Ɛstɛrə 1:20 - Yálá laawoo hɛɓɛ

²⁰ Mɛ̨nį ŋɛ̨i ə́ kaa pai bɛ̨ɛ̨i, ɓɛlɔwai nu kəlee kaa pai gɔlɔn ɉii la, ə́ wɔ lɔi kɛnɛ̨i ŋɛ̨i hu, nɛ̨ąą kəlee kaa pai di hilɛni woo hon ɉii; ə kɛ a kalanɉon, ə kɛ a nui lɔpee.»

Bible

²⁰ Da dɔ̂ŋ ŋí lòno ílɔii kpîniŋ-ŋai kélee su, ǹɛyâai kélee da pâi kɛ̂i ŋumɛ mâa tɛɛ̂i dísinâai pɔ́ a nɛ̃ɛ ma díkɛ a díkôloɔɔ kpaa máŋ dí tɔ̂ɔ.”

Ɛstɛrə 1:20 ပူးပေါင်းရင်းမြစ်များ

Ɛstɛrə 1:21

Nwoo tii ə nɛ̨ɛ̨ tɔɔmun ma da ɲeemu nuą kəlee. Tɔɔmun ə hvilɛn Memukan nwɔ liɛwoo tii pulu.

Ɛstɛrə 2:1

Mɛ̨nįɠaa tii tɛɛ pulu, ɓɛlɔwai tɔɔmun Asuerusə lii ə laa la, mɛ̨nįi tii Vasti ə gɛ la, ɛlɛɛ da ɉɛɓɛ́i ŋɛ̨i ə bɛ̨ɛ̨, yɛ hvilɛn na Vasti ɓa, ə hee, yɛ giliŋąhiɛ mą.

Ifisiɛŋ 5:22

Nɛ̨ąą, 'ká lɛɛ ká hilɛni woo ɲą, yɛ bələi ká gɛ la gu Nąmu ɓa.

Ifisiɛŋ 5:33

Ə kɛ a pələi lɔpee, vilɛnŋąą káá kpɛlimąn káá: ká ká nɛ̨ąni wɛlilakɛ yɛ gbɔwɔ kpinįlee, nɛ̨ɛ̨nu ə ɉilɛ mąąwiɛ.

Dutɛrɔnome 17:13

Nɔi lonnii kəlee kaa pai bələ mɛ̨n ɉii, diɛ ɲɔw. Yili a kɛ tii, nu ta hva kɛa ɓɔ nwun ɉu.

Dutɛrɔnome 21:21

Mąąnɛ̨ɛ̨ daai tii hu nuą kəlee di ɉɔɔ a kwɛni ə haa. Bələ ɓə mąąnɛ̨ɛ̨ ka mɛ̨nį ɲɔ̨n gulɔ la ka lɔwai. Israɛlə nuą kəlee kaa pai bələ mɛ̨n ɉii, diɛ ɲɔw.

Kolosə 3:18

Nɛ̨ąą, 'ká lɛɛ ká hilɛni woo mu yɛ bələi mąąnɛ̨ɛ̨ la gu Ną́mu.