Ɛstɛrə 2:15 - Yálá laawoo hɛɓɛ

¹⁵ Ɉɛnŋąą ŋɛ̨i Hege, yai kɛ a gbɛtɛkpuwulu, yɛ ɓo nɛ̨ąą mąą yili pɛlɛ́ nwun na, ə mąą liɛwoo kɛ Ɛstɛrə ɓa, yai a Mardose gala Avihailə lon, yili lɔ ɓə Ɛstɛrə ə ɉu hvɛli. Nuąi kpɔ kɛi Ɛstɛrə kaa, nwɛli ə kɛi too diɛ.

Bible

¹⁵ Ɛtɛ nyíi kɛ̀ a Abiai ǹóŋ, Mɔdikai m̀áleŋ ŋɔtãi è sèri a gɛɛ é lí gâloŋ ŋɛ́i-tuɛ. Vé sɛŋ da mare kɛ̂ɛ kɛ́ ní fɛ́ɛ nɔ́ maa ɣîri-sãai da zia mâa-sãai m̀ɛi káa-nuui Egaai è dɛ̀ɛ bɔ́i. Ǹíɛɛi, maa mɛ̂ni è gâloŋ líi sòŋ.

Ɛstɛrə 2:15 ပူးပေါင်းရင်းမြစ်များ

Ɛstɛrə 2:14

Di kɛi li tɛitɛi, a yələwulii, yələ a bɔ, nɛ̨ąą mąą yili pɛlɛ takpɛli ə kɛ laa, da li a diɛ laa Saasgazə, yai kɛ a gbɛtɛkpuwulu, yaai kɛi ɲɛ̨i kɛ tɔɔmun nwɔ wɛliɠaai diɛ, di dɛɛ bɔ, ə ɲɛ̨i kɛ mą. Mąąnɛ̨ɛ̨nu hva kɛa pənə hvo li tɔɔmun bɔɔli, akɛ nwɛli hvo tooli tɔɔmun ma, hvo pənə hvo dəli.

Ɛstɛrə 2:16

Mɛ̨nįi tii ə kɛ, a tɔɔmun Asuerusə nwɔ tɔɔlaa gwɛlan mɛ̨ihveelɛ lɔwai, ɲąnin bow nąąn, a ɲąnin ŋɛ̨i da kɛ mą Hebreu woo hu Tevɛtə ɉu. Nąąlɔwai ɓə Ɛstɛrə ə li la tɔɔmun bɔɔli.

Ɛstɛrə 2:3

'Nuą həɠə, ə́ di hee goɓitaaɠaa kəlee hu, ə gɛ, di pa a nɛ̨ɛ̨lɛaɠaai di hvo hulɔnu mɛ̨nį hu kɔ́lɔn ɛlɛɛ, di ɲɛ̨ilaa lɛlɛɛ, di pa a diɛ gbɛtɛgbuwului ŋɛ̨i da kɛ naa ɓaa a: Hege, bɔ, ə ɲɛ̨i kɛ diɛ, ə di mąą tíhɛnŋąą tɛɛ di pɔ.

Ɛstɛrə 8:1

Voló tɔ̨nɔ̨i tii hu, tɔɔmun Asuerusə ə nɛ̨ɛ̨ mą ə Haman yəi hɛnŋąą kəlee tɛɛ nɛ̨ą Ɛstɛrə pɔ, Haman ŋɛ̨i kɛ a Ɉuifəɠaa di yowo. Ɛstɛrə ə nɛ̨ɛ̨ mą, ə mo tɔɔmun ma: yɛ mą: «Mardose kaa a gúlɔɉu nąn, nwɔ nu leelee li. Tɔɔmun ə Mardose təli ə pa bɔɔli.»

Ɛstɛrə 9:29

Tɔɔmun nɛ̨ą Ɛstɛrə, Avihailə lon, da Ɉuifə ŋɛ̨i a Mardose, di di kɛ mɛ̨nįɠaai tii kəlee pɛ̨ɛ̨, ə mą kɛ ɉee dɔwɔ hɛli pu mɛ̨nį.

Hanwon 15:33

Nui a ɲɔw Yai-Laa ɓa, mąą nu kaa kili mąąkwɛlii. Kpɔwɔ mąąyɛɛlaa kaa mąąwiɛlaa tɔwɔ.

Wɛli 6:9

Nwɛ́i! Yɛ́ lɔ ɓə a nwɔ́ tonwələn gbɔlun, yá ɓə a mɛ̨nį laahvɛɛ kəlee Yaa tanɔ̨n nɔ ɓə nee ə gaa, ɛlɛɛ nwɛli kaa gaa lee ɓa kpɔ kɛnɛ̨. Nɛ̨ąą takpɛliɠaa da gaa, diɛ nwɔ nwun na nɛ̨ɛ̨ mąątɛ̨nɛ̨. Tɔɔmun nɛ̨ąni, da nwɔ wɛliɠaa, diɛ mąątɛ̨nɛ̨.

Wɛli 8:10

Gáá a taa mąąkpɛɛ hįi, ɲįnįɠaa ɓə di kaa a mɛ̨i pɛlɛ́. Akɛti, ŋą́ liilaa hɔlɔɓo di yəi.

Gɛlaɠaa 7:10

Yálá ə gulɔ ŋą mɔ̨nɔ̨ɠaa kəlee hu, ə gɔ a kili, ə nwɛli too Eziptə tɔɔmun ma, yili ə Ɉosɛfə hee Eziptə lɔi nwun na da nwɔ pɛlɛ́i kəlee.