Zûu 1:15 - Yálá laawoo hɛɓɛ (dc)

¹⁵ ə gɛ Ə hɛn gəlee kiti tee, ɛlɛɛ, nuąi di mąąliɓi a nɛ̨ŋɛ̨n, di wɔ túwɔ́ pələ ɲɔ̨nŋąąi di gɛ, di wɔ kulɔ nwoo mu laa hu, Ə gəlee kiti tee.

Yálá laawoo hɛɓɛ

¹⁵ ə gɛ Ə hɛn gəlee kiti tee, ɛlɛɛ, nuąi di mąąliɓi a nɛ̨ŋɛ̨n, di wɔ túwɔ́ pələ ɲɔ̨nŋąąi di gɛ, di wɔ kulɔ nwoo mu laa hu, Ə gəlee kiti tee.

Bible

¹⁵ a gɛ́ɛ é núu kélee ŋɔmɛni ŋá tée é tɔ̂ŋ pu ŋ̀wana-lɔ̂ɔ-ƃelai dîa díŋwana-lɔ̂ɔ-tuai kélee mɛni ma nyíi-ŋai dí gɛ̀ a ŋwana-lɔ̂ɔ-pere da ŋ̀óo kpanaŋ nyɔ́mɔɔ-ŋai kélee nyíi-ŋai zɔnyɔ̂ŋ-ƃelai nyíi-ŋai dífe Ɣâla-mɛni wɛ́li nii dí mò a ǹáai.”

Zûu 1:15 ပူးပေါင်းရင်းမြစ်များ

Mąątɛ̨nɛ̨ 139:20

Ə́ yowoɠaa da kɛ ə́ laa ɓoi a nuą ɓowo pələ, diɛ ə́ mąą mɛ̨nį ɓo a ə́ laa kala pələ.

Mąątɛ̨nɛ̨ 149:9

Mɛ̨nįi di bɛ̨ɛ̨ di nwuɔ̨ diɛ naa diɛ, Yálá yee pɔnuą kəlee ɲɛ̨i pɔ̨nɔ̨ mɛ̨nį li! 'Kánikookwəi!

Mąątɛ̨nɛ̨ 31:18

Yai-Laa, ə́ təlii gáá moi, və́ nwumɛ̨ ɉu, Kɛlaa, nwumɛ̨ ə lɛɛ a nuąi di hva ə́ mąąwiɛ di wɔɔ; di laa pɛlɛ mą, diɛ yɛɛ ɲąmuątaa pələ.

Mąątɛ̨nɛ̨ 37:6

Gaa pai ə́ wɔ tɛ̨ą mɛ̨nį tooi pɔ̨nɔ̨ ŋą, yɛ yələ ɓɔi, ə́ wɔ tələnmolaa a lɛ a hvóló ɲą ɉe-ɉe.

Mąątɛ̨nɛ̨ 73:9

Diɛ di laa pu yələkɔlɔn ɉu, diɛ di laa pu yɛnɛ̨ɛ̨ mɛ̨nįɠaa hu.

Mąątɛ̨nɛ̨ 94:4

Di kaa di nwun dɛi, diɛ hvaa a tɛɠɛɓoɉulaa, mɛ̨nį ɲɔ̨n gɛ nuąi tii, di kaa di pilimoi!

Mąątɛ̨nɛ̨ 98:9

'Ka gɛ tii Yai-Laa tɔwɔ, mąąhɔlɔɓo, gaa pai lɔi kiti teei, gaa pai yɛnɛ̨ɛ̨ kiti teei a tələnmolaa, ə mą kɛ nu huwuɠaa.

Lɛɛ gbɔwɔ ɓa 16:8

Moisə yɛ diɛ: «Yai-Laa kaa pai huwɔ tɛɛi ka pɔ háákələi yələwulii pɔ, ka mįi, yələwala pɔ, ka pilɛ a ka liiɓa. Mąąhɔlɔɓo, Yai-Laa aa ka woo mɛ̨n, kaa hvaa ka nwun ɉu. Lə ɓaa kuɔ? Kuɔ hvəi ka káá hvaai ka nwun ɉu kuɔ, Yai-Laa ɓə!»

