Amɔsə 8:2 - Yálá laawoo hɛɓɛ

² Yai-Laa ə mą́ą́ləngɛ, yɛ mą́ą́: «Amɔsə! Lə ɓə ŋɛ̨i ə́ kaa gaai ɲə́i?» Ŋą́ nwoo ŋąąpənə, gɛ́ mą: «Kpɔlɔ ka tii, naahvɛɛ a wulu ɓa, gəlee daa kpɔlu.» Yai-Laa yɛ mą́ą́: «Israɛlə nu huwu ŋąąkpɛɛi lɔwai aa ɉəli, və́ pai di hɔn da mąąhvaalɛɛi.

Yálá laawoo hɛɓɛ (dc)

² Yai-Laa ə mą́ą́ləngɛ, yɛ mą́ą́: «Amɔsə! Lə ɓə ŋɛ̨i ə́ kaa gaai ɲə́i?» Ŋą́ nwoo ŋąąpənə, gɛ́ mą: «Kpɔlɔ ka tii, naahvɛɛ a wulu ɓa, gəlee daa kpɔlu.» Yai-Laa yɛ mą́ą́: «Israɛlə nu huwu ŋąąkpɛɛi lɔwai aa ɉəli, və́ pai di hɔn da mąąhvaalɛɛi.

Bible

² È mò ǹyɛɛi, “Emɔ, lé ƃé ƃa gâai?” Ǹyɛ̃ɛ mà, “Wúru-ƃa kpɔlu kpɔlɔ tɔnɔ.” Nya ƃe Ɣâla Yâwɛɛ è mò ḿâ, ǹyɛɛ, “Ŋánûai Eezuɛ-ŋai dítãi kpɛɛ ŋá a seri. Fé pâi ŋɔ́nɔ dísu-mɛni lɛɛ̂i.

Amɔsə 8:2 ပူးပေါင်းရင်းမြစ်များ

Zɛnɛse 6:13

Nąąlɔwai, Yálá ə mo Noe ɓa, yɛ mą: «Noe! Ŋą́ą́ gaa gɛ́ diɛ: yɛnɛ̨ɛ̨ hɛnŋaa kəlee ŋąąkpɛɛi lɔwai aa ɉəli ɲɛ̨́i ɓa; di hɔn aa ɲɔ̨n, nwąnąlɔ aa lɔi mɛ̨i laa hvɛɛ. Gáá gəlee nwun na pilii.

Azaya 28:4

ɛlɛɛ nwulu powa tii a di mąąyili hɛn, yai gaa ɲa-ɓoloon nɛlɛɛɠaa hui, di kaa pai kɛi yɛ wulu mąąhulaai a ɓa tɔwɔ, gaa hiɛ nu ɓa, aa mą wɛan ɉu, aa bili na.

Ɉeremi 40:10

Nwɛ́i, gáá ɓɛ Mispa, Kalde nuąi di kaa pai kɛ di tɛɛi ɓɛ, gɛ́ di mąą mɛ̨nį ɲɛ̨i kulɔ, ka wɛi ka ka wɔ kólóɠaa kɛ, káá nwulu ɓáɠaa kulɔ, káá nwulɔ kulɔ, káá ka kwɛlɛ hee, daaɠaai tii ka káá di hui, ka lɛɛ laa.

Ɉeremi 5:31

Nuą daa di kpɔɔ kɛ a Yálá kwəi mɛ̨nį hukulɔ nuą, di kaa lɛɛ woo ɓoi. Ɉaláá kulɔ nuą diɛn, hɛn lɔpee di yee a pɛli mą, da nɔ di yəi ɲuɓoi. Yili aa kɛi kɛ tii, nwɔ́ nuą kwəinɛ̨ɛ̨ ɉu. Kɛlaa, ka káá pai gɛi ləi a naa kulɔ yələ?

Woolaa 4:18

Di kɛi ku kɔ́wɔ hvilɛn ɉii mąąhɛŋį, di kɛ kuɔ: 'Ká heei hvo ɓɛ! Ku wɔ yɛnɛ̨ɛ̨ ŋąąkpɛɛi aa lɛɠɛ, ku wɔ hvólóɠaa laa hvɛɛ yələ aa həli.

Izikiɛ 12:23

'Mo diɛ yɛ́ diɛ, Mɛ̨nį kəlee ŋą Hééɓomun Yálá woo ka: Gáá ɉanwon ti kulɔi ka la, di hva kɛa mo Israɛlə lɔi hu. Kɛlaa, 'kɛ́ diɛ: ‹Ɉįįɠaai di gaa, di bɔ mɛ̨nį kɛ yələ yɛ həli.›

Izikiɛ 29:8

Yili ɓə gɛi, mɛ̨nįi Mɛ̨nį kəlee ŋą Hééɓomun Yálá ə mo ya ka: Gáá pai pai ə́ mɛ̨i a kɔ́ kɔ́ ɓɔwa; gɛ́ nukanŋąą da taatɛlɛɛɠaa paa ə́ wɔ lɔi hu.

