Samuɛlə dɔlɔɔ 7:4 - Yálá laawoo hɛɓɛ

⁴ Israɛlə nuą di di yee kulɔ ɉaliɠaa ŋɛ̨i a Baalə da Astarteɠaa di hu, diɛ kóló kɛ Yai-Laa ɓa, diɛ di kiliŋąhiɛ ma.

Yálá laawoo hɛɓɛ (dc)

⁴ Israɛlə nuą di di yee kulɔ ɉaliɠaa ŋɛ̨i a Baalə da Astarteɠaa di hu, diɛ kóló kɛ Yai-Laa ɓa, diɛ di kiliŋąhiɛ ma.

Bible

⁴ Nya ƃe Eezuɛ-ƃelai dí dípôlu tɔ̀ɔ Bêe da Atarɔ ɣala-ŋai dîa dí tínaŋ Ǹuu-namui pɔ́-naa pere díkɛ vɛ̀li ǹyaa tɔnɔ.

Samuɛlə dɔlɔɔ 7:4 ပူးပေါင်းရင်းမြစ်များ

Tɔɔɓɛlaa dɔlɔɔ 11:33

Daa nɛ́ɛ́ laa, diɛ pɛlɛ Astarte lííla, yai gaa a Sidɔn nuą di wɔ hali nɛ̨ɛ̨nu, da Kemɔsə Moabə nuą di wɔ hali, da Milkomə Amɔn lonnii di wɔ hali. Di hvo hiɛ li nwɔ́ pələɠaai mɛ̨i, mɛ̨nįi ɉaŋąą ɲɛ̨́i ɓa, di hvo gɛ li. Di hvo hvilɛn ni nwɔ́ tiɓoɠaa pulu, yɛ bələi di nąn Davidə ə gɛ la.

Tɔɔɓɛlaa dɔlɔɔ 11:5

Salomɔn ə hvilɛn Astarte pulu, yai kɛ a Sidɔn nuą di wɔ hali, da Milkomə, yai kɛ a Amɔn lɔi hu nuą di wɔ ɓɛlɛkpɛɛmąą halii.

Tɔɔɓɛlaa dɔlɔɔ 8:48

Da pənə da pa ə́ pɔ di kwəi tɔ̨nɔ̨ mɛ̨i, a di lii kəlee, nɔi tii di yowoɠaa di li a diɛ ɉu, da kɛi ə́ hvɛli di ɲɛ̨i tinɛ̨n ŋąą di wɔ lɔi pɔ pələ, yai wɔlɔ ə́ dɛɛ di nąnni pɔi, da daai ə́ ɉəɠə ɉu bɔ pələ, da bɛlɛ́i ŋą́ dɔɔ ə́ laa ɓa, bɔ pələ,

Tɔɔɓɛlaa veelɛ 23:15

Ɉaláá kulɔi yii Nevatə lon Ɉeroboamə ə dɔɔ Betɛlə, yɛ Israɛlə lonnii yee lɔ la nɛ̨ŋɛ̨n ɉu, Ɉosiasə ə nąą wolo; ə nwɔ̨n nɔ ɉaláá kulɔi tii ɓa, ə nąą taɠa; nwului ŋɛ̨i di dɔɔ laa diɛ ɉaláá kulɔ mu, ə nwului tii pili nwɔ̨n ɉu; nąą ə lɛɛ a muluun gbala.

Osia 14:3

'Ka woo lɔ ka la, 'ka pənə ka pa Yai-Laa pɔ, 'ka kɛ mą: «Ku ɲɛ̨imąąwɛli kaa, ə́ ə́ yee hee ku mu, nɛ̨ŋɛ̨n gəlee kulɔ kuɔ; nįŋɛ̨ hilɛɠaa hvə ku kaa pai gulɔi yɛ a haláá, Kɛlaa nwooɠaai lɔ da kulɔ ku la diɛ lɔ ɓə.

Osia 14:8

Nuąi kɛi hee nįnįn mu, di kaa pai yalii di pulu diɛ pa, mɔ̨nin yɛ pənə yɛ lɛlɛ diɛ, diɛ powa yɛ viɲə wulu, di laa a tɛ yɛ Liban lɔɔ.

Nwun mąąɓo 2:11

Mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa, ya ɓə Israɛlə lonnii di di yee lɔ ɉu, di kwɛli hvilɛn Baalə haliɠaa diɛ.

Nwun mąąɓo 2:13

Di lɛ̨ą Yai-Laa ɓa, diɛ kɛa kwɛli hvilɛn Baalə ɓa da hali Astarteɠaa.

Samuɛlə dɔlɔɔ 7:3

Samuɛlə yɛ Israɛlə nuą diɛ: «Akɛ ka káá pai Yai-Laa pɔ a ka lii kəlee, ka ká yee kulɔ ɉaliɠaa tii hu, ka gulɔ ka lɔwai, da ɉaliɠaa ŋɛ̨i a Astarteɠaa; ka ká kilitɔɔ Yai-La ɓa, ka kóló kɛ mą yaa tɔ̨nɔ̨, gaa ka kulɔi Filisti nuą yəi.»

Samuɛlə dɔlɔɔ 7:5

Samuɛlə yɛ diɛ: «Israɛlə nuą, ka kəlee ka ká ŋąąkpɔn Mispa daai, ŋą́ ka mąąnɛ̨ɛ̨ maa hvə Yai-Laa ɓa.»