Tɛsalonikə dɔlɔɔ 2:9 - Yálá laawoo hɛɓɛ

⁹ Ną́n nonnii, bələi ku kólo kɛ la, ku hvįi yɛ kpɛɛ, ka kili kaa yili hu; ku kɛli kóló kɛ a kpinį da hvóló, ə gɛ, ku hvo pa kɛ ká ta nwuɔ̨ a tįɛ̨, ɓɛlɔwai ku Yálá ŋą wɛlɛɛ lɛlɛɛ laa həli la káá.

Yálá laawoo hɛɓɛ (dc)

⁹ Ną́n nonnii, bələi ku kólo kɛ la, ku hvįi yɛ kpɛɛ, ka kili kaa yili hu; ku kɛli kóló kɛ a kpinį da hvóló, ə gɛ, ku hvo pa kɛ ká ta nwuɔ̨ a tįɛ̨, ɓɛlɔwai ku Yálá ŋą wɛlɛɛ lɛlɛɛ laa həli la káá.

Bible

⁹ Kpɛ́ni fêi, ŋánûa, kútii da kúmɔ̃lɛi maa-mɛni káa kákili ŋá; ku tíi kɛ̀ a kpini da folo a gɛ́ɛ tãi ku kɛ̀ Ɣâla ŋɔtuŋ lɛ́lɛɛi ƃôi la kâai, kúfe kátà tɔnɔ kpîŋ kpàaŋ.

Tɛsalonikə dɔlɔɔ 2:9 ပူးပေါင်းရင်းမြစ်များ

Tɔɔɓɛlaa veelɛ 6:2

Kuɔ ə́ hvaa mą, kwəli Ɉurdɛn kwɛlɛ, nu kəlee ə wulu hɔlɔɔn dee ku paa la, ku ku hee kələ tɔɔ la.» Elise ə hvaa mą.

Nehemi 5:15

Nɔi ɲąąwooɓo nuą tɔlɔɔ-tɔlɔɔɠaai kɛ dɔ́wɔ, di kɛi too nɔi lonnii mɛ̨i, diɛ kɔ̨nɔ̨n gulɔ di yəi, da lɔɔ, ɛlɛɛ yili pulu diɛ wali kwələ pow nąąn ɉəɠə di yəi. Di yee pɔ nuą kpɛli mąn, di kɛi hee nuą mɛ̨i. Kɛlaa nwɛi, və́ túwɔ́ tii, mąąhɔlɔɓo, ŋį́ ɲɔw Yálá ɓa.

Nehemi 5:18

Hvóló kəlee yee mu, yii ŋį́ kɛi gɛ a nuą kɔ̨nɔ̨n ya ka: Nįŋɛ̨ tɔ̨nɔ̨, ɓɛlaa huwu lɛlɛɛ mɛ̨ida, da tɛɛɠaa; ɛlɛɛ, hvóló pow pow tɛɛ pulu, lɔɔ ə kɛi pa kpɔ kɛnɛ̨, kɛlaa, ə mą kɛ tii, və́ nɔi ɲąąwooɓomun gɔ̨nɔ̨n ɉu hvɛli, mąąhɔlɔɓo, koló kɛnɛ̨ ə kɛ nɔi nuą diɛ.

Mąątɛ̨nɛ̨ 32:4

Mąąhɔlɔɓo, hvóló da kpinį ə́ yee wiaai lɔ kɛ mɛ̨́i, ɲą́mą yɛ kpala ɉú, a hvoló laaɓoɔ hvóló kələn.

Mąątɛ̨nɛ̨ 88:1

Wələ, mąątɛ̨nɛ̨ wələ, hvɛ́li woo; Kore lonnii. Nwələ ɲɛ̨itɔwɔmun. Ɓɛlɔwai Ɛzra mun Heman ə kɛ la ɲɔ̨n ɉaɠa ɓa, nwɔ nu mąąkwɛli woo.

Hanwon 31:18

A gaa yɛ gɛ kólóɠaa pɛliɛ ɉu, ɛlɛɛ, nwɔ labon hva luwun kpinįi.

Ɉeremi 9:1

'Əkə! Gbɛɛ ɓə a gbáán dee kələ tɛɛ pɔ? Nɔi pun ɉu! Ə gɛ, ŋį́ kulɔ nwɔ́ nuą lɔwai, ŋį́ li ŋį́ mą́ą́kilɛ di yəi kwɛa la. Di kəlee di kaa a wɛli hon nuą, a ɲaba lɔ nuą.

Lukə 18:7

A kɛ tii, Yálá hvo moɔ pai niiɓa nuą mąą hutɔɔi, a diɛi tii di kilitɔɔi mą; diɛ tómą bɔ pələ a hvóló da kpinį?

