Zôo 33:23 - Yálá laawoo hɛɓɛ (dc)

²³ Kɛlaa, ya lɔ ɓaa malaka ta ə lɛɠɛ mą, yii a kɛ a Yálá, da nu kanŋąą di lɔwai pɔn naa kulɔmun, tanɔ̨n di ɉəɠə waa lɔwai, yili a pɛli ə nu hiɛ pələ lɛ mą.

Yálá laawoo hɛɓɛ

²³ Kɛlaa, ya lɔ ɓaa malaka ta ə lɛɠɛ mą, yii a kɛ a Yálá, da nu kanŋąą di lɔwai pɔn naa kulɔmun, tanɔ̨n di ɉəɠə waa lɔwai, yili a pɛli ə nu hiɛ pələ lɛ mą.

Bible

²³ “Kɛ́lɛ Ɣâla ŋɔkéla wála támaai dɔnɔ a pâ a gɛɛ é kpɔŋ mâ tɛɛ bɔ́ é déniŋ tɔ́ɔ.

Zôo 33:23 ပူးပေါင်းရင်းမြစ်များ

Zɛnɛse 40:8

Diɛ mą: «Kwaa hįį kaa, nu hvo ku yəi, ə mukulɔ kuɔ.» Ɉosɛfə yɛ diɛ: «Kɛlɛi Yálá ɓə mɛ̨nį kəlee mukulaa kɔ́lɔn! 'Ka ɉukulɔ mą́ą́.»

Nehemi 9:33

Ə́ wɛi, mɛ̨nįɠaa kpɔ həli ku wɔ, ə́ tələnmoɔ ɉu, hvo gaai, ə́ ə́ wɔ tɛ̨ą lɛ ku wɔ. Kɛlaa, ku wɔ ɓə túwɔ́ a nwąnąlɔ pələ.

Zôo 11:6

A pɛli kɛ mɛ̨nį kɔ́lɔn mun gwəi kili lɛi yɛ́; yii gbaɠala kaa laa walaai a nu kili. Nąąlɔwai, yá gbaɠala kaa, yɛ́ diɛ Yálá a kɛ lɛ̨ąi ə́ hɔn daɠaa diɛ.

Zôo 34:10

Mɛ̨nį kɔ́lɔn nuą, ka ka wəli tɔɔ kɛa nwóó ɓa, mɛ̨nį ɲɔ̨n mąą kwɛai Yálá ɓa, hulu mɛ̨nį hva lɛɠɛ Huwalawala Kəlee Nąmu kwɛlɛ.

Zôo 34:12

Kɛlaa a tɛ̨ą, Yálá hva túwɔ́ pələ ɲɔ̨n gulɔ, Huwalawala Kəlee Nąmu hva tɛ̨ą mɛ̨nį kpəlaan.

Zôo 34:32

mɛ̨nį ɲɔ̨nŋąąi və́ gaa li, di lɛ mą́ą́ yɛ́ kpinįi, akɛ ŋą́ą́ mɛ̨nį ɲɔ̨n gɛ, və́ kɛa pai da kɛi.»

Zôo 35:14

Kɛlaa, yá ə́ liikpələ, yɛ́ kɛ diɛ hva gaa, yɛ́ diɛ; yáá ə́ mąą mɛ̨nį kəlee hukulɔ mą, ə́ kaa kɛa nąą mąąkpɔn ɉii.

Zôo 36:3

Gáá kpɔ nwɔ́ kili mɛ̨nį həɠəi kwɛa la, gɛ́ bɛ́li mun nwɔ tɛ̨ą lɛ.

Zôo 37:23

Gaa a Huwalawala Kəlee Nąmu, gu hva pɛli həlii ma, gɛnɛ̨ɛi yeetɛɛmąą laa hu, gɛnɛ̨ɛ tələnmolaa hu. Gaa a tələnmolaa Nąmu, hva nu ta nwɔ tɛ̨ą mɛ̨nį kpəlaan.

Zôo 9:3

Nu a kɛ bɔ ka yaa ka kiti kɛ́, ya pələ waa tɔ̨nɔ̨ ɓo, hva kpɛli dɔ̨nɔ̨ pulu pənə.

Zôo 9:33

Ku lɔwai tɔɔ mun a kɛ kɛ laa, ə pɛli gúlɔ ɲəi kɛi,

Mąątɛ̨nɛ̨ 119:75

Yai-Laa, ŋą́ą́ gɔlɔn gɛ́ diɛ, ə́ kwəi kiliɠaai haŋąąi, ɛlɛɛ, nwún mąąyɛɛ mɛ̨nį ə́ yəi, dɛ̨ą kaa ə́ pɔ.

Mąątɛ̨nɛ̨ 94:12

Nwun nanɛ̨ɛ̨mun maa a, nui Yai-Laa a ɉutɔɔ, a nui Yá mąąkwɛli a ə́ wɔ tɔn ɉon bələ.

