Zûu 1:7 - Yálá laawoo hɛɓɛ (dc)

⁷ Yii ɓaa Sodomə da Gomorə da di kwɛlɛ taaɠaa, diɛi wɔlɔ kɛi túwɔ́ pələ ɲɔ̨n gulɔ gee pɔ. Diɛ wɛli ɲɔ̨nwɔ̨ɔ̨ kɛ a diɛ gee, hinąą diɛ láá a di gee, diɛ láá a huwɔɠaa. Nuą tii kaa háákələi nwɔ̨n ɉu yii hva luwun. Mɔ̨nɔ̨i tii di kaa mįi, yili kaa a mɛ̨nį kɔ́ɔn mąą da kili lɛɛ ɉu nu kəlee mąą mɛ̨nį ɓa.

Yálá laawoo hɛɓɛ

⁷ Yii ɓaa Sodomə da Gomorə da di kwɛlɛ taaɠaa, diɛi wɔlɔ kɛi túwɔ́ pələ ɲɔ̨n gulɔ gee pɔ. Diɛ wɛli ɲɔ̨nwɔ̨ɔ̨ kɛ a diɛ gee, hinąą diɛ láá a di gee, diɛ láá a huwɔɠaa. Nuą tii kaa háákələi nwɔ̨n ɉu yii hva luwun. Mɔ̨nɔ̨i tii di kaa mįi, yili kaa a mɛ̨nį kɔ́ɔn mąą da kili lɛɛ ɉu nu kəlee mąą mɛ̨nį ɓa.

Bible

⁷ Berei nɔ́ ƃe Sodɔŋ da Gomora da nàa kɔlɛ ma-taa-ŋai su-ƃelai dí tùa la máŋ a wulu-wulu kɛ́ pere dí díkpîŋ kɛ́ a tua-pere-nyɔŋ maa-sɛŋ wɛliɛ-ƃelai dai, ǹyaŋ díkaa a mɛni-kɔɔŋ-maa a tɔŋ-kpɛ́-maa sɔlɔ-ƃoɔɔ a wɔlɔ-wɔlɔ-ŋɔŋ.

Zûu 1:7 ပူးပေါင်းရင်းမြစ်များ

Zɛnɛse 13:13

Sodomə taai tii hu nuą di kɛi túwɔ́ pələ ɲɔ̨n gɛ, diɛ Yai-Laa lii kələn gwəi.

Zɛnɛse 18:20

Yai-Laa ə mo Abrahamə ɓa, yɛ mą: «Sodomə taa da Gomorə taa hu nuą kɛ nɛ̨ŋɛ̨n gun aa tɛ aa həli mą́ą́, di wɔ túwɔ́ pələ ɲɔ̨n ɉu a wiɛ.

Zɛnɛse 19:5

Diɛ Lɔtə təli, diɛ kɛ mą: «Lɔtə, nwɛ̨ąąi ŋɛ̨i pa ɓɛ ə́ pɔ ɲələwulii hu, di kaa mį? Di kulɔ ɓɛ pələ ɲɛnɛ̨ɛ̨, ku kaa bɔ ku ku liiɓa mɛ̨nį kɛ a diɛ.»

Tɔɔɓɛlaa dɔlɔɔ 22:46

Ɉosafatə kɛ mɛ̨nįɠaa, guláá laai ə gɛ, da pələi ə kɔ́ kɔ́ la, mɛ̨nįɠaa tii di hvo mɔ̨ɔ̨ pɛ̨ɛ̨ li Ɉuda tɔɔɓɛlaa kɛ mɛ̨nį hɛɓɛ́ hu?

Azaya 1:9

Akɛ kɛ, Yai-Laa Mɛ̨nį Kəlee ŋą Hééɓomun, hvo ku kpəli wolo lɛɛ kɛ, yɛ kwəli kɛ yɛ, Sodomə, ku mąą mɛ̨nį ə kɛ yɛ Gomorə.

Azaya 13:19

Babilonə, lɔi ɲɛ̨ilon! Yai a Kalde nuą ɲɛ̨i pɔ̨nɔ̨ hɛn, gaa pai kɛi yɛ Sodomə da Gomorə, diɛi tii Yálá ə di hukala.

Azaya 33:14

Nɛ̨ŋɛ̨n ɉəɠə nuą kwəi aa pili diɛ Siɔn daai, mɛ̨nį ɲɔ̨n gɛ nuą mąą kaa kpɛlin ɉii, ku nɛlɛ ɓə pai lɛɛi tɔɔni gɛɛ kala nwɔ̨n ŋɛ̨i kwɛlɛ? Ku nɛlɛ ɓə pai lɛɛi tɔɔni? Gaa a kpaɠa nwɔ̨n hva liin.

Ɉeremi 20:16

Mąą nu ə kɛ yɛ daaɠaai Yai-Laa aa di wolo, yaai hva pənə bulu, gaa pai woo mɛ̨n ɉii yələwala pɔ, diɛ kɛ mą: «Ka pa kilɛ!» Yɛ kɔ́ too woo mɛ̨n a hvoló tɔɔ nwun ma;

Ɉeremi 50:40

Gɛ pələ kaa kɛi kpɔlɔɔ yɛ bələi ə kɛ la a Sodomə da Gomorə taaɠaa, da di kwɛlɛ taaɠaa. Nui lɔpee ta hva kɛa hee laa, nu kan da hva kpɛli kɛa vįitɔɔlaa Ɲą́ą́ Yai-Laa Nwóó li!