Lukə 2:37

Yili pulu, ə too galanən naa hu, ɛlɛɛ la ɉu, gaa kwɛlan ə kɛ pow mɛ̨ihaaɓa kɔ́w nąąn ə kɛi lɔ pa Yálá hee pɛlɛ́ mu a hvóló kəlee yɛ hin, nɔ yɛ Yálá hvɛli.

Gɛlaɠaa 18:3

Ɛlɛɛ, da Polə ni di kɛ kóló ə kɛ tanɔ̨n, di kɛ a həɠə-pɛlɛ́ pala nuą. Polə ə lɛɛ yiliɠaai pɔɔli da yaa diɛ kólo kɛ gee ɓa.

Gɛlaɠaa 20:24

Nwɔ́ kɛ yɛnɛ̨ɛ̨ hvəə gánąnŋąą mą kpɛli tíikpə, yiimun gánąnŋąą mą, ya ɓaa: gólói gu Ną́mu Jesus ə dɔ́ɔ́ mą, ŋį́ gɛ, ŋį́ naakulɔ. Góloi ti ɓaa: Ŋą́ Yálá nwɔ mɛ̨inɛ̨ɛ̨ mąą wəlɛɛ lɛlɛɛ mąą kɛlahvaaɓo.

Gɛlaɠaa 20:31

Ka ka kili lɛɛ ɉu kaa diɛ kwɛlan ɉaaɓa kuu mu, hvóló da kpinį ŋį́ kɛi ka kili pu mɛ̨nįɠaa hu, gɛ da kɛ kpɔ a ɲɛ̨iyá wɔlɔ.

Lomaŋ 1:1

Ɲą́ą́ Polə, gáá a Jesus Kristə ŋą tímun, yai Yálá ə dəli ə gɛ a nwɛlɛɛ lɛlɛɛ mąą kɛla.

Lomaŋ 15:16

Ə gɛ ŋį́ kɛ a Jesus Kristə ŋą tímun, huwu takpɛliɠaa mąą mɛ̨nį ɓa. Daa ɉə́ɠə ɉu, Yálá nwɔ wɛlɛɛ lɛlɛɛi laa həli mɛ̨nį ɓa, ə gɛ, huwu takpɛliɠaa diɛ pɛli kɛi a haláá hɛn Nįį-Mąąhəɠɛɛ aa mąą həɠə, yɛ nɛ̨ɛ̨ Yálá ɓa.

Lomaŋ 15:19

a kpalo mɛ̨nį da kwɛlɛɛn mɛ̨nį nwɔ huwalawalalaa, a Nįį-Mąąhəɠɛɛ hvaŋą. Yili ɓa, ə həɠə kpɔ Ɉerusalɛmə, ə tɛɛ Iliri pələ, ŋą́ Kristə nwɔ wɛlɛɛ lɛlɛɛ laa həli kpɔ nąą kəlee.

Korɛntə dɔlɔɔ 4:12

kwa kólo kɛ a ku kpɔwɔ yee ə gɛ, ku kɔ̨nɔ̨n ɉɔlɔɓo. Da ku lalan, kuɔ lúwɔ́ too, da ku mɔ̨nɔ̨ɓo, kuɔ ku liikpələ.

Korɛntə dɔlɔɔ 9:15

Kɛlaa nwɛ́i, bələi mąn mąą laa ə kɛ la ɲə́i, və́ yili ta kɛ li, və́ nwɔ̨nɔ̨ ɉɛɓɛ́i ŋɛ̨i pɛ̨ɛ̨i, gɛ́ di huhvɛli la káá. Ŋą́ mą haa! Nu ta hva pɛli dɔ́ɔ́i ti həɠəi!

Korɛntə dɔlɔɔ 9:18

Və́la ɓaa kan a lə? Və́la ɓaa, nwɛlɛɛ lɛlɛɛi gáá naa həli, ŋį́ gɛ a mɛ̨inɛ̨ɛ̨, ə mą kɛ yii mąąnɛ̨ɛ̨ kɛ ŋą́ ɉɔlɔɓo nwɛlɛɛ lɛlɛɛ laa həliɛ hu, və́ Ɉɔlɔɓo li.

Korɛntə dɔlɔɔ 9:4

Kuɔ kpɛli, ku hva mɔ̨ɔ̨ pɛli ku kɔ̨nɔ̨n ɉɔlɔɓoi, ku hvo ku kpələ?

