrə 5:11

Bələi yaa Haman nwɔ hɛn nąmu laa kaa la, bələi nonnii tamąą la, ɛlɛɛ, bələi nwɔ tɔɔi kaa la, bələi tɔɔmu aa ɉee la a nwun nąmįną di wɔ nwun nąmu, ə yiliɠaa lə diɛ.

Ɛstɛrə 7:6

Tɔɔmun nɛ̨ą Ɛstɛrə yɛ mą: «Ɲówo da gɔ́yɔwɔ, ya ka a: Haman, a mɛlɛkpɛ mąąmun ŋɛ̨i!» Haman ə lɛɛ heeni, ə kpɛlin, tɔɔmun da nɛ̨ą Ɛstɛrə di lííla.

Ɛstɛrə 8:3

Ɛstɛrə ə pənə nwɔ̨nɔ̨ ə too tɔɔmun gɔwɔ mu, ə nɛ̨ɛ̨mąą hve ma; yɛ wɔlɔ, ə gɛ, mɛ̨nį ŋɛ̨i Agagə huwuta Haman ə giliŋąhiɛ kɛ yɛ hvilɛn na Ɉuifəɠaa diɛ, di ɉəɠə mą.

Mąątɛ̨nɛ̨ 12:8

Gaa tii, Yai-Laa, Ə́ wɛi, Yá kulɔ Ə́ woo ɓa. Yá ku mąąkɔ̨nwɔ̨, a yələ kəlee, nu taaleei tii yəi.

Hanwon 29:2

Ɲąąwooɓolaa a kɛ tələnmo nuą yəi, nɔi a kɛ liilaa hu. Kɛlaa, tɔɔlaa a kɛ líiɲɔ̨n gwəimun ɲəi, nuą da kɛ ɲiŋɛi di huwɔ hu.

Ikilisiati 10:6

Ŋą́ą́ kilikpɛɛgwəi nuą kaa, tɔɔi kɛnɛ̨ ə ɓo di yəi nɔi mɛ̨nį hu, yaamun, nu ɓɛlɛmąąɠaa diɛ ɓo di yee mu a kólóɓɛlaa.

Danîa 6:2

Dariusə ə giliŋąhiɛ yɛ diɛ, gaa nu kpɛa-kpɛa nwun dɔ̨nɔ̨ ɲee hveelɛ heei nwɔ tɔɔlaai hu, nɔi nąą kəlee.

Lonon mo 24:7

Di wɔ yá haɠa hɛnɲąŋąɠaai laa a hvɛɛ, yɛ pu mą, tulɔ yɛ di wɔ hihɛnŋąąi lɛlɛ. Nu wala wala ta kaa pai kulɔi Israɛlə huwu hu, di kaa pai heei lɔi tamąą mɛ̨i. Israɛlə nwɔ tɔɔmun hvaŋą kɛnɛ̨i Agagə ɓa. Nwɔ tɔɔlaai hvaŋą kaa pai tɛi.

Samuɛlə dɔlɔɔ 15:33

Samuɛlə yɛ mą: «Bələi ə́ wɔ ɓɔwa kwɛai ə kɛi nɛ̨ąą hvɛɠɛ la a di lonnii, ə́ lee yaa kpɛli, gaa hvɛɠɛi a non.» Samuɛlə ə Agagə nwu dee Yai-Laa lííla Gilgalə daa.

Samuɛlə dɔlɔɔ 15:8

Ə Amalɛkə tɔɔmun Agagə hon a vulú; ə nu kpəliɠaa kəlee paa di lɛɛ a kɔ́ kɔ́ ɓɔwa kɔ̨nɔ̨n.