Zooɛ 2:1 - Yálá laawoo hɛɓɛ (dc)

¹ Dulu hvɛɛ Siɔn taa mɛ̨i, tómą nwɔ́ yee mąąhəɠɛɛ ɓa. Nɔi lonnii kəlee di kpɛlin, mąąhɔlɔɓo, Yai-Laa nwɔ hvólói aa həli; Yaai kɛ mąą kpuai.

Yálá laawoo hɛɓɛ

¹ Dulu hvɛɛ Siɔn taa mɛ̨i, tómą nwɔ́ yee mąąhəɠɛɛ ɓa. Nɔi lonnii kəlee di kpɛlin, mąąhɔlɔɓo, Yai-Laa nwɔ hvólói aa həli; Yaai kɛ mąą kpuai.

Bible

¹ Ka dúrii fɛ́ɛ Zãiyɔŋ Yeei ma, ká vɛ́ɛ a ŋ̀óo su kɛ́tɛ ŋáyee maa-waai ma! Tɔɔ ǹɔii su-ƃelai kélee dí kpɛ̃lîŋ. Yâwɛɛ ŋɔtãi a pâi, a nâa lɛ̀ɣɛ.

Zooɛ 2:1 ပူးပေါင်းရင်းမြစ်များ

Kɔlɔnikɔ Maa-ŋuŋ 15:28

Israɛlə nuą kəlee di kɛi pa a Yai-Laa nwɔ mįnɛ̨ kəhii kwəinɛ̨ɛ̨ woo kɛnɛ̨ hu, diɛ túlú hvɛɛ, diɛ lalo yɔw, diɛ gwɛnįn ɲɔw da bɛlɛgwəi.

Mąątɛ̨nɛ̨ 119:120

Ŋą́ kɛ ə́ ɲɛ̨i ɓa, ɉúwɔ hu a kpɛlin, gɛ́ ɲɔ́w ə́ wɔ kiti wooɠaa diɛ.

Mąątɛ̨nɛ̨ 87:1

Kore lonnii di wɔ hvɛli woo, wɛlikɛmąą wələ. Yái-Laa ə Siɔn tɔɔ yee mąąhəɠɛɛ nwuɔ̨.

Lɛɛ gbɔwɔ ɓa 10:14

Beeləɠaa di pɛlɛ Eziptə lɔi nąą kəlee. Gbulu kɛnɛ̨ɛ̨ kɛ dɛɛ gɛi ɓa, ɲɔ̨nwɔ̨mąn hvo ta kɛ li, da hvo nwɔ̨nɔ̨ pai kɛi.

Azaya 13:6

'Ka haa wɔlɔ ɓo, a gboo təliɛ, Yai-Laa nwɔ hvólói həli hiɛ ka, a kɛɛ kala hvóló, yɛ həɠə kɛɛ kaamun bɔ.

Azaya 13:9

Yai-Laa nwɔ hvólói ka pai, a liiholi kɛnɛ̨ da lii kələn gwəi, nu mąąhvaalɛɛ mɛ̨nį hvo ɉu, yɛ nɛ̨ŋɛ̨n ɉəɠə nuą ɲąąyíi, nɔi yɛ lɛɛ a mąąwɛli lɔi.

Azaya 2:12

Yai-Laa Mɛ̨nį Kəlee ŋą Hééɓomun, aa hvóló ta həɠə ɉu, ə gɛ, ə kiti tee, nuąi da di kpɔwɔ kaa a nu kpɛa-kpɛa, di hunɛ̨ɛ̨, a di mąą yɛɛ.

Azaya 66:2

Ɉɛnŋąąi tii kəlee di kulɔ ɲéé ŋą, gəlee kaa a nwɔ́ɔ́, Yai-Laa woo li, yɛi: Nui ŋą ɲɛ̨́i pili mɛ̨i ya ká: Kpɔwɔ mąąyɛɛmun, a yai tii nii yaliɛ gwəi, yai tii, nwóó a mąą kpɛlin.

Azaya 66:5

'Ka ka wəli tɔɔ Yai-Laa woo ɓa, kaai nwoo a ka mąą kpɛlin. Ka kaayɔwɔɠaa da wɛlikpɛɛmąą laa kulɔ a kaa, diɛ ka kpɛ Náá mąą mɛ̨nį ɓa, mɛ̨nįi da kɛ moi ya ka: «Yai-Laa ə nwɔ mąąwiɛ lɛ tai, ə gɛ, ku mąą kwəinɛ̨ɛ̨ kulɔi kaa ka yəi.» Kɛlaa, diɛ mun mə pai nwumɛ̨i.