Ikilisiati 11:9

Yɛ́i a nunwunu, ə́ wɔ nunwunulaa ɲąąnɛ̨ɛ̨ kulɔ, ə́ ɲąąnɛ̨ɛ̨ kulɔ nąąlɔwai. Yii kpɔ a nɛ̨ɛ̨ yɛ́, gɛ. Yii yá gaa a nɛlɛɛ, yili kɛ. Kɛlaa, ə́ kili lɛɛ ɉu a nɛlɛɛ, yɛ́ kɛ: Yálá kaa pai ə́ kɛ mɛ̨nįɠaa tii kəlee kiti teei.

Ikilisiati 12:14

Yálá kaa tínąą nu kəlee da di kwɛlanmo Yálá ɓa; yii kpɔ hvilɛn na nu kɛ mɛ̨nįɠaa diɛ, ə kɛ a nɛlɛɛ, ə kɛ a ɲɔ̨nwɔ̨ɔ̨, ə mą kɛ, yiiɠaai di gɛ loo hu, da tínąą gəlee gwɛlanmo kɛ Yálá ɓa.

Izikiɛ 35:13

Ka kɛi mą́ą́ mɛ̨nį ɓo a ɲɛ̨i tɛ, kaa pələɠaa ɓo a náá, a kpɔwɔ ɲąą kɛnɛ̨; kɛlaa, ŋą́ gəlee mɛ̨n.

Danîa 11:36

«Yii lɔpee a nɛɛ tɔɔmun ma, ya ɓə gaa pai gɛi. Hu ɲąŋą kɛnɛ̨ kaa pai kɛi ɉu, yə gbɔwɔ kaa yɛ kɛ gɛnɛ̨ɛ dɛɛ alaɠaa diɛ, gaa pai kɛi mɛ̨nį ɓoi alaɠaa di wɔ Yálá ɓa, hva kpɛli ɲɔw. Gɛ mɛ̨nįɠaa kəlee hu kaa pai kɛi nɛɛi, ə lɛɛ la ɉu Yálá nwɔ líiɲąnwąnąi pa hvóló yɛ ɉəli. Nąąlɔwai, yii Yálá ə gbən dee, a naahvɛɛ.

Danîa 7:20

Ŋą́ kɛ nwɔ̨nɔ̨ bɔ ŋą́ mɛ̨nį ta kɔ́lɔn yɛ hvilɛn na ɉuwɔi tii mįnɛ̨ kaa pow ma. Ə lɛɛ, dɔ̨nɔ̨i ŋɛ̨i tɔɔ nwun ma, ɉaaɓa diɛ too, ə lɛɛ, mįnɛ̨ tɔ̨nɔ̨i tii ɲɛ̨ikɔw ə kɛ mą yɛ nu, laaləi yɛ ɓo mą, yɛ woo kpɛa-kpɛaɠaa ɓo, yai kɛnɛ̨ ə tɛɛ mɛlaa diɛi.

Ɉaan 5:27

Ə kiti teɛ mąąlaa tɛɛ bɔ, mąąhɔlɔɓo, Nu Lon ni.

Gɛlaɠaa 17:31

Hvo gaai, aa kuu ta hee, yɛ gaa pai yɛnɛ̨ɛ̨ nuą kəlee kiti teei a ɉaŋąa, a Nui ə ɉəɠə ɉu. Ə nɛ nu kəlee ɓa, yɛ mɛ̨nįi tii hvo pai ɉəɠəi mą, a nui ə nwun, ə gulɔ haa nuą lɔwai.»

Lomaŋ 14:10

Kɛlaa, yɛ́i ŋɛ̨i, lə mɛ̨nį ɓa, ə́ kaa ə́ ɓɛlan giti tee? Ɛlɛɛ, yɛ́n, lə mɛ̨nį ɓa, ə́ kaa ə́ ɓɛlan viiɓoi? Gu kəlee guɔ pa tínąą tɔɔi Yálá ŋą kitii lííla.

