Timote dɔlɔɔ 6:10 - Yálá laawoo hɛɓɛ

¹⁰ Mɛ̨nį ɲɔ̨n gəlee ɉamu ɓaa a, wali lii. Gɛ mɛ̨nį nuą diɛ di kpɔwɔ kwɛlɛ mą, daa lan, daa di mąą kwɛa laa na pələ ɓa, ɛlɛɛ, daa di kpɔwɔ liikələn di kwəi, a kiliŋąhiɛ huwu tamąą.

Yálá laawoo hɛɓɛ (dc)

¹⁰ Mɛ̨nį ɲɔ̨n gəlee ɉamu ɓaa a, wali lii. Gɛ mɛ̨nį nuą diɛ di kpɔwɔ kwɛlɛ mą, daa lan, daa di mąą kwɛa laa na pələ ɓa, ɛlɛɛ, daa di kpɔwɔ liikələn di kwəi, a kiliŋąhiɛ huwu tamąą.

Bible

¹⁰ Kpɛ́ni fêi, sɛŋ-kao wɛ́liɛɛ káa a sɔnyɔŋ-sii kélee ŋɔsame; zɛŋ-wɛli-sii ŋí ƃa gɛ́ núu da-ni da kula naa-lai ma, maloŋ-mɛni támaa a dílii-ŋai láa fɛ́ɛ.

Timote dɔlɔɔ 6:10 ပူးပေါင်းရင်းမြစ်များ

Zɛnɛse 29:14

Laban yɛ Ɉakɔbə ɓa: «Ə́ kaa a ɉúwu ta, gu ɲąmą kaa tɔ̨nɔ̨.» Ɉakɔbə ə ɲąnin dɔ̨nɔ̨ kɛ Laban yəi bɛlɛ́n.

Zɛnɛse 29:26

Laban yɛ Ɉakɔbə ɓa: «Ɓɛ nɔi, di hva nɛ̨ɛ̨non dɛɛ hilɛtai niɛ tɔwɔ.

Zɛnɛse 34:27

Ɉakɔbə lon ɉinąą yiiɠaai tii, di li di too nu lɛɠɛɠaa mɛ̨i, di di mąą kpoloon, di daai hɛnŋąą kəlee həɠə. Mąąhɔlɔɓo, daa kɛ wolo di mąąhala ɓa daa gɛ a di nɛ̨ą.

Zɛnɛse 38:16

Hvo gɔlɔn yɛ kɛ non nɛ̨ą li. Ə lɛɠɛ mą, yɛ mą: «Gɛ́ gwə́ li gu yii nwɛ̨́ą́ pɛlɛ́ mu.» Nɛ̨ɛ̨nui tii yɛ mą: «Gwa yili kɛ tii, lə ɓə ya dɛɛ bɔ́?»

Tɔɔɓɛlaa dɔlɔɔ 2:40

Simei ə nwɔ hoohvaalən ɉąą yili, ə tɛ mɛ̨i, yɛ li Akisə pɔɔli, ə gɛ, ə nwɔ luwɔɠaai hon. Ə li ə di hon Gatə, ə paa a diɛ Ɉerusalɛmə.

Tɔɔɓɛlaa veelɛ 5:27

Yili ɓa, Naaman nwɔ hvólóɲɔ̨n tii a lɛɛ yɛ́ ka ə́ huwu kaa a yələ kəlee mɛ̨nį.» Gehazi ə kulɔ Elise pɔɔli, volóɲɔ̨n tii aa gɔlɔ nąą kəlee kwələ yɛ da luwu pu nu ɓa.

Mąątɛ̨nɛ̨ 32:10

Mɔ̨nɔ̨ tamąą heeɛi nui hva Yálá mąąwiɛ dɔwɔ, Kɛlaa nui a gilitɔɔ Yai-Laa ɓa, mąą nu mąątínɛ̨nŋąąi a wɛlikɛmąąlaa kpɔ kɛnɛ̨.

Mąątɛ̨nɛ̨ 62:10

A tɛ̨ą, nɔi lonnii kaa kpɔlɔ yɛ nu nɔ̨ɔ̨n ɉii tanɔ̨n, nu kpɛa-kpɛa kaa kpɔlɔ a lɛɛ. Da di kɔ́ɔn, hvąŋą a kɛ a nwiaa dɛɛ diɛ.

