Dutɛrɔnome 11:9 - Yálá laawoo hɛɓɛ

⁹ Nɔi tii Yai-Laa ə gwɛla ka nąnni diɛ yɛ kɛ, gaa pai dɛɛi ka pɔ da ka huwu pɔ, bələ ɓə ka káá pai yɛnɛ̨ɛ̨ kpɛɛ hvo mą hɔlɔɓoi la ɉu. Nɔi tii hu, kwɛį́n nwulɔ da ɲįnįyá da kɛ tɛɛi laa yɛ yá lon.

Yálá laawoo hɛɓɛ (dc)

⁹ Nɔi tii Yai-Laa ə gwɛla ka nąnni diɛ yɛ kɛ, gaa pai dɛɛi ka pɔ da ka huwu pɔ, bələ ɓə ka káá pai yɛnɛ̨ɛ̨ kpɛɛ hvo mą hɔlɔɓoi la ɉu. Nɔi tii hu, kwɛį́n nwulɔ da ɲįnįyá da kɛ tɛɛi laa yɛ yá lon.

Bible

⁹ Yâwɛɛ è góno tèe la kánâŋ-ni yêei da dísuui. Ǹɔii ŋí lɛ̂lɛɛi sí-sɛŋ kpɛtɛ mɛni ma.

Dutɛrɔnome 11:9 ပူးပေါင်းရင်းမြစ်များ

Lɛɛ gbɔwɔ ɓa 20:12

«'Ə́ lee da ə́ nąn di mąąwiɛ; ya ɓə a gɛ, nɔi ŋɛ̨i Yai-Laa ə́ wɔ Yálá ə dɛɛ ə́ pɔ, ə́ yíi ə kwɛa ɉu.

Lɛɛ gbɔwɔ ɓa 3:8

Ŋą́ pa, ŋį́ di kulɔ Eziptə nuą yee mu. Ŋą́ li a diɛ nɔi ŋąą kɛnɛ̨ɛ̨ lɛlɛɛ tii hu, ɓɛi hɛn gəlee a lɛlɛ laa. Nɔi tii ɓə: Kanaan nuą, Hɛtə nuą, Amɔrə nuą, Perizi nuą, Hivi nuą, da Ɉebusə nuą di kaa ɉu.

Hanwon 10:27

Nu a ɲɔw Yai-Laa ɓa, a nwɔ yɛnɛ̨ɛ̨ hu kwɛa, Kɛlaa, nwąnąlɔ nuą yíi hvo kwɛa li.

Hanwon 3:16

A nu yíi kwɛa, ɛlɛɛ, yɛ yee la hvólón da mąąwiɛ tɛɛ bɔ pələ kəlee hu.

Hanwon 3:2

Mąąhɔlɔɓo, ɉaalai ɓə ə́ yíi a kwɛa la, ə́ wɔ kwɛlanŋaa hu ə kwɛa, ɲąą ə nɛ̨ɛ̨.

Hanwon 9:11

Mąąhɔlɔɓo, ɲą́ą́ kili, ɉáálai ɓə ə́ wɔ yɛnɛ̨ɛ̨ hu a kwɛa la, ə́ wɔ kwɛlanŋaa diɛ tamą.

Izikiɛ 20:6

Mąą yələi tii, ŋą́ gwɛ́la diɛ, ɲéé tɛɛ yələi, gɛ́ diɛ gáá di kulɔi Eziptə lɔi hu. Gɛ́ li a diɛ, nɔi tii ŋą́ ɉu mąąkpɛɛ a ka wɔɔ, ɉu. Ɓɛi hɛn gəlee a lɛlɛ laa nɔi. Nɛlɛ yee tɛɛi lɔi kəlee ɓa.

Dutɛrɔnome 1:8

Ka gɔlɔn kaa diɛ, ŋą́ą́ nɔi tii tɛɛ ka pɔ, ka lɔ ɉu; nɔi tii ɓə Yai-Laa ə gwɛla yɛ gaa dɛɛi ka nąnni pɔ, Abrahamə, Isaakə da Ɉakɔbə, da di huwu, ka li ka hee laa.»

Dutɛrɔnome 11:10

A tɛ̨ą! Nɔi tii ka káá lii ɉɔlɔɓoi a ka wɔɔ, hvo yɛ bələi Eziptə lɔi ka kulɔ ɉu, gaa la. Ka kɛɛ Eziptə lɔi hu, ka kɛi tíi kɛ kaa yá pu mą yɛ a kɛ lɔ a nɔwu yɛa.

