Ɛstɛrə 1:13 - Yálá laawoo hɛɓɛ

¹³ Tɔɔmun ə nwun dɔɔ a nwɔ kilimąą nuą. Mąąhɔlɔɓo, pələ ɓə di kɛi dɔɔ kwəlii mɛ̨nį ɓo la. Da ɉu lɛ kɛ kilimąą nuą da mɛ̨nį kɔ́lɔn nuą diɛ, da nuąi kɛ di mąą lɛɠɛɛ tɔɔmun ma. Nuą tii ɓa:

Bible

^13-14 Kɛ́lɛ Atasɛra ŋɔkâloŋ laai su tua-perei va kâa mɛni da kélee kɛ̀ dɔ̂ŋ kɔ́lɔŋ-ƃelai da dáre-ƃelai ŋɛ́i pôlu. Nya ƃe gâloŋ è ǹɔii-ƃela kpaya-kpaya lɔ́ɔlu mɛi feerɛi ŋí tòli é ŋuŋ pîlaŋ a dia. Kasina, Seta, Amaŋta, Tasi, Mɛrɛsi, Masina da Mɛmukãŋ. Ǹûai ŋí ƃé kɛ̀ a gâloŋ ŋɔtíi kɛ́-ƃela kpaya-kpayai nyii-ŋai kɛ̀ gɔlɛ ma Pɛsia da Midia lɔii su.

Ɛstɛrə 1:13 ပူးပေါင်းရင်းမြစ်များ

Kɔlɔnikɔ Maa-ŋuŋ 12:32

Manase huwu bələ tɔ̨nɔ̨, nu waa pow kɔ́w mɛ̨ihaaɓa; diɛ ɓə di di tɔɔ a Manase laa, diɛ pa Davidə heei gbəlin ɉu.

Kɔlɔnikɔ Maa-ŋuŋ 12:33

Isakarə lonnii lɔwai, nuąi kɛ a mɛ̨nį kɔ́lɔn nuą kpɛa-kpɛaa, diɛi kɛ Israɛlə dinąą kɔ́lɔn, di kɛ a nu nwun veelɛ, diɛ ɓo di kaayɔwɔɠaa nwun na, diɛ ɓo di yee mu.

Ɛstɛrə 1:12

Kɛlaa, nwɛlɛɛ ŋɛ̨i tɔɔmun ə dɔɔ, a gbɛtɛkpuwuluɠaai, Vasti hvo gɛ hvo li. Yili ə tɔɔmun níikələn gwəi kpɔ kɛnɛ̨.

Ɉeremi 10:7

Gbɛɛ a pɛli niikpələi a yɛ́! Lɔiɠaa di wɔ tɔɔmun! Mąą nɛ̨ɛ̨ kilimąą nuą di hɔlɔɓo lɔi kəlee hu, di tɔɔ, lɔiɠaa hu, Kɛlaa, nu ta hvo laa yɛ ɓo yɛ yɛ́!

Danîa 2:12

Nwoo tii mɛ̨n tɔɔmun ə mo, ə níiɲąnwąną kpɔ kɛnɛ̨. Ə mo, yɛ diɛ: «Gilimaa nuą ŋɛ̨i di kaa ɓɛ Babilonə daai, ka di hon, ka di paa.»

Danîa 2:2

Tɔɔmun ə nɛɛmą, ə nwɔ tɔlikpɛ nuąi təli, ə mą kɛ nwɔ hali nąmįnąai, da nuąi da kɛi kwɛli hvilɛn ɉii pɛmɛ̨nɛ̨n gɔwɠaa diɛ, ə lɛɛ, da nwɔ Kilimąą nuą; ə gɛ, ɉįi tii ə gaa, di gili too ŋą. Nuąi tii kəlee di pa, di həli tɔɔmun ma.

Danîa 2:27

Daniɛlə ə mo tɔɔmun ma, yɛ mą: «Mɛ̨nį loɔ ŋɛ̨i tɔɔmun gaa bɔ ə ɉukulaa kɔ́lɔn, gaa a mɛ̨nį yii, kilimąą nuą ə mą kɛ, nuąi da kwɛli hvilɛn pɛmɛ̨nɛ̨n gɔwɠaa diɛ, da tɔlikpɛ nuą di hva pɛli mą ɉukulɔi tɔɔmun ma.

Danîa 5:7

Tɔɔmun ə tomą kpɔ a nwoo kɛnɛ̨ yɛ diɛ: «Ka mo, nuąi da kɛ kwɛli hvilɛn ɉii pɛmɛ̨nɛ̨n gɔwɠaa diɛ da Kilimąą nuą, ə lɛɛ da tɔlikpɛ nuą di pa.» Tɔɔmun ə mo Babilonə Kilimąą nuą tii diɛ, yɛ diɛ: «Nui lɔpee, ɉɛɓɛ́i ŋɛ̨i bɛ̨ɛ̨ bɛlɛ ɓa, a pɛli moi, ə ɉukulɔ mą́ą́, ŋą́ nini kɔ́lɔ həɠə too gwąną, ŋą́ hɛni kwɛɛn doo gwąną, ə lɛɛ, mąą nu a tɔɔi ɉaaɓa kɛɛnąą hɔlɔɓo nwɔ́ tɔɔlaai hu.»

Maafîu 16:3

Yələ wala pɔ, yələ a kɛ a ɲɛɛ, kaa mą: ‹Tulɔ kaa pai bui háákələi.› Ka wəlɛɛi yələi mɛ̨nįɠaa hukulɔ, kɛlaa, mɛ̨nį yii yələ ɓɔɔ tɛitɛi kəlee da nɛ, ka hvo gɔlɔn.

Maafîu 2:1

Jesus ə hɔlɔɓo Bɛtleɛmə daai Ɉude lɔi hu, a Herodə nwɔ tɔɔlaa yələ. Ɉɔlɔɓoɔ pulu, kilimąą nuą di həɠə hvóló kulɔi pələ, diɛ pa Ɉerusalɛmə.