Hanwon 1:19

Bələ ɓə hvulu hɛn gɛli nuą di wɔ yɛnɛ̨ɛ̨ a kpɛɛ la, a diɛi tii di ɓɛlaa kwɛlin gulɔi di yəi.

Hanwon 1:31

Yili ɓa, ka túwɔ́ pələi tii lɔ ɓə gbalo a ka káá, ka wɔ kili ɲɔ̨nwɔ̨ɔ̨ tii lɔ ɓə ka pilɛ ɉu.

Hanwon 15:27

Nui ɲee kaa nwumɛ̨ mɛ̨nį hu, a nwɔ pɛ́lɛ́i huwu-huwu ɓo, nui nɔgwəi hɛn nwɛli hvo mą, gaa pai lamun ɉii.

Ikilisiati 2:19

Mąą nu kaa pai kɛi a kilimąą mun, a wala kɛ tii, kilikpɛɛgwəi mun? Nu ta hvo yili kpaɠala kɔ́lɔn. Kɛlaa, hɛn kpɔ ŋą́ gwɛli gɛ́ kóló hu da nwɔ́ kili mɛ̨nį hu, gəlee kaa pai lɛɛi nui pai mą́ą́hvalin ɉi ɲəi. Yili kəlee kaa a kpɛli-kpɛli mɛ̨nį.

Azaya 1:23

Ə́ nwun nąmįną daa di pulu tɔɔ mą́ą́, da nwuɔ̨ kuláaɠaa daa di yee pili gee hu, di kəlee, nɔgwəi hɛn mə nwɛli kaa diɛ, di hvilɛn ŋąą nɔgwəi hɛn gɔw pulu diɛ gwɛli, di hva mɛ̨nį haŋąą kɛ a təlilon, kalanin a mąą kanąn naa həli diɛ, diɛ di yee lɔ di wəlii.

Azaya 56:11

Ɛlɛɛ, di kaa lɔ nwɔ̨nɔ̨ a yilɛɠaai di kwaną wolo hu kɛnɛ̨ɛ̨, di hva pɛli kɛi diɛ: «Aa pɛli.» Ɛlɛɛ, diɛ ɓə a daatɛlɛɛ pulu nuą, di hva mɛ̨nį kpaɠala kaa, di kəlee di ɲɛ̨i haŋąą lɔ di kpɔwɔ pələɠaa pɔ pələ, diɛ li ɓɛi di wɔ tɔ̨nɔ̨ kaa laa; diɛ hvo kɛi lɔ da ɉɔlɔɓo.

Izikiɛ 13:19

Káá náá pu nwɔ́ nu huwui ɲɛ̨́i ɓa, yeehvɛɛ tɛi tɛi mąą mɛ̨nį ɓa lɔ, da lɛɠɛ kpuo lon; nuąi mąą hvo nɛ̨ɛ̨li di hvo haa, ka káá di paai; ɛlɛɛ nuąi mąą hvo nɛ̨ɛ̨li di hvo lɛɛ yɛnɛ̨ɛ̨, kaa di lɛɛ yɛnɛ̨ɛ̨; nwɔ́ nuąi ɲɛ̨́i di ɓowo la nɛ̨ɛ̨i, bələ ɓə ka di ɓowo la.

Izikiɛ 16:33

Wɛli hon nɛ̨ąą kəlee da kɛ di hala hɔlɔɓoi, kɛlaa ə́ wɛi, ə́ kɛi gɛ ə́ wɔ wɛliɠaai diɛ a mɛ̨inɛ̨ɛ̨; ə gɛ, diɛ həɠə kɛɛnąą kəlee, diɛ pa ka diɛni kaa laa.

Izikiɛ 22:12

Da mɛ̨inɛ̨ɛ̨ hon ə́ pɔɔli, ɲąmą pu mɛ̨nį ɓa; yá kɛ hɛnŋaa hɔ̨nwɔ̨ kɛnɛ̨i ə́ pɔɔli, yɛ́ dɛɛ ɲɛn ɉu. Yɛ́ ə́ yee pənə ə́ hee yɔwɔ hu a wea mɛ̨nį; ɛlɛɛ nwɛi, yɛ́ lɛ̨ą mą́ą́. Mɛ̨nį kəlee ŋą Hééɓomun Yálá woo li.