Dutɛrɔnome 11:21

Bələ ɓə ka yíi hvólóɠaa da ka lonnii di wɛi a lamun la; lɔ yɛ bələi yələkɔlɔn gaa pai lamuni la lɔi mɛ̨i, nɔi ŋɛ̨i Yai-Laa ə gwɛla ka nąnni diɛ, yɛ gaa dɛɛi di pɔ ɉu.

Dutɛrɔnome 4:40

Yai-Laa nwɔ tɔ́nŋąąi da nwɔ tíɓoɠaa ŋɛ̨i gáá dɛɛi ka pɔ háákələi, ka di kɛ, yili a ka nwun na nɛ̨ɛ̨, kaa mąn, ka lonnii mąn, ka haa pulu, diɛ pɛli lamui yɛnɛ̨ɛ̨ nɔi ŋɛ̨i mɛ̨i yai háákələi Yai-La ka wɔ Yálái ə dɛɛ ka pɔ, a yələ kəlee mɛ̨ni.

Dutɛrɔnome 5:16

«Ə́ lee da ə́ nąn di mąąwiɛ, yɛ bələi Yai-Laa ka wɔ Yálái ə ka tí la, ə gɛ, ə́ yíi ə kwɛa, ə́ nwun na ə nɛ̨ɛ̨, nɔi ŋɛ̨i Yai-Laa ka wɔ Yálái ə dɛɛ ka pɔ ɉu.

Dutɛrɔnome 5:33

Mąąnɛ̨ɛ̨ ka hiɛ yɛ bələi Yai-Laa ə nɛ la kaa, a yələ kəlee, kaa pɛli lɛɛi yɛnɛ̨ɛ̨, kaa ɓo la nwun na nɛ̨ɛ̨ hu, ɛlɛɛ, nɔi ka káá lii heei ɉui, ka yíi ə kwɛa ɉu.

Dutɛrɔnome 6:18

Mɛ̨nįi ɉaŋąą, nɛlɛɛ Yai-Laa ɲɛ̨i ɓa, ya ɓə mąąnɛ̨ɛ̨ ka gɛ, ka gɛ, ka kɛ nąąlɔwai nwun nąnɛ̨ɛ̨ hu. Nɔi lɛlɛɛi tii Yai-Laa ə naakwɛlanmo ka nąnni diɛ yɛ gwɛla ɉu, ka pɛli heei ɉu.

Dutɛrɔnome 6:2

'Ka ɲɔw Yai-Laa ka wɔ Yálái ɓa; kaa-oo, ka lonnii-oo, ka mąninni-oo da ka mąnin bulu mąninŋąą kəlee, 'ka nwɔ́ tíɓoɠaa da nwɔ tɔ́n nwooɠaai kəlee pɔ mɛ̨nį kɛ, ka wɔ yɛnɛ̨ɛ̨ kəlee hu, ka yíi a kwɛa.

Dutɛrɔnome 6:3

Israɛlə ə́ wəli tɔɔ, 'ka tɔɔ a ka nwąnąi, ka di pɔ mɛ̨nį kɛ, ka gɛ tii, ka kɛ nwun nąnɛ̨ɛ̨ hu, ka huwu yɛ ɓɛlɛ yɛ bələi Yai-Laa ka nąnni di wɔ Yálái ə naakwɛlanmo la kaa; a lɔi lɛlɛɛ ɓɛi hɛn gəlee a lɛlɛ laa.

Dutɛrɔnome 8:7

Yai-Laa ka wɔ Yálá kaa ka lɔi, lɔi lɛlɛɛ hu ɓɛi gaa a tɛɛyáɠaa, da yátonŋąą kulɔ lɔi. Ɲáɠaa tii di nwun a kulɔ yeeɠaa ɓa da nɛ̨ŋɛ̨ɠaa hu.

Dutɛrɔnome 9:5

Ka tələnmo mɛ̨nį hvəi, ka kwəi kili lɛlɛ mɛ̨nį hvəi, ka káá pai nɔi tii hɔlɔɓoi la a ka kwɛlin. Tɛ̨ąi gaa mą, ya ɓaa: nu huwui tii di hɔn ɲɔ̨n bələ ɓə gɛ Yai-Laa ka wɔ Yálá yɛ di wɔ lɔi kulɔ la di yəi, yɛ dɛɛ ka pɔ. Ə yili kɛ tii nwɔ̨nɔ̨, mąąhɔlɔɓo, aa wɔlɔ kɛ gwɛla ka nąnni a: Abrahamə, Isaakə, da Ɉakɔbə ni diɛ, yili ɓə gɛ yɛ bɔ mɛ̨nį kɛ la.