Ikilisiati 7:28

mɛ̨nįi gáá gwɛlii a yələ kəlee və́ ni gaa li, ya ɓaa: hinąą waa-tɔ̨nɔ̨ lɔwai, ŋį́ hulɔnu tɔ̨nɔ̨ kaa laa, yɛ hulɔnulaa mɛlɛ kɛ mą. Kɛlaa, nɛ̨ą kpulu kɛnɛ̨ lɔwai, və́ dɔ̨nɔ̨ kpɛli kaa ɉu, yɛ nɛ̨ɛ̨nulaa mɛlɛ lɛɛ mą.

Azaya 59:16

Ə gaa, yɛ nu hvo laa, gwəi ə pili mą, mąąhɔlɔɓo, nu ta hvo kɛli da ɓo, ɲee kɔ́nwɔ̨n mə ɉəli ɓalo ɓo ɓa, ɛlɛɛ, nwɔ tələnmolaa ə kɛ a dɔɔ bulu mun.

Woolaa 3:32

A mɔ̨nɔ̨ laa nu mɛ̨i, a tinɛ̨n ə ɲɛ̨i mąąwɛli kaa, nwɔ ɲɛ̨imąąwɛlikaa kɛnɛ̨i.

Danîa 9:14

Yili ɓə gɛ, yáán, ə́ tee mɛ̨nį nwąnąąɠaa tii diɛ, di laa kuɔ. Yili ɓa, ku Ną́mu Yálá, ə́ haŋąąi ə́ kɛ mɛ̨nįɠaa kəlee hu, kɛlaa, ku wɛi, ku hvo kɛ ku kili lɛɛ li ə́ wɔ liɛwooɠaa hu.

Egaa 1:13

Aze yii gaa a Yai-Laa kwəi mɛ̨nį hu kulɔ mun, nwɛlɛɛ ŋɛ̨i Yai-Laa ə dɔɔ la, yii ə mo nuą diɛ, ə pənə nwɔ̨nɔ̨ yɛ diɛ: «Yai-Laa, yɛ diɛ: Gáá pai kɛi ka pɔ.»

Malasi 2:7

A tɛ̨ą, haláá laa həli mun gɛ kólo ɓaa, ə nuą mąąkwɛli a Yálá kɔ́lɔn mɛ̨nį, yaa tii ɓə nuą da pa bɔ, diɛ mąąnįn kɛ a kpaaləi mąąnɛ̨ɛ̨ di hiɛ la. Mąąhɔlɔɓo, ya ɓə gaa a Yai-Laa Mɛ̨nį Kəlee ŋą Hééɓomun laawoo laa həli mun nuą diɛ.

Malasi 3:1

Yai-Laa Mɛ̨nį Kəlee ŋą Hééɓomun kaa kɛi káá: Gáá nwɔ́ wɛlɛɛ ɓomu dɔɔi dɔ́wɔ́, ə pələ laa ɓo. Yálái ŋɛ̨i ka káá gwɛlii, gaa pai ɉee pɛlɛ́ mu, ɉu hvo kwɛa li. Nwɛlɛɛ ɓomu ŋɛ̨i ka káá mąąkpɔn ɉi, gaa pai nwɔ́ mįnɛ̨i laa həlii kaa. Gaa bələ ɓa, yɛ pa.

Gɛlaɠaa 8:30

Filipə ə gilɛ həɠə ə mąą lɛɠɛ laa, ə Etiopi mun ti woo mɛ̨n yɛ Yálá kwəi mɛ̨nį hukulɔ mun Esai nwɔ hɛɓɛ́ nąą ta ɓo, ə mąąni kɛ yɛ mą: «Ɉɛɓɛ́i ŋɛ̨i ə́ kaa moi, ə́ kaa ɲąą kaai?»

Lomaŋ 11:13

Káái ká hvo a Ɉuifəɠaa, káá ɓə gáá mɛ̨nį ŋɛ̨i ɓoi káá: Ɲą́ą́ ŋɛ̨i Yálá ə dɔɔ huwu takpɛliɠaa mąą mɛ̨nį ɓa, gáá a nwɔ́ kólói tii mąąɲįnɛ̨n,

Korɛntə veelɛ 5:20

Yili ɓa, Kristə laa hu ɓə, ku kaa la ɓɛ lɔi mɛ̨i, a ɲɛ̨i kɔw, ɛlɛɛ, ku pɔ pələ ɓə Yálá a ká təli la. Kristə laa hu, ku kaa nɛ̨ɛ̨mąą hvəə káá, kuɔ, 'ká ká kpɔwɔ lɛɛ laa, di ká lɔwai ponnaa kulɔ, ká Yálá ni ká yee ə lɔ gee hu.

Nwun mąąɓo 2:1

Yai-Laa nwɔ malaka ə həɠə Gilgalə, ə pa Bokimə, yɛ Israɛlə lonnii diɛ: «Ɲą́ą́ ɓə ka kulɔ Eziptə lɔi hu, ŋą́ pa a kaa nɔi ŋɛ̨i hu, yai ŋą́ naakwɛlanmo ka kalaɓɔlɔni diɛ. Ŋą́ mo diɛ, gɛ́ diɛ, mįnɛ̨i gu lɔwai, vá gala.