Zûu 1:8 - Yálá laawoo hɛɓɛ (dc)

⁸ Bələ kpɔlɔ ɓə nɛɛ kalan gɛ nuą tii da gɛ la diɛ kpɛli. Da kɛ nɛ̨ŋɛ̨n ɉəɠəi di kpɔwɔ ɓa di wɔ kɛɛ kaa hu, diɛ Yálá ɓɛlɛkpɛɛ mą, ɛlɛɛ, diɛ woo ɲɔ̨nŋąą mo a Yálá nwɔ pɛli hɛnŋąą laa diɛi di kaa yələi.

Yálá laawoo hɛɓɛ

⁸ Bələ kpɔlɔ ɓə nɛɛ kalan gɛ nuą tii da gɛ la diɛ kpɛli. Da kɛ nɛ̨ŋɛ̨n ɉəɠəi di kpɔwɔ ɓa di wɔ kɛɛ kaa hu, diɛ Yálá ɓɛlɛkpɛɛ mą, ɛlɛɛ, diɛ woo ɲɔ̨nŋąą mo a Yálá nwɔ pɛli hɛnŋąą laa diɛi di kaa yələi.

Bible

⁸ Kɛ́lɛ, é máŋ kɛ́ tí, bere-sii tɔnɔi ŋí su, ǹûai ŋí máŋ da núu kpono kara díkili-ŋa-sia nyɔ́mɔɔi su. Dífa díwoli tɔ̀ɔ ǹúu-tuɛ-ƃelai dîa, díkɛ lóno nyɔ́mɔɔ kɛ̀ gɛ́ pîlaŋ Kôrai ŋɔfólo-laai ma.

Zûu 1:8 ပူးပေါင်းရင်းမြစ်များ

Zɛnɛse 3:5

Kɛlaa, Yálá kili kaa ɉu, yɛ diɛ: Yələi ka da mį́i la, ka mɛ̨nį kəlee mąąkpɛɛ a nɛlɛɛ, ɛlɛɛ, ka kɛ yɛ yaa, kaa pɛli mɛ̨nį lɛlɛɛ da mɛ̨nį ɲɔ̨nwɔ̨ɔ̨ di kulɔ nɔwai kɔ́lɔn ɉi.»

Lɛɛ gbɔwɔ ɓa 22:28

«‹Ə́ wɔ hihɛnŋąąi da pɔlɔ, ya da ya kulɔ, hvo dɛɛ haliɠaa pɔ, akɛ ɲą́ą́ hvəi. Ya ə́ lon ɉulɔnu dɔlɔɔ tɛɛ bɔ́.

Hanwon 30:11

Nu taɠaa kaa laa, diɛ di nąn nɛ̨ŋɛ̨n naa, ɛlɛɛ, di hva lúwɔ́ too di kaa lee ɓa.

Hanwon 30:17

Ɲɛ̨ikɔw yii a yɛlɛ kulɔ nąn ɉu, yɛ gaa lee kaa a tɛɠɛ ɓo ɉulaa, goą-goąɠaa da nwolo, kuwɔ́ɠaa di gbələ.

Ikilisiati 10:20

'Hvó kɛ ə́ kaa tɔɔmun nwɔ tɔɔlaa mąąkulɔi, ə mą kpɛli kɛ ə́ tɔ̨nɔ̨ kɛɛnąą. 'Hvó kɛ ə́ kaa hɛn gɔw nąmu laa ɲɔ̨nwɔ̨ɔ̨ ɓoi, ə́ mą kpɛli kɛ ə́ laa ə́ yəi bɛlɛ́n gbin ɲą. Mąąhɔlɔɓo, nu pɔɔ ɓaa a pələ, ə́ pɔɔ hvaa a gɛlɛ.

Lonon mo 16:3

Di hvaa pɛlɛ Moisə da Aarɔn diɛ, diɛ kɛ diɛ: «Ka káá kɛa ka yee ɓɔi ɉu, nɔi lonnii kəlee mąąhəɠɛɛ ɓə, ɛlɛɛ, Yai-Laa kaa di lɔwai, lə laa hu ɓə ka káá ka nwun dɛi la Yai-Laa nwɔ nu kpului mɛ̨i?»