Woolaa 4:6

Nwɔ́ nu huwui hɔn aa ɲɔ̨n aa tɛɛ Sodomə nwɛi ɓa. Yai nwun ɲąą ə lɔ a nu ɲɛ̨i yalii mą tanɔ̨n, nu ta hvo pɛli gulɔi ɉu.

Osia 11:8

Ŋą́ ə́ hon bələ kɛ ləi Ɛfraimə, Ə́ hu kala ɓə mɔ̨ɔ̨ ŋą́ mo, Israɛlə? Ŋą́ ə́ hukala pələ kɛ yɛ Adma taa, yɛ bələi ŋą́ Sevoimə taa kala la? Yáá gwə́i pili mą́ą́! Ə́ ɲɛ̨imąąwɛli aa ɉón!

Amɔsə 4:11

Ną́mu Yai-Laa yɛ nwɔ̨nɔ̨ diɛ: Mɛ̨nii ɲąąnwąnąą ɲą́ą́ Yálá ŋį́ naa Sodomə taa da Gomorə taa diɛ, yili ɲɔ̨nwɔ̨mąn mə ŋį́ naa kaa. Kɛlaa, ŋį́ ka nwun mąąɓo, ka kɛ yɛ kwɛituwɔ tɔ̨nɔ̨ kulaa kpaɠa nwɔ̨n ɉu. Kɛlaa, pələi mąn ŋį́ gɛ la tii, ka hvo gɛ li, ka hvo pa bɔ́. Yai-Laa woo li.

Maafîu 10:15

Gáá moi kaa a tɛ̨ą; gití tee lɔwai, bɛlɛi tii mu nuą, a wala kɛti, daa tii hu nuą, di wɔ kitii a tinąą walawala ə tɛɛ Sodomə da Gomorə di wɛi ɓa.»

Maafîu 11:24

Yili ɓə gaa mą, gáá moi kaa, Yálá nwɔ kiti teei lɔwai Sodomə taa nwɔ gahoi a hviɛlaɓo ə́ wɛi ɓa.»

Maafîu 25:41

«Yili pulu, tɔɔmun a mo gɔɓɛyee hu nuą diɛ yɛ diɛ: ‹Ka ka mąąkwɛa mą́ą́, kaa yiɠaai ka nɛ̨ŋɛ̨n naa Yálá yəi, ka li nwɔ̨n yii luwun və mą ɉu. Yii bɛliɛ kɛ nąnį da nwɔ ɲį́nɛ̨nŋąai diɛ.

Lukə 17:29

Kɛlaa, ɲələi Lɔtə ə həɠə la Sodomə, nwɔ̨n yɛ pu Sodomə nuą mɛ̨i yɛ tulɔ, ə di kəlee di nwun napili.

Korɛntə dɔlɔɔ 6:9

Ka hvo gɔlɔn káá, hulu kɛ nuą, di wɔɔ naa hvo Yálá nwɔ tɔɔlaai hu? Ká hvo ka kpɔwɔ ɓowo yili hu! Ə kɛ a wɛli hon nuą, ə kɛ a nuąi da kwɛli hvilɛn hali ɓa, ə kɛ a wɛlikɛ nuą, ə kɛa nɛ̨ąąi da laa a di kee, ə kɛ a hinąąi da laa a di kee,

Dutɛrɔnome 29:23

Nąąlɔwai, hį́i kəlee kaa pai kɛi diɛ: ‹Lə ɓə kɛ yaai, Yai-Laa ə nɔi ŋɛ̨i hon bələ kɛ ŋɛ̨i-oo? Niiholi kɛnɛ̨i ŋɛ̨i ə gulɔ, nwun maa a lə?›

Tɛsalonikə veelɛ 1:7

ɛlɛɛ, káái di heɛ ká mɛ̨i, gaa pai hvįitɔɔ tɛɛi gu pɔ, a ɲələi gu Nąmu Jesus kaa pai pai la, yɛ həɠə yələi pələ, da malakaɠaai ŋą huwalawalalaa hu,

Tɛsalonikə veelɛ 1:8

nwɔ̨n nən gɛnɛ̨ɛ̨ hu, yɛ nwąną kulɔ la nuąi di hvo Yálá kɔlɔn, ɛlɛɛ, da nuąi di hvo lɛɛ li gu Nąmu Jesus ŋą wɛlɛɛ lɛlɛɛi woo mu, diɛ.

Piɛrə veelɛ 2:2

Nu tamąą kaa pai hvilɛn ɉi di túwɔ́ pələ ɲɔ̨nŋąa ti pulu, diɛi ti di mąą mɛ̨nį ɓa, nu tamąą kaa pai kɛi həɠəi tɛ̨ą pulu.

Piɛrə veelɛ 2:6

Yili pulu, Yálá ə Sɔdomə taa da Gomorə taa di hvɛla kɛ a nwɔ̨n, yii ə ɉu nuą kəlee nwun napili, di wɔ kili walawala laa mąą mɛ̨nį ɓa. Yálá ə yili kɛ ti, ə gɛ, ə nɛ mɛ̨nį ɲɔ̨n gɛ nuą diɛ, a mɛ̨nįi pai kɛi a diɛ, mąą pɔɔ kɔ́ɔn.

Piɛrə veelɛ 3:7

Yálá lawoo tɔ̨nɔ̨i ti ɓə mo yɛ diɛ: Yiihu, yələkɔlɔn da lɔi ŋɛ̨i, nwɔ̨n gaa pai di kələn ɉi. Yálá aa ɲee kɛ diɛ, ə lɛɛ la ɉu, volói gaa pai mɛ̨nį ɲɔ̨n gɛ nuą kiti teei la, yɛ ɉəli.