Korɛntə veelɛ 11:27

Hvįikpɛɛ da mɔ̨nɔ̨, yíi kpəlin damąą, pulu, kwaną kpala, hín nɔɔ tamąą, kwɛ́lɛ́, da tənə;

Korɛntə veelɛ 11:9

Ɛlɛɛ, ɓɛlɔwai ŋį́ kɛ la ka pɔɔli, kpaan a hee kɛ mą́ą́, və́ kɛ laa li nu ta nwuɔ̨ a tiɛ̨, mɛ̨nį ta hu; mąąhɔlɔɓo, hɛn kpɔ mąą kanąn ə kɛ mą́ą́, gu nąn nonnii kɛi həɠə Masedoanə lɔi hu, di pa a gəlee bɔ́. Ɛlɛɛ, mɛ̨nį kəlee hu ŋą́ gbɔ́wɔ́ hu hon, və́ laa ká nwuɔ̨ a tiɛ̨ mɛ̨nį lɔpee ta hu, bələ lɔ ɓə gáá pai lɛɛi la.

Korɛntə veelɛ 6:5

kɛlɛ ɓo hu, gaho hu, diɛ nuą ɲąątɔɔ kuɔ, hvįikpɛɛlaa hu, yíikpəlin ɉu, pulu hu,

Filipə 4:16

Ə mą kɛ, ɓɛlɔwai ŋį́ kɛ la Tesalonikə, káá lɔ ɓə kpɔnmąą tɛɛ bɔ́ geemɛ̨i tamąą.

Tɛsalonikə dɔlɔɔ 1:3

bələi ká wɔ laa na laa pɔ túwɔ́ pələ kaa la, ká wɔ wɛlikɛmąą laa, ɛlɛɛ, bələi ká wɔ kilitɔɔmąą laa walawalaai la, diɛi da həɠə gu Nąmu Jesus Kristə pɔ, Yálá ɲɛ̨i ɓa, yiliɠaa kili kaa ku ɲą;

Tɛsalonikə dɔlɔɔ 2:2

Kɛlaa, ya ka, di ku mɔ̨nɔ̨ ɓo, diɛ ku lalan Filipə, yɛ bələi ká gbaɠala kɔlɔn na, ku kilitɔɔmąą laa hɔlɔɓo gu wɔ Yálá yəi, yaan, hvo kɛli kɛ, ku nwɛlɛɛ lɛlɛɛ laa həli, ká mąą mɛ̨nį ɓa, kɔ tamąą hu.

Tɛsalonikə dɔlɔɔ 2:6

Ɛlɛɛ, ku hvo ku mąątɛ̨nɛ̨i kwɛlii, ə kɛ ká yəi, ə kɛ a nu takpɛli yəi.

Tɛsalonikə dɔlɔɔ 3:10

Kpini pɛlɛɛ hvóló ɓa, kwa Yálá hvɛli a hɔlɔmąą laa, kuɔ ku pɛli ku ɲɛ̨i tɔɔi káá, ɛlɛɛ, ku ká wɔ laa na laa laa kulɔ.

Timote dɔlɔɔ 1:11

Nu mąąkwɛli woo tii a kulɔ nwɛlɛɛ lɛlɛɛ hu, yai a gɛ guɔ pɛli Yálá ŋą mąąwiɛlaa kɔlɔn ɉii la, a Yaa tii gaa gu wɔɔ mɛ̨nį lɛlɛɛ pɔi, ya ɓə yili kalihvaɓo mą́ą́.

Timote dɔlɔɔ 4:10

Gbala ə tɔɔ, akɛ gu kaa mɔ̨nɔ̨ mįi, ɛlɛɛ, guɔ kɔ́, gu kili ɓə gu dɔɔ Yálá hvúlúmąą ɓa, yai a nu kanŋaa kəlee ɓalomun, gəlee ə mą kɛ, laa na nuą.

Timote dɔlɔɔ 5:5

Yii ɓaa nɛ̨ɛ̨nui gaa kpɔ a galanin a neelee, nu hvo ɲəi, aa gilitɔɔ Yálá ɓa, ɛlɛɛ, yɛ Yálá hvɛli, yɛ mąąnɛ̨ɛ̨ a kpinį da hvóló.

Timote veelɛ 1:3

Yálá ŋɛ̨i gáá tíi mą, a gwə́i kwɛlɛɛ, vílɛnŋąą gáláɓɔlɔni pɔɔ ɲą, ŋą́ nwɔɔ mɛ̨inɛ̨ɛ̨ɠaa hukɔlɔn gbɔ kɛnɛ̨, ɉú pələ, ɓɛlɔwai lɔpee, ə kɛ a kpinį, ə kɛ a hvóló, nwɔ́ Yálá hvɛli pələ kəlee, ŋą́ ə́ laa too ɉu.