Ɛstɛrə 2:14 - Yálá laawoo hɛɓɛ

¹⁴ Di kɛi li tɛitɛi, a yələwulii, yələ a bɔ, nɛ̨ąą mąą yili pɛlɛ takpɛli ə kɛ laa, da li a diɛ laa Saasgazə, yai kɛ a gbɛtɛkpuwulu, yaai kɛi ɲɛ̨i kɛ tɔɔmun nwɔ wɛliɠaai diɛ, di dɛɛ bɔ, ə ɲɛ̨i kɛ mą. Mąąnɛ̨ɛ̨nu hva kɛa pənə hvo li tɔɔmun bɔɔli, akɛ nwɛli hvo tooli tɔɔmun ma, hvo pənə hvo dəli.

Bible

¹⁴ A lî a ɣele-wulii é pá pôlu a bôlu ma ɣele-ƃɔɔi. A pà pôlu, a lî Saasiga pɔ́ naa-pere nyii kɛ̀ naa gâloŋ ŋɔnɛyâai bɛlɛ-pɛlɛi mɛi káa mɛni láa túɛi. Ǹɛnîi nyii nɔ́ maa mɛ̂ni a gâloŋ líi làai, ǹyaa ƃé a dòli pôlu.

Ɛstɛrə 2:14 ပူးပေါင်းရင်းမြစ်များ

Zɛnɛse 34:19

Ɉulɔnon tii hvo kpɛli kuu hee gɛ́nɛ̨ kɛ mɛ̨nį ɓa, mąąhɔlɔɓo, Ɉakɔbə lon nwɛli ə kɛ mą kpɔ kɛnɛ̨. Sisɛmə woo mąąwia kɛ nąn ɲəi bɛlɛ́n, nąn nonnii lɔwai.

Ɛstɛrə 2:13

Ɓɛlɔwai nɛ̨ɛ̨lɛa tii daa kɛi kulɔ la nɛ̨ąą mąąyili pɛlɛ́ mu, diɛ li tɔɔmun nííla, yii kpɔ di mąą kpaan gaa mą da dɛɛ di pɔ.

Ɛstɛrə 2:15

Ɉɛnŋąą ŋɛ̨i Hege, yai kɛ a gbɛtɛkpuwulu, yɛ ɓo nɛ̨ąą mąą yili pɛlɛ́ nwun na, ə mąą liɛwoo kɛ Ɛstɛrə ɓa, yai a Mardose gala Avihailə lon, yili lɔ ɓə Ɛstɛrə ə ɉu hvɛli. Nuąi kpɔ kɛi Ɛstɛrə kaa, nwɛli ə kɛi too diɛ.

Ɛstɛrə 4:11

‹Ɓɛ nɔi nuą kəlee, ə həɠə tɔɔmun nwɔ tínuą diɛ, ə həli la nɔi nuą diɛ, di kili kaa ɉu, diɛ, nui lɔpee ta hva lɔ tɔɔmun bɔɔli, ə kɛ a hulɔnu, ə kɛ a nɛ̨ɛ̨nu; akɛ tɔɔmun hvo dəli li, da baa. Kɛlaa, nui tɔɔmun a dəli, mąą nu ɓə a lɛɛ a vulú; ɛlɛɛ, da nui tɔɔmun a nwɔ hɛni tunwɔ̨n nɛ ma. Ɲą́ą́ ka, aa kɛ a hvolo pow haaɓa, tɔɔmun hvo ta də́li li.›»

Azaya 43:1

Kɛlaa, mɛ̨nįi Yai-Laa kaa moi yiihu, ya ka, A yai ə́ pɛli Ɉakɔbə, yai ə́ kɛ yɛnɛ̨ɛ̨ Isarɛlə, yɛ: 'Hvó ɲɔw, mąąhɔlɔɓo, ŋą́ą́ ɓə ə́ nwun mąąɓo, gɛ́ ə́ təli a ə́ laa, Ɲą́ą́ ɓə bɔ́ɔ́ ɓaa a yɛ́.

Azaya 45:4

Nwɔ́ tímun Ɉakɔbə mąą mɛ̨nį ɓa, Ee, Israɛlə, yaai ŋį́ ɉəɠə ɉu, mąą mɛ̨nį ɓə ŋį́ ə́ təli la a ə́ laa, ŋį́ laa hee yɛ́.

Dutɛrɔnome 21:14

Ka lɛɛ ɲíi ɓa, nwɛli a wala kɛa kɛ yɛ́, ya pɛli nɛɛi laa, ə li a niiɓa. Hvá pɛli nɔwɔtɔɔi, hvá mɔ̨nɔ̨ ɓo, mąąhɔlɔɓo, ə kɛ a ə́ nɛ̨ą.