Samuɛlə dɔlɔɔ 7:9 - Yálá laawoo hɛɓɛ

⁹ Samuɛlə ə ɓɛlaa lon ɉəɠə, naa ə ɓo nii ɲįnį ɓa, ə gələn a gbuwulu, a kwəli hvilɛn ŋąą Yai-Laa ɓa. Samuɛlə ə tomą Yai-Laa bɔ pələ a Israɛlə maa nɛ̨ɛ̨mąą hvə pələ, Yai-Laa ə nwoo mu hon.

Yálá laawoo hɛɓɛ (dc)

⁹ Samuɛlə ə ɓɛlaa lon ɉəɠə, naa ə ɓo nii ɲįnį ɓa, ə gələn a gbuwulu, a kwəli hvilɛn ŋąą Yai-Laa ɓa. Samuɛlə ə tomą Yai-Laa bɔ pələ a Israɛlə maa nɛ̨ɛ̨mąą hvə pələ, Yai-Laa ə nwoo mu hon.

Bible

⁹ Nya ƃe Samia è ƃála-loŋ sìɣe é gula Ǹuu-namui ma a kéreŋ sala. Ǹuu-namui è ǹyée sèe ŋɔɣâla fɛli wooi mu.

Samuɛlə dɔlɔɔ 7:9 ပူးပေါင်းရင်းမြစ်များ

Mąątɛ̨nɛ̨ 50:15

Ɛlɛɛ, ɲələi yá kɛ la kanąn ɉu, də́li, ŋą́ ə́ kulɔ ɉu, ə gɛ ə́ mą́ą́wiɛ.

Mąątɛ̨nɛ̨ 99:6

Moisə da Aarɔn di kɛ nwɔ haláái kulɔ nuą lɔwai, ɛlɛɛ Samuɛlə ə ɓo nuąi kɛi naa təli di pɔ, di kəlee di kɛi wɔlɔ Yai-Laa ɓa, yɛ di woo mu hon.

Ɉeremi 15:1

Yai-Laa yɛ mą́ą́: Ə mą kɛ Moisə da Samuɛlə daa tɔɔ nííla, nwɔ́ kiliŋąhiɛ hva kɛa hvilɛn nuą ŋɛ̨i diɛ a nɛlɛɛ. Ka di kpɛ di həɠə nííla, də li!

Levetekɔ 22:27

«Taatɛlɛɛ ta a gaa, ə kɛ a nįŋɛ̨ lon, ə kɛ a ɓɛlaa lon a wala kɛ tii, ɓooli lon; a lɛɛ nee ɓa, ə hvóló mɛ̨ihveelɛ kɛ. A kɛ tii, da pɛli di naa həli Yai-Laa ɓa a haláá; da pɛli di yee heei mu.

Dutɛrɔnome 9:26

Ŋą́ Yai-Laa hvɛli, gɛ́ kɛ mą: «Yai-Laa hɛn gəlee Nąmu, hvó kɛ ə́ kaa ə́ wɔ nu huwui pui; ə́ kwɛlin maa a diɛ, yɛ́ ɓə di nwun mąąɓo a ə wɔ yee walawala laa, ə́ gulɔ Eziptə lɔi hu a ə́ wɔ hvaŋą kɛnɛ̨i.

Zĩi 5:16

'Ká hvaa ka wɔ nɛ̨ŋɛ̨nŋaa ɓa ká kee ɲɛ̨i ɓa, 'ká Yálá hvɛli ká kee ɓa, ə gɛ, ká kɔ́lɔi ə pono. Tələnmomun ŋą hvɛli woo kaa a ɲɔ̨n ɉali walawala.

Nwun mąąɓo 6:26

Yili pulu, ɲee kpu kpui tii ton na, ə́ haláá kulɔi pɛli laa Yai-Laa ɓa, yai a ə́ wɔ Yálá. Ə́ nįŋɛ̨ hilɛi tii həɠə, ə́ gulɔ Yai-Laa ɓa a haláái da gəlee kələn, nwului tii di kɛi gɔ́, ə́ ɉu tee, ə́ gɛ a ɉaláá kwɛi.»

Nwun mąąɓo 6:28

Yələ wala pɔ, daa nuą di di ɲįnąąɓo, di gaa, daa Baalə kɔ́i kala, nwului kɛ nąą kwɛlɛ, daa gəlee kulɔ, ɉaláá kulɔi nįnɛ̨i tii di bɛli, daa nįŋɛ̨ lon gulɔ laa a haláái da gəlee kələn.

Samuɛlə dɔlɔɔ 10:8

Ə́ kaa pai lii Gilgalə dɔ́wɔ, nwɛ́i, gáá pai pai, ə gɛ, ŋą́ liilaa haláá kulɔ Yálá ɓa, da haláá yii da gəlee kələn. Mą́ą́kpɔn naa hvóló mɛ̨ihveelɛ yee mu, ə lɛɛ la ɉu, ŋą́ pa ŋą́ ə́ kaa laa. Mɛ̨nįi mąąnɛ̨ɛ̨ ə́ gɛ, nąąlɔwai ɓə ŋą́ nɛ la yɛ́.»

Samuɛlə dɔlɔɔ 12:17

Kɛlɛi mɔ̨nun deei lɔwai ka kɛa-e, gáá Yai-Laa hvɛlii, yələgbąnąą tulɔ ə pu, mɛ̨nį ɲɔ̨nwɔ̨ɔ̨i ka gɛ, ka a gɛnɛ̨ pələ kaa, gɛ mɛ̨nį ka tɔɔmun vɛli yɛ hee ka nwun mɛ̨i.»

Samuɛlə dɔlɔɔ 16:2

Samuɛlə yɛ mą: «Ŋą́ li pələ kɛ ləi? Saulə a bələ mɛ̨n, gaa pai báái.» Yai-Laa yɛ mą: «Nįŋɛ̨ kpɛla həɠə ə́ li la, yɛ́ diɛ: ‹Ŋą́ pa haláá kulɔi Yai-Laa ɓa.›

Samuɛlə dɔlɔɔ 2:35

Yili pulu, gáá pai nwɔ́ hala laahəli mun nɛlɛɛ həɠəi, gaa pai túwɔ́i a nííɓa, yɛ bələi gáá la bɔ. Gáá pai pɛlɛ́ tɔɔi mą, vilɛn ŋąą kpilin, gaa pai kɛi hiɛi a yələ kəlee nwɔ́ nui ŋɛ̨i ŋą́ mąątí a dɔɔ wulɔ, nií la.

Samuɛlə dɔlɔɔ 7:17

Yili pulu, ə kɛi pənə yɛ pa Rama, naa ɓə ɉeɛ ə kɛ laa, naa ɓə ə kɛi Israɛlə ɲąąwooɓo laa, ə haláá kulɔi pɛli laa Yai-Laa ɓa.

Samuɛlə dɔlɔɔ 9:12

Yiliɠaa diɛ mą: «Ee! Lɛɛ lɔ ə́ ɲɛ̨i tɔwɔ ə́ li, kɛlaa, ə́ mąąhulɔ ə́ li, mąąhɔlɔɓo, ə pa taai háákələi, gbala ə tɔɔ, taa haláá kulɔ mɛ̨nį kaa laa ɉaláá kulɔi.