Mise 3:11

Ɲɛ̨itɔwɔ nuą, da kiti tee a hvulu, mąąhɔlɔɓo, da nɔ gwəi hɛn ɉon, ɉaláá laa həli nuą, da nu mąąkwɛli, a tɔ̨nɔ̨ hɔlɔɓo pələ, Yálá kwəi mɛ̨nį hukulɔ nuą, diɛ mɛ̨nį hukulɔ nuą diɛ, wali ɓa, ɛlɛɛ, Yai-Laa ɓə di kilitɔɔ mą, diɛ kɛ diɛ: «Yai-Laa hvo mɔ̨ɔ̨ ku lɔwai? Lɛɛ li, mɛ̨nį ɲąąnwąnąą hva pɛli ku hɔlɔɓoi.»

Malasi 1:10

Yii viɛlaɓoɔ, ya ɓaa: ka tɔ̨nɔ̨ ə li, ə nwɔ́ pɛlɛ́ laa kpulu, ə gɛ, ka hvo pa kɛ lɔ lii laa, kaa nwɔ̨n ɉee nwɔ́ haláá kulɔi tii ɓa, a kpɛli. A tɛ̨ą, və́ kpɛli bɔ, və́ ka káá ɉaláá kulɔi, gu hvomun kɛ, ka wɔ haláá hɛnŋaa. Yili wɛli hvo mą́ą́. Ɲą́ą́ Yai-Laa Mɛ̨nį Kəlee ŋą Hééɓomun, nwóó li.

Maafîu 13:22

Yiiɠaai too ɲɔ̨w ɉaalən ɉu diɛ ɓaa, nuą da Yálá laawoo mɛ̨n, kɛlaa yɛnɛ̨ɛ̨liihɛlɛnŋąą da nwɔ ŋąąnɛ̨ɛ̨ a kpinįn a diɛ, ə di hvinatɔn, nwoo tii hva kólo kɛ di kili pɔ.

Maafîu 23:13

«Tɔ́n galamɔ̨ɔ̨ɠaa ka Farisiɛ̨ɠaa, ka tɛ ɲɛ̨i mɛ̨nį kɛ nuą ŋɛ̨i, kpalo kaa ka tɔwɔ! Mąąhɔlɔɓo, kaa Yálá-taa pələ too, kaa kpəɲan bələi. Ka hvo lɔi, ə lɛɛ, ka hvo nɛɛi laa, nuąi naa wɛli kaa diɛ, di hvo lɔ.

Maafîu 6:19

«Ka hvo ka wɔ hɛn gɔw laaikɛ ɲɛnɛ̨ɛ̨ ŋɛ̨i hu, ɓɛi koló a pu laa hɛnŋąą hu, kpɛ̨ɛ̨ yɛ hee daɠaa diɛ, nwuɔ̨ nuą diɛ pɛlɛ laa yali, diɛ nwuɔ̨ kɛ laa.

Markə 4:19

Kɛlaa, yɛnɛ̨ɛ̨liihɛlɛnŋąą, da hɛn gɔw nwɔ ɲɛ̨i kulɔ bɔ, ə mą kɛ, yɛnɛ̨ɛ̨ nwɔ ŋąąnɛɛɠaa da kpinįn a diɛ, ə di hvinatɔn, di hva pɛli ɓai.

Dutɛrɔnome 16:19

Mąą hvo nɛ̨ɛ̨li, ka hvo tɛ̨ąą mɛ̨nį pili ɉu, ka hvo tɔɔ hulu mun da pulu. Ka hvə ka yee hee nɔ gwəi hɛn mu. Mąąhɔlɔɓo, nɔ gwəi hɛn a mɛ̨nį kɔ́lɔn nuą ɲɛ̨ipu, yɛ tələnmomun nwɔ tɛ̨ąą mąą mɛ̨nį pili ɉu.

Dutɛrɔnome 23:18

Mąą hvo nɛ̨ɛ̨li haláá wɛli kɛ nɛ̨ąą di hvo kɛ Israɛlə nɛ̨ąą lɔwai, mąą hvo nɛ̨ɛ̨li nwɔ̨nɔ̨ haláá wɛli kɛ nuą di hvo kɛ Israɛlə hinąą lɔwai.

Kolosə 3:5

Yili ɓə, mɛ̨nįɠaai ká hu, a yɛnɛ̨ɛ̨ nwɔɔ, 'ká yiliɠaa paa kani, diɛ ɓaa: Wɛlikɛɛ, mąąliɓi túwɔ́, nwumɛ̨ mɛ̨nįɠaa kɛɛ, ɛlɛɛ, da hɛn nwɛli laa, yili yaa kpɛli, gaa a hali kɔ́ɔ.

