Zûu 1:24 - Yálá laawoo hɛɓɛ (dc)

²⁴ Yálá, yai a pɛli ə kpɔnmąą tɛɛ ka pɔ ka hva too, ə ɲɛ̨i kɛ kaa, ə ka həli nwɔ mąąwiɛ hvolói ɓa a nuąi hɔn və diɛ kwəinɛ̨ɛ̨ hu,

Yálá laawoo hɛɓɛ

²⁴ Yálá, yai a pɛli ə kpɔnmąą tɛɛ ka pɔ ka hva too, ə ɲɛ̨i kɛ kaa, ə ka həli nwɔ mąąwiɛ hvolói ɓa a nuąi hɔn və diɛ kwəinɛ̨ɛ̨ hu,

Bible

²⁴ Ǹúui pɔ̂ri káa mì a gɛɛ é kákɛ káfe tooi, nyíi pɔ̂ri káa mi a gɛɛ é kálɛ ŋɔfólo-laai ŋ́ɛi-tuɛ a lii-nɛ̃ɛ, pɔ́ɔ kélee da fé kɛ̀ kâai,

Zûu 1:24 ပူးပေါင်းရင်းမြစ်များ

Mąątɛ̨nɛ̨ 21:6

Ə́ wɔ yeetɛɛmąąlaa, aa kɛ mą a ɲɛ̨i pɔ̨nɔ̨ kɛnɛ̨, Yáá mąąwiɛ kɛ mą, loo hvo mą.

Mąątɛ̨nɛ̨ 43:4

Gáá pai həlii kpɔ Yálá kɔ́i, a Yálái tii a gɛ, gɛ́ mąną a kwəinɛ̨ɛ̨, gáá pai ə́ laa tɛi a wələ, a bɛlɛgwəi gwɛnįn nwoo, Yálá, yɛ́i a nwɔ̨ Yálá!

Levetekɔ 14:11

Ɉaláá laa həli mun tii mąąhəɠə kóló kɛi, a nui tii da nwɔ haláá hɛnŋąąi di tɔɔ Yai-Laa lííla, gee kaa kələ laaləi.

Maafîu 16:27

Ɓɛlɔwai Nu Lon kaa pai pai la, Nąn Yálá nwɔ mąąwiɛi hu, da nwɔ malakaɠaai, nąąlɔwai ɓə gaa pai nu tɛitɛi kəlee hvɛla kulɔi la, yɛ pələi dúwɔ́ pələ ə kɛ la.

Maafîu 19:28

Jesus yɛ diɛ: «Gáá moi kaa a tɛ̨ą, ɓɛlɔwai Nu Lon kaa pai kɛi la heeni Nąn Yálá nwɔ tɔɔkpəlin mąąwiɛ hu, ka nu pow-kɔw-hveelɛ ŋɛ̨i hvilɛn búlúi, ka kɛ laa kaa kpɛli ka wɔ kpəlin ɉaai hu, kaa Israɛlə nu huwu heei pow-kɔw-hveelɛ ɉaa woo ɓo.

Maafîu 25:31

«Ɓɛlɔwai Nu Lon gaa pai pai la, nwɔ tɔɔlaai hu, da malakaɠaa kəlee, gaa pai heei nwɔ tɔɔ kpəlin mąąwiaa hu;

Maafîu 5:12

'Ka ka kwəinɛ̨ɛ̨ ka ɓələn. Hvo gaai, ka hvɛla kɛnɛ̨i Yálá-taa. Bələ lɔ ɓə di gɛ la a Yálá kwəi mɛ̨nį hukulɔ nuą tɔlɔɔɠaa, diɛi kɛ ka tɔwɔ.»

Lukə 9:26

Akɛ nu a nwumɛ̨ náá ɓoi, ə nwumɛ̨ nwóó hon ɉii, ɓɛlɔwai Nu Lon kaa pai pai la nwɔ mąąwiɛ hu, da Nąn Yálá nwɔ mąąwiɛ hu, da Yálá nwɔ malakaɠaa, a nwumɛ̨ mąą nui laa ɓoi.

Lomaŋ 14:4

Gbɛɛ ɓaa a yɛ́, yai, nui hvo a yɛ́ tímun, yɛ́ giti tee? Ə tɔɔ-o, ə too-o; ə́ wɔɔ lə mɛ̨nį ɓə ɉu? Da Ną́mu di lɔwai li. Ɛlɛɛ, ɲee kaa pai lɔi, mąąhɔlɔɓo, hvaŋą kaa gu Nąmu yəi, yɛ dɛɛ bɔ.

Lomaŋ 8:31

Lə mɛ̨nį ɓə gwa pɛli nwɔ̨nɔ̨ moi? Akɛ Yálá tɔɔi gu pulu, gbɛɛ ɓə a pɛli kɔ́ pɛlɛi guɔ?