Lomaŋ 2:16

Yɛ bələi nwɛlɛɛ lɛlɛɛ ŋɛ̨i gáá naa həli gaa moi la, yɛ diɛ: Ɲələi Yálá kaa pai nuą túwɔ́ pələ loɔɠaa kiti teei la Jesus Kristə laa hu, ɲələi ti ɓə mɛ̨nį kəlee a too la ponoɲą.

Lomaŋ 2:5

Kɛlaa, ə́ wɔ kili walawala pələ, da ə́ wɔ lii ɲɔ̨n bələ ə́ gwəi, hvó bɔ hvo ə́ wɔ túwɔ́ pələ ɲɔ̨nŋąa mąąhvalin. Yili ɓa, Ɲələi Yálá kaa pai nwɔ kiti haŋąai teei la, akɛ tii, ə́ kaa Yálá nwɔ liiholui ɲąątɔɔi ə́ kpɔwɔ ɓa;

Korɛntə dɔlɔɔ 4:5

Yili ɓa, ká hvo nuą kiti tee nąąlɔwai tɔwɔ, gɛɛ gu Ną́mu hvo pa. Ya ɓə pai, mɛ̨nįɠaai noɔ kpįnįi, gəlee tooi pono ɲą, ə mą kɛ di kwəi kiliɠaa. Yili pulu, nu tɛitɛi da mąąwiɛ hɔlɔɓo Yálá yəi yɛ bələi bɛliɛ la diɛ.

Korɛntə dɔlɔɔ 5:13

Nuąi di hvo gu pɔ, Yálá ɓə pai di kiti teei. «'Ká mɛ̨nį ɲɔ̨n gɛmun kulɔ ká lɔwai.»

Timote dɔlɔɔ 1:9

'Ká gu mɛ̨nįi ŋɛ̨i ɲąą kaa kpɔ tai a neelee: Dɔn hvə tɔɔ li tələnmomun mąą mɛ̨nį ɓa, kɛlaa gaa a, kulɔ nwoo mu laa kɛ nuą da kwɛitee nua, nu ɲɔ̨nwɔ̨ɔ̨ɠaa da nɛ̨ŋɛ̨n ɉəɠə nuą, nuąi di hva Yálá ɓɛlɛlɔ, ə mą kɛ, hɛn kpɔ Yálá laa kaa mą, nuąi da di nąnni paa, da di leeni, nu paa nuą;

Zûu 1:16

Nɛɛ kalan gɛ nuą tii, mɛ̨nį ta hva di kwəinɛ̨ɛ̨. Di kaa lɔ di woo laa hu, di kpɔwɔ nwɔ kiliŋąhiɛ lɔ ɓə da hiɛ la. Kpɔwɔ ɲąą kɛnɛ̨ wooɠaa kaa di la. Da kɛi nu ta tɔ̨nɔ̨ kulɔ ya lɔ ɓə da mąąwiɛ la.

M̀ɛni-lɛɛi 13:11

Ya ɓə, ŋį́ huwɔ takpɛli kaa yɛ kulɔ lɔi mu. Mįnɛ̨ ə ɓo nwuɔ̨ hveelɛ yɛ ɓɛlaa lon, kɛlaa, yɛ hvaa yɛ mąąɲɔw-hɛn.

M̀ɛni-lɛɛi 22:20

Nui mɛ̨nįi tii ɓoi, yɛ diɛ: «A tɛ̨ą, gáá pai ɉu hvo kwɛa li.» Amįįną! 'Pá, ku Nąmu Jesus!

Samuɛlə dɔlɔɔ 2:3

Ka hvo ka nwun dɛɠii hvaa ɓo lɔ tii, tɛɠɛɓo ɉu woo hvo kulɔ ka la. Yai-Laa kaa a Yálái mɛ̨nį kəlee kpaɠala kaa mą, ya ɓə a nuą kɛ mɛ̨nįɠaa kiti tee.