Timote dɔlɔɔ 4:12 - Yálá laawoo hɛɓɛ

¹² Nu ta hvo tɛɠɛɓo ə́ wɔ hulɔnon naa hu. Kɛlaa yaamun, 'kɛ́ nui da di yíi pələ kɔɔnmą, ə́ hvaa woo hu, ə́ túwɔ́ pələ hu, wɛlikɛmąąlaa hu, laa na laa hu, da mąąhəɠəlaa hu.

Yálá laawoo hɛɓɛ (dc)

¹² Nu ta hvo tɛɠɛɓo ə́ wɔ hulɔnon naa hu. Kɛlaa yaamun, 'kɛ́ nui da di yíi pələ kɔɔnmą, ə́ hvaa woo hu, ə́ túwɔ́ pələ hu, wɛlikɛmąąlaa hu, laa na laa hu, da mąąhəɠəlaa hu.

Bible

¹² Ífe ǹɛɛ naa núu fé ŋɛi naɣîŋ ímɛi a gɛ́ɛ íkaa a lôloŋ, kɛ́lɛ, naa-la-ƃelai lɛ́ a mɛni-kɔɔŋ-maa ílono-woo su, ítûa-pere su, wɛli-kɛ-maa su, laa-la su, da maa-waa-laa su.

Timote dɔlɔɔ 4:12 ပူးပေါင်းရင်းမြစ်များ

Zakari 2:4

Ŋą́ mąąnįn kɛ nwɔ̨nɔ̨ gɛ́ mą: «Yiiɠaai diɛn, lə ɓə di kaa pai gɛi?» Ə nwóó pulu pənə, yɛ mą́ą́: «Nɔiɠaai tii di wɔ huwalawalai gaa di yəi yɛ di mįnɛ̨, yai di Ɉuda lɔi hu taɠa la, nui lɔpee ta hvo pɛli tɔɔi di la, diɛ ɓə gwɛliyɔw nuąi ŋɛ̨i di pa di mąą kpɛlin ɉii.»

Maafîu 18:10

«'Ka gɛ a nəlɛɛ, ka hvo nɛapəlɛɛɠaa ŋɛ̨i tɔ̨nɔ̨ kpɛli ɓɛlɛkpɛɛ ma. Gáá moi kaa, di wɔ malakaɠaa kaa lɔ tɔɔni Ną́n Yálá lííla yələkɔlɔn ɉu.

Korɛntə dɔlɔɔ 11:1

'Ká kɛ a bɔ́ɔ́ kɔ́ɔn nuą yɛ bələi gáá Kristə pɔɔ kɔ́ɔn ɉii la.

Filipə 4:8

Yili ɓa, ną́n nonnii, mɛ̨nįi lɔpee a tɛ̨ą, a kaa-lon-naa, ɉaŋąą, bɛliɛ ɉu, nu yɛ pɛli nwɛli la kɛi, diɛ mąąwiɛ, yii kpɔ mɛlɛ kaa mą, yii kpɔ mąątɛ̨nɛ̨ kaa mą, 'ká yili kəlee kɛ, a ká nwɔɔ mąątíi.

Tɛsalonikə dɔlɔɔ 1:6

Ɛlɛɛ, káán, ká ku pɔɔ kɔɔn, kuɔ kwa gu Nąmu ni; káá ká yee hee Yálá laa woo mu, mɔ̨nɔ̨ tamąą hu, a kwəinɛ̨ɛ̨i a həɠə Nįį-Mąąhəɠɛɛ yəi.

Tɛsalonikə dɔlɔɔ 2:10

Ká káá a yili mąą kɛla, ə mą kɛ, Yálá yaa kpɛli yaa kpinįi, káái a laa na nuą, ku túwɔ́ ká ɲɛ̨i mu, mąąhəɠə laa hu, tələnmo laa hu, mąąkulɔi hvo kɛ mą.

Timote dɔlɔɔ 1:14

A tɛ̨ą, gu Ną́mu ŋą ɲɛ̨́imąąwɛlikaa tii, hu ə kɛnɛ̨ bɔ́ pələ, ə mą kɛ, laa na laa da wɛlikɛmąąlaai gaa gu Jesus Kristə hu.

Timote veelɛ 2:15

'Ə́ ŋąąwala, ə́ mąątɛ̨nɛ̨ lɛlɛɛ hɔlɔɓo Yálá ɲəi ɓa, yɛ nui daa mąą mɛ̨nį hukpɛ, yɛ kóló kɛ mun nwumɛ̨ hva tɛ la, yɛ dɛ̨ą woo ŋɛ̨i laa həli kpɔ a ɉaŋąą.

Timote veelɛ 2:22

'Ə́ mąąkwɛa muhəɠə nįnɛ̨ɠaa di wɔ tuwɔ pələ ɲɔ̨nwɔ̨ɔ̨nŋaa diɛ, nuąi da Yálá laa hvɛli a di kwəi kwɛlɛɛ, ká diɛni, 'ká tələnmolaa kwɛli, da laa na laa, da wɛlikɛmąąlaa, ɛlɛɛ da liilaa.

Timote veelɛ 2:7

Mɛ̨nįɠaai tii gáá moi yɛ́, 'gbaɠala kaa. Yii ɓaa gbəliɠaa tii, gu Nąmu kaa pai ɉuponoi yɛ́.

Taitɔ 2:15

Bələ ɓə mąąnɛ̨ɛ̨i ə́ pələ ɓo la, liɛwoo kɛ, ə́ haŋąmąą kɛ a heeɓolaai gaa ə́ yəi. Nu ta ŋɛ̨i hvo tɛɠɛɓo ə́ hu.

Taitɔ 2:7

Yɛ́ kpinįi ə́ kpɔwɔ lɛ ə́ túwɔ́ pələ hu, a kɔɔmąą lɛlɛɛ, kalan gɛ pələ mąąhəɠɛɛ hu, ə́ ɲąąlaa,

Zĩi 3:13

Gbɛɛ ɓə ká lɔwai a kilimąą mun, a nwun gɛ-ɉumun? Mąą nu ə nwɔ kili mɛ̨nį lɛ dúwɔ́ pələ hu, a kpɔɔ mąą yɛɛ laa.

Zĩi 3:17

Kɛlaa, kilii a həɠə yələi pələ, nwɛi, mąąhəɠɛɛi, yili pulu, niilaa, ɉon nɛlɛɛ, yɛ hvaa kpɛɛ, naahvɛɛ a ɲɛ̨imąąwɛli kaa, hva hu yɛɠɛ kɛ, nɛn və na hveelɛ.

Piɛrə dɔlɔɔ 5:3

Nuąi di kalihvaɓoɔ káá, 'ká hvo di hon a heemɛ̨i laa, kɛlaa, di di wɔɔ yɛnɛ̨ɛ̨ kɔɔn ká wɛi kɛ pələ ɓa.