Zôo 33:15 - Yálá laawoo hɛɓɛ (dc)

¹⁵ Hįį pələ, da mɛ̨nįɠaa lɛ nu ɓa kpinii, ɓɛlɔwai yii kɛnɛ a nua hon na, di ɓo laa ni di wɔ gbinŋąąi ŋa diɛ yii.

Yálá laawoo hɛɓɛ

¹⁵ Hįį pələ, da mɛ̨nįɠaa lɛ nu ɓa kpinii, ɓɛlɔwai yii kɛnɛ a nua hon na, di ɓo laa ni di wɔ gbinŋąąi ŋa diɛ yii.

Bible

¹⁵ Tãi núu a kɛ̂ nyiî la a kpíni gɛ́ see ƃôi, Ɣâla a gɛ̀ é zĩ̂a káa.

Zôo 33:15 ပူးပေါင်းရင်းမြစ်များ

Zɛnɛse 15:12

Hvóló kɔ́w tooi lɔwai, yii kɛnɛ̨ ə tɛɛ a Abramə, ɲɔw kɛnɛ̨ ə yɛɛ la.

Zɛnɛse 20:3

Kɛlaa, kpinįi, Yálá ə gbɔwɔ lɛ Abimelɛkə ɓa hįį pələ, yɛ mą: «Nɛ̨ɛ̨nui ŋɛ̨i ə́ ɉəɠə, hilɛ kaa mą, ya wala nɛɛ laa, ə́ kaa pai haai mąą mɛ̨nį ɓa.»

Zɛnɛse 31:24

Kɛlaa, kpinįi, Yálá ə gbɔwɔ lɛ Aramə mun Laban ɓa hįį pələ, yɛ mą: «Hvo kɛ ə́ kaa mɛ̨nį ɲɔ̨n gɛi a Ɉakɔbə.»

Zɛnɛse 46:2

Mąą kpinįi tii hu, Yálá ə Israɛlə təli a naa, hįį pələ, ə pələ ɓo mą, yɛ mą: «Ɉakɔbə! Ɉakɔbə!» Ɉakɔbə ə hvaa, yɛ mą: «Nwə́li tɔɔi!»

Zôo 4:12

Woo ta ə həli mą́ą́ loo hu, woo ta ə pa gíli pɔ, nwə́li ə ɲii-ɲii woo mɛ̨n.

Zôo 4:13

Ɓɛlɔwai nu nwɔ kiliŋąhiɛ a ɉu pu la mą, a hį́i tamąą kaa yii nwun və mą. Ɓɛlɔwai yii kɛnɛ̨ a nuą hon na,

Ɉeremi 23:28

Yálá kwəi mɛ̨nį hukulɔ mun yii a hįį kaa, ə nwɔ hįį woo hukulɔ. Kɛlaa, yii ŋį́ mɛ̨nį ɓo mą, ə nwóó hukulɔ a ɉaŋąą. Yai-Laa woo ka, yɛ diɛ: «Akɛti, mɔ̨nun gɔw da gala di pɛliɛ mɔ̨ɔ̨?

Danîa 2:1

Nabukodonosorə nwɔ tɔɔlaa gwɛlan veelɛ lɔwai, ə hįi kaa, ɉįi tii ə gwəipili kpɔ ma kɛnɛ̨, hvo yii.

Danîa 2:19

Nąąlɔwai, Yálá ə hvaa mą, ə mɛ̨nį loɔ tii lɛ Daniɛlə ɓa a kpinį hįi pələ. Daniɛlə ə nɛɛmą, Yálá yii gaa yələkɔlɔn ɉu, ə ɉɛɠɛɛ ɓo.

Danîa 4:5

Hvo kɛli kɛa pulu ɓa, Daniɛlə yii ŋą́ nwɔ́ yálái Bɛltsasarə laa hee mą, a naa mɛ̨i hee, yaai tii ɓə Yálá Hulú Nii kaa mɛ̨i, yaai tii ɓə ŋą́ nwɔ́ hįi mąą mɛ̨nį ɓo mą.

Danîa 8:18

Ɓɛlɔwai tii ə kɛi hvaa la bɔ́, ŋą́ kɛ pɛlɛ ni nɔi ɓa, gwə́i pilɛɛ mą́ą́. Nąąlɔwai, ə ɲee too ɉú, ə muhəɠə ə dɔɔ ɓɛi tii ŋą́ kɛ laa.

Lonon mo 12:6

Yɛ diɛ: «Ka ka wəli tɔɔ nwóó ɓa. Nu ta a kɛ ka lɔwai a gwə́i mɛ̨nį hukulɔ mun, ɲą́ą́ Yai-Laa, ŋą́ gbɔ́wɔ́ lɛ hįį pələ, gɛ́ mɛ̨nį ɓo mą.

Maafîu 2:12

Yili pulu, Yálá ə di kilaa pono hįį pələ yɛ diɛ: «Ka hvo pənə ka hvo tɛɛ a tɔɔmun Herodə pɔɔli pələ.» Di tɛɛ a pələ ta kpɛli, diɛ li di wɔ lɔi hu.

Maafîu 27:19

Ɓɛlɔwai Pilatə ə kɛ heeni la gití tee kpəlin ɉu, nɛ̨ą ə wəlɛɛ tɔɔ yɛ di moi mą, diɛ mą: «Ə́ laa kulɔ nu haŋąą ŋɛ̨i mąą mɛ̨nį hu, hvo mɛ̨nį lɔpee ta kɛ la. Mąąhɔlɔɓo, ŋį́ háá mɔ̨nɔ̨ mį́į́ kpɔ kɛnɛ̨, a kpinį hįį pələ mąą mɛ̨nį hu.»

Hebreu 1:1

Yálá ə gbɛa tɔlɔɔ kɛ pələ ɓoi gu nąnni diɛ, geemɛ̨i tamąą, kpaalə tamąą hu, gwəi mɛ̨nį hukulɔ nuą laaləi,