Ɉeremi 16:10

Yá pa mɛ̨nįɠaa ŋɛ̨i kəlee ɓoi nuą tii diɛ, da kɛ yɛ́: «Lə mɛ̨nį ɓa, yaai, Yai-Laa ə mɛ̨nį nwąnąą taaləi tii kili tee gwəi, yɛ naa kuɔ? Kɛɛ lə kɛɛ ɓə ku gala?.»

Ɉeremi 16:7

Nui haa a too mą, di hva li bɔ a kɔ̨nɔ̨n. Ə mą kɛ, nee a haa, a wala kɛ tii, nąn a haa, di hva ɉaa lɔɔ pu.

Ɉeremi 4:5

Ka noloɓo Ɉuda lɔi hu! Ka Ɉerusalɛmə nuą kilaa pɔ̨nɔ̨! «Ka dulu hvɛɛ nɔi nąą kəlee ka tomą a ka woo kɛnɛ̨, kaa diɛ: ‹Ka pa-o! Ka ka ɲąąkpɔn daaɠaai hįi kaa diɛ ɉu!›

Ɉeremi 5:22

Yai-Laa yɛ diɛ: Ka hvo bɔ ka hvo mɛ́lɛ kɛ mą́ą́, ka hva ɲɔw mą́ą́. Ɲą́ą́ ŋɛ̨i gboloyá ɲɛn dɔɔ a ɲɛa kɔ́w, ɛlɛɛ, gboloyá hvo pai lagin ɉii ɲɛn tii mɛ̨i a Yələ ta, ə mą kɛ lii tii yɛ pa a vaŋa, hva ɲɛn tii mąą teen; gboloyá a huluun, kɛlaa, hva ɲɛn tii mąą tɛɛ.

Izikiɛ 12:23

'Mo diɛ yɛ́ diɛ, Mɛ̨nį kəlee ŋą Hééɓomun Yálá woo ka: Gáá ɉanwon ti kulɔi ka la, di hva kɛa mo Israɛlə lɔi hu. Kɛlaa, 'kɛ́ diɛ: ‹Ɉįįɠaai di gaa, di bɔ mɛ̨nį kɛ yələ yɛ həli.›

Izikiɛ 21:12

Da kɛ yɛ́: ‹Ə́ kaa ɲiŋɛ́i lə mɛ̨nį ɓa?› 'Kɛ́ diɛ: ‹Wɛlɛɛ ɓə aa pa; nu kəlee hvii kaa pai kpɛɛi; nu kəlee yee hu kaa pai haai; nu kəlee hu kaa pai pui mą, nu kəlee kɔ́wɔ yɛ kpɛlin mu. Ya ka ŋɛ̨i pai! Gaa kɛa kɛi. Yai-Laa, gu wɔ Yálái woo li.›»

Izikiɛ 30:3

Mąąhɔlɔɓo ɲələ aa lɛɠɛ; Yai-Laa nwɔ kuui aa lɛɠɛ. Ɲələi ti a kɛ a tulɔ kpinįn ɲələi lɔiɠaa mɛ̨i.

Izikiɛ 33:3

mąą nui tii a kɔ́ kaa yɛ pa nɔi tii pɔ, a túlú hvɛɛ, yɛ nuą kili pu ɉu.

Izikiɛ 33:6

Kɛlaa bələi mąąkpɛɛ mun a gɔ́ kaa yɛ pa, a wala dúlú hvɛɛ, gɔ́ a pa, nu ta a lɛɛ ɉu, nui tii haa mɛ̨nį wulu a lɛɛ bələi mąąkpɛɛ mun nwuɔ̨.

Izikiɛ 7:10

«Ɲələ ka, pulu ka ŋɛ̨i pai; gaa bələ pɔ, wea mɛ̨nį nwɛi ɓə a nɛ̨ɛ̨mą. Kpɔwɔ ɲąą kɛnɛ̨ laa yɛ tɔɔ.

Izikiɛ 7:12

Nąąlɔwai kaa pai, ɲələ aa lɛɠɛ, hɛn ɲamun və kwəinɛ̨ɛ̨ kulɔ; hɛn nɔwɔtɔɔmun və kɛ liiɲąnwąną hu. Mąąhɔlɔɓo, kɛɛ kala liiholi kaa pai heei nɔi hu hɛn gɔw kəlee diɛ.

Danîa 6:26

Mɛ̨nįgaai tii tɛɛ pulu, tɔɔmun Dariusə ə hɛɓɛ́ pɛ̨ɛ̨, ə naa həli hįi kəlee ɓa, nɔiɠaa kəlee hu, hįi woo kəlee ɓo nuą diɛ, diɛi di kaa lɔi mɛ̨i naa kəlee, yɛ diɛ: «Gɛ́ liilaa ə tɛɛ ka pɔ kpɔ kɛnɛ̨!

