Ɛstɛrə 2:23 - Yálá laawoo hɛɓɛ

²³ Yii kɛa di mɛ̨nįi tii hu pili, di gaa a tɛ̨ą, di gbɛdɛgbuwulu hveelɛi tii hɛlɛn wulu ɓa. Di nɛ̨ɛ̨ mą, di mɛ̨nį tii pɛ̨ɛ̨ bɔlɔ kiliin ɉɛɓɛ́ hu, tɔɔmun ɲɛ̨i ɓa.

Bible

²³ M̀ɛnii ŋí su káa gâloŋ mii, è kɛ̀ a tɔ̃yâ. È mò a gɛɛ dí ǹúu feerɛi ŋí sɛ̂lɛŋ wúru ma. Dí m̀ɛnii ŋí pɔ̃yɛ Gâloŋ-ŋai dímɛni-pɔlɔ kɔlɔi su.

Ɛstɛrə 2:23 ပူးပေါင်းရင်းမြစ်များ

Zɛnɛse 40:19

Voló haaɓai tii tɛɛ pulu, tɔɔmun gaa pai giliŋąhiɛi yɛ́, kɛlaa, hvo pai kɛi a nɛlɛɛ, di kaa pai ə́ hɛlɛn ɉii wulu ɓa, nwɛ̨niɠaa di pa diɛ ə́ huwɔ wɛan ɲɛ́.»

Zɛnɛse 40:22

Kɛlaa, ə gɔ̨nɔ̨n bɛli nuą nwun nąmu hon, ə ɉɛlɛn. Bələ ɓə, ɉįi ŋɛ̨i Ɉosɛfə ə ɉukulɔ, naa ə hon na.

Ɛsdrasə 4:15

ku kaa bɔ, ɉɛɓɛ́i tii ə́ nąn di wɔ mɛ̨nį pɔlɔɠaa pɛ̨ɛ̨ kaa ɉu, ɉu pili. Gwa ɉɛɓɛ́i tii hu kaa, ə́ kaa pai mɛ̨nį ta pɛ̨ɛ̨ kaai laa daai ŋɛ̨i laa mɛ̨i, diɛ kɛ mą: Kwɛli tee taa li, dɔ̨nɔ̨ hvo mą dɔɔɓɛlaa diɛ, da goɓitaaɠaa. Ɉɛɓɛ́i tii a nɛ yɛ, daai ŋɛ̨i, ɉu nuą di wɔlɔ kɛi di kwɛli tee. Mɛ̨nįi gɛ daa wolɔɔ la ya li.

Ɛstɛrə 10:2

Tɔɔmun gɛ mɛ̨nį kpɛa-kpɛaɠaa, nwɔ hvaŋąlɔlaa, da bələi kpɔ ə tɔɔi kɛnɛ̨ tɛɛ la Mardose pɔ, gəlee hee kpəlin na kɛɛ kaa Pɛrsə da Medi tɔɔɓɛlaa di wɔ pɔlɔ kiliin ɉɛɓɛ́i hu.

Ɛstɛrə 5:14

Nąąlɔwai, Haman nɛ̨ą Ɉɛrɛsə da Haman mɛlaani, di mo mą diɛ mą: «'Mo, di wulu ta pɛli, gwɛa yee yɛ ɓo a yee laa mą pow haa ɓa, tinąą, ə ɉu hvɛli tɔɔmun ma, di Mardose hɛlɛn mą. Yili pulu, ka tɔɔmun ka li, ka ka laa mįi a kwəinɛ̨ɛ̨.» Mɛ̨nįi tii ə Haman lii hon, ə mo di nwulu tee di vilɛn.

Ɛstɛrə 6:1

Mąą kpinįi tii hu, tɔɔmun hvo pɛli yii. Ə nɛ̨ɛ̨ mą, ə mo di pa a nɔi hɛɓɛ́, ɓɛi ɲɛ̨i mɛ̨nįɠaa pɛ̨ɛ̨i kɛ laa; di ɉɛɓɛ́i tii hu woo ɓo tɔɔmun ma.

Ɛstɛrə 7:10

Di nɛɛ mą di Haman hɛlɛn nwului tii ɓa, yaai ə bɛli Mardose laa ɓa. Nąąlɔwai, tɔɔmun lii ə laa.

Malasi 3:16

A kɛ tii, nuą da di kpɔwɔ mąą yɛɛ Yai-Laa yee mu, diɛ kpɛli, da da ɓo di kee lɔwai. Yai-Laa a nwəli tɔɔ, ə di woo mɛ̨n. Di mɛ̨nįi tii pɛ̨ɛ̨ ɉɛɓɛ́ hu, ɓɛi nuąi da ɲɔw Yálá ɓa, diɛ mąąwiɛ di laa kaa laa.

Zasua 8:29

Yii ɓaa Ai tɔɔmun nwɛi, di ɉɛlɛn wulu ta ɓa, ə lɛɛ laa hɛlɛn ni, ə lɛɛ la ɉu, yələ ə wulu, ɓɛlɔwai hvóló ə laa la kpɔlɔ ŋą, Ɉosue ə mo, di bowa kulɔ nwulu ɓa, di doo Ai daa mąąkpɛ hį́i gbon na, di kwɛni hį́i tɔɔ mɛ̨i, gaa laa háá ɓa háá.