Piɛrə dɔlɔɔ 4:6 - Yálá laawoo hɛɓɛ

⁶ Yili mąą mɛ̨nį ɓə gɛ, diɛi tii a haa nuą nwɛlɛɛ lɛlɛɛ laa ə həli diɛ, əgɛ, nu kanŋaa di di kiti tee di kɔlɔ hu pələ, ɛlɛɛ, di yɛnɛ̨ɛ̨ kɛ Nįį-Mąąhəɠɛɛ háálai, Yálá pɔ pələ.

Yálá laawoo hɛɓɛ (dc)

⁶ Yili mąą mɛ̨nį ɓə gɛ, diɛi tii a haa nuą nwɛlɛɛ lɛlɛɛ laa ə həli diɛ, əgɛ, nu kanŋaa di di kiti tee di kɔlɔ hu pələ, ɛlɛɛ, di yɛnɛ̨ɛ̨ kɛ Kili-Mąąhəɠɛɛ háálai, Yálá pɔ pələ.

Bible

⁶ Kpɛ́ni fêi, mɛni ŋí ƃe dí Duŋ Lɛ́lɛɛi ƃò la máŋ zaa-ƃelai dîa a gɛɛ berei máŋ dímɛnii ŋá téɛɛ̂i la díkponôi sú yɛ̂ɛ núu-kpunei, dí kɛ́ dímɔ̂leŋ su yɛ̂ɛ Ɣâla.

Piɛrə dɔlɔɔ 4:6 ပူးပေါင်းရင်းမြစ်များ

Maafîu 24:9

«Yili pulu, nuą kaa pai kɛi ka hon ɉi diɛ ka kɛlɛ, diɛ ka taɠaa paa. Ka wɛli kaa pai kpɛɛi nu kəlee ɓa, ɲą́ą́ náá mąą mɛ̨nį ɓa.

Lomaŋ 8:2

Mąąhɔlɔɓo, Nįį nwɔ tɔ́n a yɛnɛ̨ɛ̨ tɛɛ nu pɔ Jesus Kristə hu, aa nwún mąąɓo nɛ̨ŋɛ̨n da haa di yəi.

Galatə 2:19

Hvo gaai, nwɛ́i, ŋą́ą́ haa dɔn bɔ pələ, ə gɛ ŋą́ yɛnɛ̨ɛ̨ kɛ Yálá pɔ pələ. Kwa Kristə ɓə haa kolɔwa ɓa;

Galatə 5:25

Akɛ gu kaa yɛnɛ̨ɛ̨ kɛi Nįį-Mąąhəɠɛɛ yee kɔnma, 'ká gu nɛɛ laa, ə gu tənən dɔɔ.

Piɛrə dɔlɔɔ 1:12

Di nɛ diɛ, diɛ mą, di wɔɔ hvəli kɛ, kɛlaa ká mąą mɛ̨nį ɓə, di kɛli nwɛlɛɛ tii laa həli la, a yai yiihu kɛa, nwɛlɛɛ lɛlɛɛ laa həli nuą da kɛ ká mąąkwɛlii mą, Nįį-Mąąhəɠɛɛ yee kɔnma, yai di dɔɔ yɛ həɠə yələi nwɛlɛɛ lɛlɛɛ tii ɓə, malakaɠaa kaa kɛ bɔ, di di ɲɛ̨i tɔɔ ɉu.

Piɛrə dɔlɔɔ 3:18

Hvó gaai, Kristə kpinįi, yaa tii a tələnmomun, ə mɔ̨nɔ̨ mįi nɛ̨ŋɛ̨nŋaa mąą mɛ̨nį ɓa, lɔ tanɔ̨n gbən, nuąi di hvo tələnmo li, di mąą mɛ̨nį ɓa, ə gɛ, ə ká mąą lɛɠɛ Yálá ɓa, yai di gɔlɔ paa, kɛlaa, Nįį-Mąąhəɠɛɛ ə gɛ a vulú.

Piɛrə dɔlɔɔ 3:19

Yaa tii ɓə li, ə nwɛlɛɛ lɛlɛɛ laa həli nįįɠaai kɛ gaho ŋą diɛ,

M̀ɛni-lɛɛi 14:18

Yili pulu, malaka takpɛli ə həɠə, ɉaláá kulɔi. Ə kɛli nwɔ̨n ɲąąwooɓo, ɛlɛɛ, ə tomą kpɔ a nwoo kɛnɛ̨ɛ̨, nui tii mɔ̨nunu-dee ɓowa ɲąąliɛ ə kɛ ɲəi, bɔ pələ, yɛ mą: «'Yɛ́ mɔ̨nun-dee ɓowa ɲąąliɛi pili ə́ yee mɛ̨i, ə́ lɔi mɛ̨i viɲəɠaa ɓá kulɔ la, hvo gaai, daa kpɔlu.»