Danîa 9:16

Ną́mu Yálá, pənə ə́ ə́ wɔ mɛ̨inɛ̨ɛ̨ hu nwun, ə́ ə́ wɔ líiɲąnwąną ɲɛ̨i həɠə Ɉerusalɛmə taa ɓa, yii gaa a ə́ wɔ taalee da ɲee ŋɛ̨i ya kɛi kulɔi maə́ wɔ nu huwui ɓa pɔ̨nɔ̨ŋa. Kuwɔ túwɔ́ pələ ɲɔ̨n mąą mɛ̨nį ɓa, da ku kalaɓɔlɔni kɛ nɛ̨ŋɛ̨nŋaa mąą mɛ̨nį ɓa, ku kwɛlɛ lɔiɠaa kəlee da Ɉerusalɛmə taa lalan da ə́ wɔ nu huwuɠaai.

Danîa 9:20

Ŋą́ kɛi lɔ Yálá hvɛli, gɛ́ hvaa gɛ́ hɔnŋaa diɛ da Israɛlə nu huwu di wɛi, ɲee ŋɛ̨i Yálá ə kəi gbɔwɔ lɛ dona nwɔ nuąi diɛ, ŋą́ kɛi Yálá hvɛli, ɲee tii mąą mɛ̨nį ɓa.

Osia 5:8

'Ka tulu hvɛɛ Givea, 'ka nįŋɛ̨ mįnɛ̨ hvɛɛ Rama, 'ka təluɓo kɛ Bɛtə-Awɛn. Daa ə́ hon, ə́ kɔ́n bulu pələ, Bɛnɉamɛn!

Osia 8:1

'Dulú hvɛɛ, mɔ̨nɔ̨ kaa pai Yai-Laa nwɔ pɛlɛ́i mɛ̨i, yɛ kuwɔ. Mąąhɔlɔɓo, daa nwɔ́ mįnɛ̨i hu kala, dɔ́n ŋį́ naa diɛ, daa di nwun gulɔ mu.

Zooɛ 1:15

Ə həli kaa! Ə kə́! Hvóló ləi ɓəi! Voló mąą aa kpuɔ, Yai-Laa nwɔ hvólói mąą aa kpuɔ, volói tii kaa pai a kɛɛ kalaa, hɛn yii a həɠə Huwalawala Kəlee Nąmu Yálá yəi.

Zooɛ 2:11

Yii kpɔ Yai-Laa woo kaa nii tɔɔi, nwɔ kɔlaɠai nwun na, lono və nwɔ kulaaɠaa diɛ, nuąi da nwoo pɔ mɛ̨nį kɛ, gbalai tɔɔ Yai-Laa nwɔ hvólói kɛnɛ̨i, mąą ɲɔwa, gbɛɛ ɓə a pɛli tɔɔ na?

Zooɛ 2:15

Ka tulu hvɛɛ Siɔn daai, ka hin noloɓo, ka ɲąąkpɔn gɛnɛ̨ɛ loloɓo.

Amɔsə 3:6

Da pɛli mɔ̨ɔ̨ di kɔ́ tulu hvɛɛ taai yii daai nuą hu hva pu diɛ? Mɛ̨nį nwąnąą ta a pɛli ə laa ta ɓa, akɛ hvo həɠə li Yai-Laa pɔ?

Amɔsə 5:18

Nuąi diɛ di kaa heei di Yai-Laa nwɔ mɛ̨nį kɛ hvólói mąąkpɔn, kpalo ɓɛlaai diɛ. Yai-Laa nwɔ hvólói tii, lə ɓə gaa pai pai la ka pɔ? Volói tii hvo a kɛɛ pɔ̨nɔ̨ hvóló, gaa a kpinį hvóló.

Amɔsə 8:2

Yai-Laa ə mą́ą́ləngɛ, yɛ mą́ą́: «Amɔsə! Lə ɓə ŋɛ̨i ə́ kaa gaai ɲə́i?» Ŋą́ nwoo ŋąąpənə, gɛ́ mą: «Kpɔlɔ ka tii, naahvɛɛ a wulu ɓa, gəlee daa kpɔlu.» Yai-Laa yɛ mą́ą́: «Israɛlə nu huwu ŋąąkpɛɛi lɔwai aa ɉəli, və́ pai di hɔn da mąąhvaalɛɛi.

Abdiasə 1:15

Mąąhɔlɔɓo, volói Yai-Laa kaa pai hį́i kəlee kiti teei la, mąą aa kpuɔ. Nąąlɔwai, pələi tii ə́ gɛ la a ə́ ɓɛlaa, pələ lɔ ɓə da gɛ la a yɛ́. Mɛ̨nį ɲɔ̨n tii ə́ gɛ, gwələ a kulɔ yɛ́.