Korɛntə veelɛ 11:2

Ká wɛlii gaa mą́ą́, yili aa ká mąą tolo lɔ ɉú, nwɛlikɛmąąlaa kɛnɛ̨i tii ə həɠə Yálá pɔ. Hulɔnu tanɔ̨n gbən mə, ŋą́ ká toonwəlii kɛ mą, ya ɓaa a Kristə. Ŋą́ ká lɛ mą yɛ, nɛ̨ɛ̨gbəla mąą haŋąnŋąąi hvo hulɔnu mɛ̨nį hu kɔlɔn;

Korɛntə veelɛ 4:14

Hvo gaai, ku kili kaa ɉu kuɔ, nui gu Nąmu Jesus nwun haa nuą lɔwai, gaa lɔ pai gu nwun ɉii tii gwa Jesus ni, yɛ gwa káá ni gu heei kulɔ gwɛlɛ.

Korɛntə veelɛ 4:17

Hvo gaai, mɔ̨nɔ̨ logolo tiikpɛi ŋɛ̨i pai kpɛɛi, gaa a ɲɛ̨i pono kɛnɛ̨ɛ̨i kpɛɛ hvo mą, heɛ nuą tɔwɔ.

Ifisiɛŋ 3:20

Yálái tii vaŋą kaa gɛ-mɛ̨nį kɛi gu hu, yai mɛ̨inɛ̨ɛ̨ kɛi guɔ, gɛnɛ̨i dɛɛ kpɔ kɛnɛ̨, kpɔ kɛnɛ̨, yii gwa vɛli mą, da yii gu kili a hvilɛn mą gəlee ɓa;

Ifisiɛŋ 5:27

Bələ ɓə ə kɛ la tii bɔ, ə dɔɔ gbɔwɔ kpinįi liila, mąąhəɠɛɛ, ɲɔ̨n ɉii da mąąkulɔi lɔpee ta hva kɛ mą ɲɛ̨i ɓa. Bələ ɓə ə kɛ la bɔ, nwɔ kpɔn ə kɛ a mąąhəɠɛɛ kiliin ɉii ɲɔ̨nwɔ̨ɔ̨ hva kɛ mą.

Kolosə 1:22

Ya ka kɛa yiihu, Yálá aa ká diɛni ká yee lɔ gee hu, a non gulɔi ə mo a hálaa, ɉáálai; káá pɛli kɛi la a nu mąąhəɠɛɛɠaa ɲɛ̨i mu, ká mąąkulɔi hva kɛ káá, hɛn da hva pɛli kɔ́ pɛlɛi káá.

Kolosə 1:28

Yaa tii ɓə ku kaa mąą mɛ̨nį la həli, kuɔ nu kəlee kilaa pono, kuɔ di mąąkwɛli a kilikɛɲəi laa kəlee, əgɛ, nu kəlee mąą mɛ̨nį laa ə kulɔ kpɔ a neelee, Kristə hu.

Kolosə 3:4

Ɓɛlɔwai Kristə, yai a ká wɔ yɛnɛ̨ɛ̨, a pa pai la, káá kpɛlimąn, ká pa ka diɛni mąąwiɛlaa hu.

Timote veelɛ 4:18

Gu Ną́mu kaa pai gúlɔi mɛ̨nį ɲɔ̨n gəlee yəi, ɛlɛɛ, ə málo ŋą yələkɔlɔn ɉu tɔɔlaai mąą mɛ̨nį ɓa. Mąąwiɛ ə kɛ mą a yələ kəlee kpɛɛ hvo mą! Yálá ə kɛti.

Zĩi 2:10

Yaan, nu a dɔ́n ɉu woo kəlee pɔ túwɔ́ ɓo, ə tɔ̨nɔ̨ kala, a kɛ ti aa gəlee kala.

Piɛrə dɔlɔɔ 4:13

Kɛlaa yaamun, ká ká kwəinɛ̨ɛ̨, mąąhɔlɔɓo, mɔ̨nɔ̨i ti Kristə ə mįi, ká wɛi ka ti aa həli káá. Yili ɓə a gɛ, ɓɛlɔwai nwɔ mąąwiɛ laa kaa pai tooi la ponoŋą, kaa kpɛlimąn, ká wɔ kwəinɛ̨ɛ̨ laa ə kulɔ.

Piɛrə veelɛ 1:10

Yili ɓə gaa mą, nwɛ́li kɛ mąą nuą, ka ka hvaŋąlɔ kpɔ kpaan, ka təli ŋɛ̨i Yálá ə mo, ə ka yɛɠɛ ɉu, ka kanąn ma. Mąąhɔlɔɓo, ka gɛ ti, ka hva pɛli tooi mɛ̨nį ɲɔ̨n ɉu.

Zûu 1:21

Ka lɛɛ Yálá nwɔ wɛlikɛmąąlaa hu, kaa gu Ną́mu Jesus Kristə nwɔ mɛ̨inɛ̨ɛ̨ mąą kpɔn yai pai yɛnɛ̨ɛ̨ kpɛɛ hvo mą dɛɛi ka pɔ.

M̀ɛni-lɛɛi 14:5

ɛlɛɛ, lɛɛ mɛ̨nį hvo kulɔ li di la, hon nɔpee hvo diɛ.