Lukə 11:25

A pənə a pa, a gɛɛnąą tii kaa yɛ, pɛlɛ yii gaa a vowolo, mu kəlɛɛ, nąą pɛliɛ a nɛlɛɛ.

Lukə 12:11

«Ɓɛlɔwai da ka hon na diɛ li a kaa ka kiti tee mɛ̨nį ɓa, di wɔ Yálá hvɛli pɛlɛ́ɠaa mu, a wala kɛ tii, ɲɛ̨itɔwɔ nuą lííla, da nwun nąmįną, ka hvo ka lii hɛlɛn a ka mąąkɔ̨nwɔ̨ woo, awala kɛ tii, yii mąąnɛ̨ɛ̨ ka mo.

Lukə 19:14

Kɛlaa, nwɛli hvo kɛ nwɔ lɔi hu nuą diɛ; di kɛla tɔɔ bulu, diɛ mą: ‹Ku hvo bɔ ɉulɔnui ŋɛ̨i ŋą tɔɔlaa pɔ.›

Gɛlaɠaa 23:5

Polə ə di woo ŋąapənə yɛ diɛ: «Ną́n nonnii, gíli hvo ti kɛ ɉu, gɛ́ kɛ diɛ: ɉaláá laa həli mun gɛnɛ̨ li. Mąąhɔlɔɓo, bɛ̨ɛ̨i, diɛ: 'Hvó ə́ wɔ lɔi ɲąąwooɓomun nɛ̨ŋɛ̨n naa.»

Gɛlaɠaa 7:27

Kɛlaa, nui ŋɛ̨i kɛ mɛlan mɔ̨nɔ̨, ə Moisə woo hutoo, yɛ mą: Gbɛɛ ɓə ə́ kɛ a ku nwun nąmu da ku kiti tee mun?

Gɛlaɠaa 7:39

«Kɛlaa, gu nąnni di hvo gɛ, di hvo lɛɛ nwoo pulu, di lənə nwooi ti ɓa, a di pənə kilii kɛ diɛ, diɛ kɛ də li Eziptə lɔi hu.

Korɛntə dɔlɔɔ 3:17

Nui a Yálá hee pɛlɛ́ kala, Yálá yaa kpɛli a mąą nu kala. Mąąhɔlɔɓo, Yálá hee pɛlɛ́ mąąhəɠɛɛi, ɛlɛɛ, Yálá hee pɛlɛ́ tii, káá ɓə.

Tɛsalonikə dɔlɔɔ 4:8

Yili ɓa, nui a ɲee kulɔ niɛwoo ŋɛ̨i mui, hvo ɲee kulɔ li nu ta mu, Yálá ɓə aa ɲee kulɔ mu, yai ŋą Kili-Mąąhəɠɛɛ tɛɛ ká pɔi.

Timote dɔlɔɔ 1:10

wɛlikɛ nuą, nuąi da laa a di keeni, luwɔ lɔwɔtɔɔ nuą, lɛɛ kɛ nuą, nuąi da di kwɛla a lɛɛ, da nuąi kpɔ da kɔ pɛlɛ laa na laa mąąhəɠɛɛ ɓa, diɛ ɓə tɔn ɉeɛi di mɛ̨i.

Hebreu 13:17

Nuąi da kɛ ká mąąkwɛlii, 'ká lɛɛ di woo mu, ɛlɛɛ, ká ká kpɔwɔ lɛɛ di yəi. Mąąhɔlɔɓo, diɛ ɓə da kɛ ka nįiɠaa mɛ̨ikaai, ɛlɛɛ, diɛ ɓə pai yili gwɛlan mo kɛi Yálá ɓa. Ká gɛ tii, da di kɛ-kólói tii a kwəinɛ̨ɛ̨, hva kɛ a lííholi, yili dɔlɔ lɔpee hva kɛ mą ká yəi.

Piɛrə dɔlɔɔ 2:17

'Ká nu kəlee ɓɛlɛ kɛ mą, 'ká ká nąn nonnii wɛlilakɛ. 'Ká ɲɔw Yálá ɓa, 'ká tɔɔmun mɛlɛ kɛ mą.