Ɛstɛrə 1:10 - Yálá laawoo hɛɓɛ

¹⁰ Voló mɛ̨ihveelɛ yələ, nɔɔ ə tɔɔmun ɉon, gwəinɛ̨ɛ̨, ə nɛ̨ɛ̨ mą, ə nwɔ gbɛtɛkpuwulu mɛ̨ihveelɛi təli, diɛi kɛ nwɔ tí nuą diɛ ɓaa: Mehuman, Bizta, Harbona, Bigta, Avagta, Ɉetarə, da Karkasə.

Bible

¹⁰ Gúui ŋí ŋɔɣele kûu mɛi feerɛ ɣelei, ǹɔɔi è nâa kɛ̀ Gâloŋ Atasɛra kponôi ǹíi nɛ̃ɛ kpɔ́ a ŋ̀ánaa. È ŋɔtíi kɛ́-ƃela ǹɔ́ɔlu mɛi feerɛ tòli. Dia ƃé kɛ̀ a Miumaŋ, Bizita, Abona, Bita, Abata, Zɛta da Kakai. Zinâai ŋí ƃé da kâa ŋɔnɛyâai mɛi kâa. È mò dîa a gɛɛ

Ɛstɛrə 1:10 ပူးပေါင်းရင်းမြစ်များ

Zɛnɛse 43:34

Ɉosɛfə kpinįi ɓə nu kəlee kɔ̨nɔ̨n naa ɲəi ɉɛnɲąŋą hu. Ə nəɠə Bɛnɉamɛn nwɛi ɉuwɔ kɛ mɛ̨i gee mɛ̨i lɔɔli ə dɛɛ niɛni di wɛi ɓa. Da diɛni di lɔɔ kpələ gee ɓa yɛ pələi di kaa la bɔ.

Samia Veerɛi 13:28

Absalɔn yɛ ɲəi bɛlɛ́n góló kɛ nuą diɛ: «Ka gɛ a nɛlɛɛ, ɓɛlɔwai ka Amnɔn kaa la nɔɔ aa ɉon, ŋą́ kɛ kaa: ‹Ka Amnɔn kɛlɛ›, ka baa. Ka hvo ɲɔw, ɲą́ą́ ɓə ka tɔɔ la ka ká liikpələ, ka gɛ a hulɔnu laa.»

Ɛstɛrə 1:9

Tɔɔmun Asuerusə nɛ̨ą Vasti yaa kpɛli ə ɓo dɔɔ pɛlɛ́ mu pələ, yɛ nɛ̨ąą ɓɛlɛ hee.

Ɛstɛrə 3:15

Ɉɛɓɛ́ɠaa tii də li kpɔ a mąąhulaa yɛ bələi tɔɔmun ə mo la. Di kwəi mɛ̨nį hukulɔ mun Susə daa lee hu. Nąąlɔwai tɔɔmun da Haman di kɛ heeni diɛ di kpələ, daa nuą kəlee di wəli tɔɔ ɉɛɓɛ́ hu woo ɓa, di kwəi piliɛ diɛ.

Ɛstɛrə 7:9

Tɔɔmun nwɔ kpɛtɛgbuwulu tɔ̨nɔ̨, yai naa ɓaa: Harbona; yɛ tɔɔmun ma: «Nwɔ́ mɛ̨nį námu! Haman ŋɛ̨i, aa wulu ta pɛli, ə gɛ, di pa kɛ Mardose hɛlɛn mą. Mardose ŋɛ̨i ta ə́ nwun mąąɓo lɔgilii nuą yəi. Nwului tii gaa tɔɔni Haman yəi gwəli, gwɛa yee kaa a yee laa mą pow hveelɛ kɔw lɔɔli.» Tɔɔmun yɛ mą: «'Ka li ka Haman hɛlɛn mą.»

Hanwon 20:1

Lɔɔ a nu kɛ a yɛlɛkulɔɉumun, lɔɔ kpəɠiɛ yɛ hvaa too. Nui a gbɔwɔ lɛɛ a lɔɔ ŋą hon, hva pɛli kɛi a kilimąą mun.

Hanwon 31:4

Lemuɛlə! Kpaa-o! Lɔɔ hva heeɓolaa mąą hon. Lɔɔ yamąn ŋąą mąą hvo nɛ̨ɛ̨li a tɔɔɓɛlaa kpələ hɛn.

Ikilisiati 10:19

Hɛn gɔw nąmįną da kɛ di di ɲąąnɛ̨ɛ̨ gulɔ, hɛli ɓə da bu, hɛn gɔw ɓə a ɲąŋą tɛ nu hu; wali a pɛlɛ́ kəlee laa ɓo.

Nwun mąąɓo 16:25

Yɛ bələi di kəlee di kwəinɛ̨ɛ̨i kɛ la diɛ tomą, di mo diɛ: «'Ka pa a Samsɔn, ə pələ kɛ ku ɲɛ̨i ɓa, ku nąą kaa.» Di Samsɔn kulɔ gaho pɛlɛ́ mu, di paa la nuą pɔ, di kwəinɛ̨ɛ̨ yɛ pələ kɛ, diɛ gaa. Di Samsɔn tɔɔ Dagɔn mąąwiɛ pɛlɛ́ nɔ̨nwɔ̨ hveelɛ lɔwai.

Nwun mąąɓo 19:6

Da mɔlɔ di nu hveelɛi, di hee di kɔ̨nɔ̨n mįi, di di kpələ. Levi mun mɔlɔ yɛ mą: «Gɛ́ ə́ hvaa mą gu lɛɛ ni ɓɛ, ə́ yíi ɓɛ.»

Rutə 3:7

Boozə ə naa mįi, ə gbələ, gwəi ə nɛ̨ɛ̨, ə li ə laa gbai hįį ta kwɛlɛ; Rutə ə lɛɠɛ mą, ə ɉəɠə həɠə gɔwɔ mɛ̨i, ə laa.