Sofoni 1:14

Yai-Laa nwɔ hvóló kɛnɛ̨i mąą aa kpuwɔ, mąą aa kpuwɔ-o, gaa pai kpɔ a gɔwɔ mąąhulaa. Yai-Laa nwɔ hvólói, ɉələ kaa mɛ̨i, kɔkulaa yɛ tómą a wɔlɔ, yɛ mąąkilɛi kwɛli.

Sofoni 1:16

Gaa a hvólói túlu woo a tɔɔ ɉu, da kɔ́ mɛ̨i tómą woo, daaɠaai hįį kaa diɛ di mɛ̨i, da ɉįi mɛ̨i pɛlɛ́ɠaa.

Sofoni 1:7

'Ka ka laa pilɛ Ną́mu Yai-Laa lííla! Hvó gaai, Yai-Laa nwɔ hvólói mąą aa kpuwɔ. Yai-Laa aa nwɔ haláá hɛn bɛli, nuąi aa di təli, aa di mąąhəɠə.

Sofoni 3:11

Mąą yələi tii, hvó pai nwumɛ̨i, ə́ kɛ mɛ̨nį ɲɔ̨nwɔ̨ɔ̨ɠaa mąą mɛ̨nį ɓa, yɛ́ kɔ́ pɛlɛ mą́ą́. Gbala ə tɔɔ, nąąlɔwai, gbɔwɔ ɲąą kɛnɛ̨ nuąi tii, da kɛ di nwun dɛi, ŋą́ kɛ kɛa, a di hukalaa ə́ lɔwai, ɛlɛɛ, hvá kɛa humɛ̨ni kɛnɛ̨ kulɔ nwɔ́ yee mąąhəɠɛɛ nwuɔ̨.

Zakari 14:1

Hvóló ta kaa pai həlii, a Yai-Laa nwɔ kuui, da Ɉerusalɛmə mąąkpoloon, di hee daa kwəi, diɛ ɲąąkwɛlɛ.

Zakari 8:3

Yai-Laa yɛ diɛ: Gáá pai pənəi ŋį́ pa Siɔn pɔ pələ, gɛ́ hee Ɉerusalɛmə daa kwəi. Di kaa pai Ɉerusalɛmə laa heei, a «Kulɔ nwoo ɓa taa.» Ɛlɛɛ, diɛ Yai-Laa nwɔ yeei laa hee a, «Yee Mąąhəɠɛɛ.»

Lonon mo 10:2

«'Mo di túlú hveelɛ yɔw a wali kwɛli. Diɛ ɓə pai kɛi a nuą təli hɛn, a wala kɛ tii di muhəɠə túlú, di li mɛ̨nį ɓa.

Lonon mo 10:3

Ɓɛlɔwai da dúlú wooi tii mɛ̨n na, mąąnɛ̨ɛ̨ nuą kəlee di di ɲąąkpɔn ə́ lííla, gee kaa kələ laaləi.

Korɛntə dɔlɔɔ 14:8

Akɛ kɔ́-túlú hvɛɛ mun a wala vɛɛ a vɛɛ pələ, gbɛɛ ɓə a gɛ pələ pɛli gɔ́ mɛ̨nį ɓa?

Filipə 2:12

Yili ɓa, nwɛ́likɛmąą nuą, bələ ká kɛi lɛɛ nwoo mu laa kɛ la, a yələ kəleei, 'ká lɛɛ lɔ ka yee yili ɓa, yiihu, ə mą kɛ və́ laa ká pɔ, ká túwɔ́ pələ ə ká nwun mąąɓo mɛ̨nį too pono ɲą, káá ɲɔwu la, ká mąą yɛ kpɛlin.

Tɛsalonikə dɔlɔɔ 5:2

káá kpinįi ká gbaɠala gɔlɔn kpɔ hələ-tətə káá, gu Nąmu ŋą hvólói, gaa pai ɉəlii lɔ yɛ nwuɔ̨mun a pa a kpinį.

Zĩi 5:8

Káá kpɛlimąn, ká ká liikpələ, ká tɔɔ a nwalawalaa, mąąhɔlɔɓo, gu Nąmu pai lɔwai mąą aa kpuwɔ.

Piɛrə dɔlɔɔ 4:7

Hɛn gəlee ɲąąkpɛɛi lɔwai aa lɛɠɛ. 'Ká kili mɛ̨nį kɛ, 'ká yee ə pɛli ká koolon ma, káá pɛli Yálá hvɛlii.

M̀ɛni-lɛɛi 6:17

Hvo gaai, ɲələ aa ɉəli, yai a ŋą liiŋąnwąną hvóló kɛnɛ̨i, ɛlɛɛ, gbɛɛ ɓə pai kulɔi ɉu?»