Timote dɔlɔɔ 3:3

hvo kɛ a lɔɔ kpələmun, hvo kɛ a kpilɛn gɔmun, kɛlaa, nwɔ mɛ̨nį lɛlɛɛ, hvo kɛ a hvaa kɛmun, hvo kɛ a hɛn nwɛlimun.

Timote dɔlɔɔ 6:21

Nuą tamąąi daa di laa lɔ yili hu, daa di kpɔwɔ mąą kwɛa laa na pələ ɓa. Yálá ŋą mɛ̨inɛ̨ɛ̨i ə kɛ ká pɔ.

Timote dɔlɔɔ 6:9

Yii ɓaa nuąi diɛ di kɛ a hɛn gɔw nąmįną, diɛ ɓə da too ɲąąhɛn mɛ̨nį ŋą hɛlɛn ɲą, kilikpɛɛɲəi, hɛn nwɛlilaa tamąą, da di kpɔwɔ kala mɛ̨nįɠaa, mɛ̨nįɠaa tii ɓə da nu kanŋaa lɔ di kala mɛ̨nį hu, da di nwun napili mɛ̨nį.

Timote veelɛ 3:2

Nąąlɔwai, nu kanŋaa da kɛ a kunwuɔ̨ nuą, a wali mɛlaa, di huɲąŋą kɛnɛ̨ɛ̨, di ɲɛ̨itɛɛ, diɛ Yálá lalan, di kwɛli tiɛ di kaa-nuą diɛ, di hvo mɛ̨inɛ̨ɛ̨ kɔlɔn, di hva Yálá mɛ̨nį mɛlɛ kɛ mą,

Timote veelɛ 4:10

Mąąhɔlɔɓo, Demasə aa nɛ́ɛ́ laa yɛnɛ̨ɛ̨ hɛnŋaa ŋą wɛlikɛmąąlaa mąą mɛ̨nį ɓa, aa li Tɛsalonikə. Krɛsansə aa li Galatə lɔi hu, Titə aa li Dalmati.

Taitɔ 1:11

'Hvo kɛli, ə́ di laa kpulu. Da kɛ pɛlɛ́ tamąą mu kɛi wulu-wulwu, diɛ nuą mąąkwɛli, əgɛ, di hvulu hɛn ɉɔlɔɓo, yili yaan mąą hvo nɛ̨ɛ̨li.

Zĩi 5:19

Ną́n nonnii, ká ta a lan, a mąąkwɛa tɛ̨ą ɓa, nu ta a tɔɔ dɔwɔ ə pənə ə paa la,

Zasua 7:21

Gɔ pulu hɛnŋąąi tii lɔwai, ŋį́ lɔ́həɠə lɛlɛɛ ta kaa laa, yii da həɠə la Sinearə; wali kwələ nwun veelɛ, da hɛni kpuwulu kɛnɛ̨ yii kɛ mu wia kpɔ kɛnɛ̨. Ɲɛ̨́i ə kulɔ bɔ, ŋį́ ɉəɠə, ŋį́ li la, ŋą́ di loo nwɔ́ həɠə pɛ́lɛ́i ɉąąi, nwɔ̨n dinįi; nwali tii kaa laani ɉɛnŋąą mu nɔi mu.»

Zûu 1:11

Kpalo ɓɛlaai diɛ. Mąąhɔlɔɓo, daa hvilɛn Kain túwɔ́ pələ pulu. Daa di kpɔwɔ hvilɛn lan bələ mɛ̨i wali mąą mɛ̨nį ɓa, yɛ bələi Balaamə ə gɛ la. Di nwun na aa pili yɛ Kore.

M̀ɛni-lɛɛi 18:13

a kanɛlə wulu kɔlɔ, hɛn gun-nɛ̨ɛ̨ɠaa, wulɔ kun-nɛ̨ɛ̨, mirə wulɔ, ɛlɛɛ lansan, lɔɔ da wulɔ, lɛɠɛ hunwɔ̨ ɛlɛɛ mɔ̨nun gɔw, nįŋɛ̨ɠaa da ɓɛlaaɠaa, hooɠaa da wotoloɠaa, luwɔɠaa, da gaho nąmįną.