Zôo 31:27 - Yálá laawoo hɛɓɛ (dc)

²⁷ akɛ yili ta ə́ níí hon, gɛ́ di kaa a nwɔ́ yálá, gɛ́ kwɛli hvilɛn diɛ,

Yálá laawoo hɛɓɛ

²⁷ akɛ yili ta ə́ níí hon, gɛ́ di kaa a nwɔ́ yálá, gɛ́ kwɛli hvilɛn diɛ,

Bible

²⁷ Ḿve ta wɔ́lɔ ńyee see-ni dímu, kpaa máŋ ŋá ƃaa kɛ́-maa tɛ́ɛ dí pɔ́ pere sîi kélee da su.

Zôo 31:27 ပူးပေါင်းရင်းမြစ်များ

Tɔɔɓɛlaa dɔlɔɔ 19:18

Kɛlaa, gáá pai nu kpəli wolo lɛɛi Israɛlə a nu waa mɛ̨ihveelɛ diɛi di hvo ta pɛlɛ li di liiɓa, di hvo kwɛli hvilɛn Baalə ɓa.»

Zôo 31:26

ɓɛlɔwai ŋą́ hvóló nwɔ kɛɛ pɔ̨nɔ̨ kaa la, gɛ́ ɲąnin voló lɛlɛɛ kaa yɛ pa,

Zôo 31:28

Yili ə li kɛ a kiti kala mɛ̨nį mą́ą́ nwun, mąąhɔlɔɓo, ŋį́ li lənə la Yálái yələi mą.

Mąątɛ̨nɛ̨ 2:12

'Ka mąąwiɛ tɛɛ Non bɔ, hvo pa nəi níiholi, ka nwun na hvo nee pili bələi, nwɔ liiholi a kulɔ lɔ tanɔ̨n. Nui a mąąkilɛ nįnįn mu, mąą nu nwun na nɛ̨ɛ̨i ɓə.

Azaya 44:20

Luwu kpɛli-kpɛli ɓə kanąn ŋąą mą, gili ɲąą pɛlɛ pələ, yɛ gbɔwɔ nwun ɉu lan; hvo pai kulɔi ɉu! Yələ ta, hvo pai kɛi diɛ: «Ɉɛn ɲɛ̨i ɲə́i, aa ɓowo hɛn gbɛli kpɛli ɓəi?»

Izikiɛ 8:16

Ə li a ɲą́ą́ Yai-Laa hee pɛlɛ́ mu pələ; Yai-Laa hee pɛlɛ́ laaləi, ɲįmąn mu da ɉaláá kulɔi di lɔwai, hinąą pow hveelɛ gɔw lɔɔli pɔɔla di kɛ laa, di pulu tinɛ̨nŋąą Yai-Laa kɔ́i ɓa, di ɲɛ̨i həɛ hvóló ɓɛlan bələ; di kɛi pɛlɛ nɔi ɓa hvóló ɓɛlan bələ, diɛ kwɛli hvilɛn hvóló ɓa.

Osia 13:2

Ɛlɛɛ, ə mą kɛ yiihu, di yee kaa lɔ nɛ̨ŋɛ̨n ɉu, da di yəi wali həɠeen, diɛ haliɠaa pɛli la, a yɛlɛ; yɛlɛ kɛ nuą kɛ kólo lɔ li. Di mąą mɛ̨nį ɓə da kɛ kɛi la diɛ: «Da nu kanŋaa kulɔ a haláá, diɛ kwɛli hvilɛn nįŋɛ̨ lon ɉaliɠaa diɛ.»

Lomaŋ 1:21

Mąąhɔlɔɓo, bələi mąn di Yálá kɔ́lɔn na gɛ mɛ̨nįɠaa kəlee hu, di hvo gɛ li di hvo mąąwiɛ, di hvo ɉɛɠɛɛɓo, yɛ bələi mąąnɛ̨ɛ̨ la. Kɛlaa yaamun di di wɔ kiliŋąhiɛ mąą a kwɛa Yálá ɓa, di hvilɛn ŋąą la ɓowo mɛ̨nį pulu, diɛ ɓo la a kpinį ŋą luwɔɠaa.

Lomaŋ 1:28

Yii di hvo gɛ li di hvo Yálá kɔ́lɔn, ya ɓə gɛ, Yálá ə di lɛɛ laa di lɔ di kpɔkpɔɔ kili ɲɔ̨nwɔ̨ɔ̨ ti hu, yii kɛ mąą hvo nɛ̨ɛ̨li nu hvo gɛ, diɛ gɛ.

Dutɛrɔnome 11:16

Ka gɛ a nɛlɛɛ, ka hvo nɛɛ laa di hvo ka kili ŋąąpɛlɛ; di hvo ka nwun ɉu lan; kaa li tɔɔi kaa tí haliɠaa diɛ; kaa kwɛli hvilɛn diɛ.

Dutɛrɔnome 13:6

Nui tii gbɔwɔ kɛ a Yálá kwəi mɛ̨nį hukulɔ mun, nwɛi, a wala kɛ tii, ɉį́i kaamun tii, mąąnɛ̨ɛ̨ ka di paa. Mąąhɔlɔɓo, aa nuą ɲąątɔɔ a di lənə mɛ̨nį Yai-Laa ka wɔ Yálái ɓa, yaa tii ka kulɔ Eziptə lɔi hu, yɛ ka kulɔ luwɔ pɛlɛ́ mu. Bələi ŋɛ̨i Yai-Laa ka wɔ Yálá ə ka hvilɛn mɛ̨i, nui tii ə kɛ bɔ, ə ka həɠə mɛ̨i. Mąąnɛ̨ɛ̨ ka mɛ̨nį ɲɔ̨n gɛmun gulɔ ka lɔwai.

Dutɛrɔnome 4:19

Hvó ə́ ɲɛ̨i tɛ yələi, yá, hvóló, ɲąnin da pɛmɛ̨lɛ̨n-gɔw, ə mą kɛ yələ kwəi hɛnŋąą kaa, hvó pa nəi nɛɛ laa di hvo ə́ ɓowo, yɛ́ kwɛli hvilɛn diɛ. Yai-Laa ka wɔ Yálái ɓə ɉɛnŋąą tii pɛli lɔi mɛ̨i hee ɓo nuą kəlee mąą mɛ̨nį ɓa.