Ɛstɛrə 2:21 - Yálá laawoo hɛɓɛ

²¹ Nąąlɔwai tii Mardose ə kɛ heeni tɔɔmun ɲəi bɛlɛ́ laaləi, gbɛtɛkpuwulu hveelɛ diɛ ɓaa: Bigtan da Tɛrɛsə; di kɛ a tɔɔmun nwɔɔɠaa; diɛ ɓə kɛi bɛlɛ́ laaləi mąąkpɛ. Nu hveelɛi tii di lɔ tɔɔmun mąą kili; diɛ kɛ di baa. Mąąhɔlɔɓo, aa kɛ di liikələn di kwəi.

Bible

²¹ Mɔdikai kɛ́ɛ seêni gâloŋ ŋɔpɛ́rɛi lái, è gâloŋ ŋɔnúu kpaya-kpayai veerɛ kàa. Ǹûai ŋí ƃé kɛ̀ a Bitanaŋ da Tɛrɛ nyii-ŋai kɛ̀ gâloŋ ŋɔkpôŋ-lá mɛi káa mɛni mɛi. Dí dílii ŋwàna dí gbɛtɛ a gɛɛ dí gâloŋ páa.

Ɛstɛrə 2:21 ပူးပေါင်းရင်းမြစ်များ

Samia Veerɛi 16:11

Davidə yɛ Avisai da bɔ nuą kəlee kpɔ kpun diɛ: «Nón! A gáá gwəi lon gbɔɔ-kpɔ, a hvilɛn búlú, yɛ kɛ ə ɲíi hvóló tee mɛ̨i, gu hvo mun kɛ Bɛnɉamɛn mun ŋɛ̨i! Ka nɛɛ laa, ə nɛ̨ŋɛ̨n naa kɛ; Akɛ Yai-Laa ɓə dɔɔ la-o.

Tɔɔɓɛlaa dɔlɔɔ 16:9

Ela yee pɔ mun Zimri, yai kɛ a gɔ́ wotolo bələ tɔ̨nɔ̨ ɲąąwooɓomun, ə nɔgili kɛ mą. Tɔɔmun Ela ə kɛ Tirsa daai nąąlɔwai, yɛ lɔɔ kpələ a ɲee tɛɛ pələ mą. Di kɛi gɛ tii dɔɔ pɛlɛ́ mɛ̨i kaa mun Arsa yəi bɛlɛ́n.

Tɔɔɓɛlaa veelɛ 12:20

Ɉoasə kɛ mɛ̨nį gbəliɠaa, da mɛ̨nįɠaa kpɔ ə gɛ, kɛlɛi gəlee pɛ̨ɛ̨ Ɉuda tɔɔɓɛlaa kɛ mɛ̨nį hɛɓɛ́ hu-ee?

Tɔɔɓɛlaa veelɛ 21:23

Tɔɔmun Amɔn yee mu nuą di lɔ gilii, di baa ɲəi bɛlɛ́n.

Ɛsdrasə 4:6

Tɔɔmun Asuerusə nwɔ tɔɔlaa gɔwɔ tɔɔi lɔwai, di Ɉuifəɠaa maaɲaba lɔ hɛɓɛ́ pɛ̨ɛ̨, diɛi kɛ Ɉuda lɔi hu, da Ɉerusalɛmə daai.

Ɛstɛrə 2:19

Ɓɛlɔwai di kɛi nɛ̨ɛ̨lɛa ɲąąkpɔn na a veelɛ naa, Mardose ə kɛ heeni tɔɔmun yəi bɛlɛ́ laaləi.

Ɛstɛrə 6:1

Mąą kpinįi tii hu, tɔɔmun hvo pɛli yii. Ə nɛ̨ɛ̨ mą, ə mo di pa a nɔi hɛɓɛ́, ɓɛi ɲɛ̨i mɛ̨nįɠaa pɛ̨ɛ̨i kɛ laa; di ɉɛɓɛ́i tii hu woo ɓo tɔɔmun ma.

Ɛstɛrə 6:2

Ɉɛɓɛ́, mɛ̨i ŋɛ̨i kɛ bɛ̨ɛ̨i laa, diɛ kɛ mą: Bigtan da Tɛrɛsə, diɛi kɛ a gbɛtɛkpuwuluɠaa, diɛ dɔɔ kwəlii mąąkpɛ, di wɔlɔ lɔ tɔɔmun Asuerusə mąą kili, diɛ kɛ di baa. Kɛlaa, Mardose ɓə wɔlɔ di nąą lɛ, di yili kaa ɉɛɓɛ́ hu.

Mąątɛ̨nɛ̨ 144:10

Yɛ́ ɓə ya kɔ́ nɛ̨ɛ̨ tɔɔɓɛlaa diɛ, yɛ́ Davidə nwun mąąkɔ̨nwɔ̨ ɓɔwa kwɛa yəi.

Danîa 2:49

Daniɛlə ə nɛ̨ɛ̨mąą hvə tɔɔmun ma, ə gɛ, di Babilonə lɔi ɲąąwooɓoɔ ɲɛ̨i tɔwɔ laa tɛɛ mɛlaa: Sadrakə, Mesakə da Abɛdə-Nego di pɔ. Yii ɓaa Daniɛlə nwɛi, ya ɓə kɛ a tɔɔmun niɛwoo kɛ mun.