Izikiɛ 3:10

Yɛ mą́ą́: «Hulɔnu lon, nwooɠaai kpɔ gáá moi yɛ́, ə́ wə́li tɔɔ diɛ, di lɛɛ ə́ kili pɔ.

Izikiɛ 3:7

Kəlɛɛ Israɛlə nwɔ pɛlɛ́i hvo pai nwəli tɔɔi ə́ woo ɓa, gbala ə tɔɔ, di hvo bɔ di hvo di wəli tɔɔ nwóó ɓa; mąąhɔlɔɓo Israɛlə nwɔ pɛlɛ́i kəlee nwun ɉu wala walai, gili wala walaa.

Izikiɛ 7:6

Mɛ̨nįɠaa kpɛɛ yələ kaa pai, gaa pai yoo; a mɛ̨nį kpɛɛ yələi tii. Gaa muhəɠəi ə́ mąą mɛ̨nį ɓa, yɛ pa.

Izikiɛ 8:12

Yɛ mą́ą́: «Hulɔnu lon, mɛ̨nįi Israɛlə pɛlɛ́ mu kalanɉonŋąą kaa gɛi kpinįi, nu kəlee ə ɓo ɲəi bɛlɛ́n yɛ kwɛli hvilɛn ŋą hali ɓa, yaa naa kaa? Da kɛ kɛi diɛi; Yai-Laa hva pɛli ku kaai. Yai-Laa aa kulɔ nɔi.»

Izikiɛ 8:17

Yɛ mą́ą́: «Hulɔnu lon, yáá nąą kaa? Mowo túwɔ́i Ɉuda nwɔ pɛlɛ́i mu nuą kaa moi ɓɛ, yili hva mɔ̨ɔ̨ di lii hon? Daa nɔi laahvɛɛ a wɛa mɛ̨nį; diɛ nwɔ̨nɔ̨ nwą́ną́lɔ; ə́ kaa di kaai diɛ nwulu ɓəɠən nɛɠɛ di hunwɔ̨ ɓa?

Izikiɛ 8:6

Yɛ nwɔ̨nɔ̨ mą́ą́: «Hulɔnu lon, mɛ̨nįi di kaa gɛi ə́ kaa nąą kaai? A gili kpɛɛ gwəi mɛ̨nį kpɛa kpɛaɠaai Israɛlə nwɔ pɛlɛ́i kaa gɛi ɓɛ, yáá gaa? Yili ɓə aa gúlɔ ɲə́i bɛlɛ́n. Ə́ kaa pai ɓowo mɛ̨nį kpɛa kpɛa takpɛliɠaa kaai nwɔ̨nɔ̨.»

Osia 9:7

Ɉu tɔɔ yələ aa həli, di woo hu kulɔ yələ aa həli: Israɛlə kaa pai yili kaai! Yálá kwəi mɛ̨nį hu kulɔmun aa ɓowo, gili nąmui kili aa kpɛɛ ɲəi, yɛ́ túwɔ́ pələ ɲɔ̨n ɉu kɛnɛ̨ pələ ɓa, da nwɛli kpɛɛmąą di gulɔ a yɛ́, ɉu kɛnɛ̨ pələ ɓa.

Amɔsə 7:8

Ə mą́ą́ləngɛ, yɛ mą́ą́: «Amɔsə! Lə ɓə ŋɛ̨i ə́ kaa gaai ɲə́i?» Ŋą́ nwoo ŋąąpənə, gɛ́ mą: «Pɛlɛ tɔɔ kinɛ̨ kɔ́w ka tii!» Yai-Laa yɛ mą́ą́: «Bɛlɛ tɔɔ kinɛ̨ kɔ́wi ŋɛ̨i ɓə, nwɔ́ nuą ŋɛ̨i a Israɛlə nu huwu, gáá pai di mąąkpɛɛi la, akɛ di haŋąąi. Mąąhɔlɔɓo, akɛ ŋį́ hɔn gaa diɛ, və́ kɛa pai di mąąhvaalɛɛi.

Amɔsə 8:1

Mɛ̨nįi Nąmu Yai-Laa ə nɛ nwɔ̨nɔ̨ mą́ą́ hįį pələ ya ka: Ŋą́ kpɔlɔ ta kaa, naahvɛɛ a wulu ɓa, gəlee kpɔluɔ.

Mise 7:1

Kpalo ɓɛlaai mą́ą́, gáá yɛ mɔ̨nun deemun a mɔ̨nun dee a vinɉilɛ, yɛ mɔ̨nun gban ɉu kwɛlimun, Kɛlaa, mɔ̨nun gbaɠa tɔ̨nɔ̨ kpɛli hvo hɔlɔɓo li, və́ naa ɲéé kpálá; nííɓa wulu, ma tɔ̨nɔ̨ kpɛli hvo hɔlɔɓo li ɉu.

Zakari 5:2

Malaka yɛ mą́ą́: «Lə ɓə ə́ kaa gaai?» Gɛ́ mą: «Gáá hɛɓɛ́ ta kaai yɛ koon. Dɔɔɉu kaa a yee laamą pow hveelɛ, ɲąą kɛ̨nɛ̨ a yee laamą pow.»