Ɛstɛrə 2:18 - Yálá laawoo hɛɓɛ

¹⁸ Tɔɔmun ə pənə nwɔ̨nɔ̨ ə ɓɛlɛhee takpɛli kɛ nwɔ ɲɛ̨itɔwɔ nuą da ɲeemu nuą di mąą mɛ̨nį ɓa, Ɛstɛrə laa hu. Ə nįįhɔ̨nwɔ̨ mɛ̨nį ta kulɔ mą goɓitaaɠaa kəlee hu nuą diɛ; ə nɛ̨ɛ̨ mą ə tɔɔlaa hu mɛ̨inɛ̨ɛ̨ kɛ nuą diɛ.

Bible

¹⁸ È kúu kɛ́tɛ kɛ̀ Ɛtɛ mɛni ma. Dí gúui ŋí láa sèe a “Ɛtɛ ŋɔkúui.” È ǹɔii kpîniŋ mɛi-ƃelai da ǹɔii-ƃela kpaya-kpayai kélee tòli gúui ŋí su. È gbɛ̀tɛ a tɔ̂ŋ a gɛɛ diai kélee ŋɔlɔii kpîniŋ-ŋai sui, dí ŋ̀elei ŋí síɣe a ɣele kɛ́tɛ dí kɛ́ mɛi kâa a ǹɛ́lɛɛ. È sãâ támaa ŋáa kɔ̀lɛ ǹûai kélee dîa gúui ŋí su.

Ɛstɛrə 2:18 ပူးပေါင်းရင်းမြစ်များ

Zɛnɛse 29:22

Nɛ̨ɛ̨nu laalɛ yələ, Laban ə daa kalanɉonŋąą təli, da diɛni di heei ə kɛ tɔ̨nɔ̨, di nɛ̨ɛ̨nu laalɛ kwəinɛ̨ɛ̨ kulɔ.

Nehemi 8:11

Levi huwuhu nuą di kɛi nuą kəlee ŋąąyɛɛ, di kɛ diɛ: «Ka ka laapilɛ! Mąąhɔlɔɓo, volói ŋɛ̨i kaa hvóló mąąhəɠɛɛ, mąą hvo nɛ̨ɛ̨li ka hvo kɛ liihɛlɛn ɉu.»

Ɛstɛrə 1:7

Kpələkɔɔ huwu ɲɛ̨i tamąą ɓə di kɛi di kpələ ɉu, gəlee di ɓo a hɛni. Lɔɔ ə kɛ laa kpɔ kɛnɛ̨, diɛ dɛɛ nu kəlee pɔ yɛ tɔɔmun a kɛi nu kɔ́.

Ɛstɛrə 9:22

Mąąhɔlɔɓo, volóɠaai tii ɓə Ɉuifəɠaa di liilaa yɛnɛ̨ɛ̨ hɔlɔɓo la, a kulɔi di mo di yowoɠaa yəi. Volói tii ɓə di wɔ liihɛlɛn mąą ə hvalin na a kwəinɛ̨ɛ̨, da kwəinɛ̨ɛ̨ hɛli, diɛ mɛ̨inɛ̨ɛ̨ kɛ di wɛlikɛmąą nuą da mąąwɛli nuą diɛ.

Wɛli 3:11

Ɉerusalɛmə nɛ̨ɛ̨lɛa, 'ka pa! 'Ka pa ka tɔɔmun Salomɔn kaa. Vúlulɔ ɓɔlɔi nee ə bɛli mą a nwɔ hvúlulɔ yələ laa, Ka gaa, a gwəinɛ̨ɛ̨ hvólói ŋɛ̨i.

Wɛli 5:1

Gáá pai ɲə́i nɔw yɛa. Oo níiɓa nɛ̨ɛ̨non, nwɔ́ wɛli. Gɛ́ nwɔ́ hąmą kun nɛ̨ɛ̨ da nwɔ́ laakpala kun nɛ̨ɛ̨ɠaa kulɔ, gɛ́ nwɔ́ kwɛin nwulɔ nɛ̨ɛ̨ ta kɔ̨mɔ̨n, gɛ nwɔ́ lɔɔi da nwɔ́ nįŋɛ̨ ɲįnįyái ta kpələ. Mɛ́laa! Ka ka laa mįi. Ka ka kpələ. Wɛlikɛmąąlaa ə ka hon yɛ lɔɔ.

Maafîu 22:2

«Yálá-taa tɔɔlaa kɛ pələ kaa yɛ, tɔɔmun da yii ə non ɉulɔnu nwɔ húlu lɔ kɔ̨nɔ̨n gɛ pələ pɛli.

Markə 6:21

Yələ ta, Herodə ə kɛi gaa yələ mąą kwəinɛ̨ɛ̨ kulɔ. Volói tii ə kɛ Herodiadə ɲɛ̨i ɓa a hvóló lɛlɛɛ yai kɛ a pɛli kɛ ə Ɉaan paa la. Herodə ə nwɔ kalanɉonŋąą nuą kəlee ŋąąkpɔn, ə mą kɛ nwɔ holahi nwun nąmįną, da Galile kalanɉonŋąą kəlee. Ə hɛli kɛnɛ̨ pɛli diɛ.

Lukə 14:8

«Ɓɛlɔwai nu ta a ka təli la kɔ̨nɔ̨n ma, hvó ə́ mąąhulɔ, hvó hee tɔwɔ. Gbəli, di nu takpɛli təli, yii mąąwia dɛɛ yɛ́.

M̀ɛni-lɛɛi 11:10

Lɔi mɛ̨i heeɓo nuą di kaa pai kwəinɛ̨ɛ̨ kulɔi di haa mɛ̨nį ɓa, da kɛ kwəinɛ̨ɛ̨ hu, diɛ mɛ̨inɛ̨ɛ̨ kɛ di kee ɓa, mąąhɔlɔɓo, Yálá kwəi mɛ̨nį hukulɔ nuą hveelɛi tii, di kɛli mɛ̨nį laa diɛ.

M̀ɛni-lɛɛi 19:9

Malaka ta yɛ mą́ą́: «'Bɛ̨ɛ̨! Nwun na nɛ̨ɛ̨mun maa, nuąi di təliɛi mɛlaa lon ŋą hululɔ hɛlii ɓa!» Yɛ nwɔ̨nɔ̨ mą́ą́: «Yálá kpinįi woo li.»

Samuɛlə dɔlɔɔ 25:8

Ə́ wɔ hilɛlɛa mąąnin gɛ, di kaa pai kɛi yɛ́: Tɛ̨ą li. Ə́ yee lɛlɛɛ hee kani nwɔ́ hilɛlɛai mu, hvo gaai kwaa pa a hɛli yələ. Nɛ̨ɛ̨ yɛ́, yii ə́ yee a pɛli mą, dɛɛ ə́ wɔ tínuą da ə́ lon Davidə ni pɔ.›»