Zûu 1:19 - Yálá laawoo hɛɓɛ (dc)

¹⁹ Nuą tii Yálá nwɔ Kilii hvo di yəi, diɛ ɓə da kɛ ɓɛlaɓo tooi nuą lɔwai. Yii Yálá kaa bɔ, da yili lɛɛ laa, di kpɔwɔ liiɓa ɓə ɲee tɛɛ diɛ.

Yálá laawoo hɛɓɛ

¹⁹ Nuą tii Yálá nwɔ Nįį hvo di yəi, diɛ ɓə da kɛ ɓɛlaɓo tooi nuą lɔwai. Yii Yálá kaa bɔ, da yili lɛɛ laa, di kpɔwɔ liiɓa ɓə ɲee tɛɛ diɛ.

Bible

¹⁹ Ǹûai ŋí ƃa ŋa kɔlɛ kɛ̀. Díkaa a ŋ̀éniɛi ŋí su-ƃela, Mɔ̂leŋ fé díyêei.

Zûu 1:19 ပူးပေါင်းရင်းမြစ်များ

Hanwon 18:1

Nui gbɔwɔ nwɔ tɔ̨nɔ̨ wɛli kaa mą, a tɔɔ dɔ̨nɔ̨ konɉu. Da niɛwoo kɛ a nwąną mą.

Azaya 65:5

Diɛ kɛ diɛ: «Ə́ kili kɛ ə́ kpɔwɔ hu, hvo lɛɠɛ mą́ą́, və́ nəi pa ə́ kɛ a mąąhəɠəmun.» Dúwɔ taaleei tii a níí holi, nulu yɛ tɛ ɲɛ̨́i, ə ɓo yɛ nwɔ̨n a túwɔ́ lən ɉii.

Izikiɛ 14:7

Nui lɔpee yɛ ə kɛ a Israɛlə nwɔ pɛlɛ́i mu mun da, yɛ ə kɛ a nwɛą yii gaa heeni Israɛlə lɔi hu, a mąą kwɛa mą́ą́, ə hali mɛ̨nį hee nį́į́ hu, ɉɛn pai dooi nɛ̨ŋɛ̨n ɉu ə ɲee kąnąn mą; yili a tɔɔ yɛ pa gwə́i mɛ̨nį hu kulɔmun mąąni kɛi, ɲą́ą́ Yai-Laa, ɲą́ą́ gbinįi ɓə ŋį́ nwoo pulu pənə.

Osia 4:14

Və́ pai tɔɔi, gɛ́ ka lonnii nɛ̨ąą di wɔ wɛli mɛ̨nį, mąąnigɛ diɛ, da ka lon nɛ̨ąni di wɔ wɛli mɛ̨nį, mąąhɔlɔɓo, ɉaláá laa həli nuą, da kɛ kulɔi kpinįi da wɛli kɛ nɛ̨ąą, ɛlɛɛ, da diɛni diɛ ɉaláá kɔ̨nɔ̨n mįi gee ɓa, bələ ɓə lɔi yii mɛ̨nį kɔ́lɔn gili hvo ɉu, vilɛnŋąąi la nwun na pili pələ mɛ̨i.

Osia 9:10

Ŋą́ Israɛlə kaa lɔ, yɛ bələi da towələ kaa la, wɛla pun ɉu, ŋį́ ka nąnni kaa lɔ, yɛ bələi ɓolaa a ɓa la mɛlaa tɔwɔ, da gaa la. Kɛlaa, di pa lɔ Baalə-Peɔrə, diɛ di yee pɛlɛ nwumɛ̨ mɛ̨nį ɓa, diɛ kɛ la a nu kɔ́hɔɓoɔɠaa, lɔ yɛ bələi di liiɓa hɛn tii kaa la.

Lomaŋ 8:9

Kɛlaa, ka wɛi, ka hvo nu kili yeekɔnma, kɛlaa, Kili-Mąąhəɠɛɛ ɓə; gbala ə tɔɔ, Yálá ŋą Kilii kaa ka hu, nui Kristə nwɔ Kilii hvo ɉu, Kristə nwɔ nu hvə li.

Korɛntə dɔlɔɔ 2:14

Nui nu kan gili lɔ ɓə mą, mɛ̨nįi a həɠə Yálá nwɔ Kilii pɔ pələ, hva pɛli ɲee heei mu. Gbala ə tɔɔ, gaa ɲɛ̨i mu a ɓowo mɛ̨nį, hva pɛli gbaɠala kaai; mąąhɔlɔɓo, Yálá ŋą kilii hu ɓə da pɛli di mɛ̨nįɠaa ti hutɔɔ la.

Korɛntə dɔlɔɔ 6:19

A wala kɛ tii, ka hvo gɔlɔn káá: ka káá a Kili-Mąąhəɠɛɛi gaa ká hu, ɉee pɛlɛ́, yai Yálá ə dɛɛ ka pɔ? Ká pɔɔ hvaa a ka kpįnį?

Hebreu 10:25

'Ká gu hvo kpɛla gu kee ɲąąkpɔnŋąą ɓa, yɛ bələi, nu taɠaa daa gɛ la a di kɛ-mɛ̨nį, di hva pa ŋąąkpɔn ɉu. Kɛlaa yaamun, ka gu gu kee hvaŋąlɔ, yii kpɔ, gu ɲɛ̨i kaa gu Ną́mu ŋą kuui tɔwɔ mąą yɛ kpuɔ.

Zĩi 3:15

Gili yili hva həɠə yələi pələ, gaa a lɔi mɛ̨i kili, a huwɔ kili, a ɓilihi kili.