Zôo 28:28 - Yálá laawoo hɛɓɛ (dc)

²⁸ Yili pulu, ə mo nu kanŋaa diɛ, yɛ diɛ: «Nu a ɲɔw Nąmu Yálá ɓa, yili kaa a kilimąą mɛ̨nį! Nu a mąą kwɛa mɛ̨nį ɲɔ̨n ma, yili kaa a mɛ̨nį kɔ́lɔn ŋąą!»

Yálá laawoo hɛɓɛ

²⁸ Yili pulu, ə mo nu kanŋaa diɛ, yɛ diɛ: «Nu a ɲɔw Nąmu Yálá ɓa, yili kaa a kilimąą mɛ̨nį! Nu a mąą kwɛa mɛ̨nį ɲɔ̨n ma, yili kaa a mɛ̨nį kɔ́lɔn ŋąą!»

Bible

²⁸ “Ɣâla è m̀o núu-kpune ma a gɛɛ à kɛ̀ ŋ̀wɛ̂lii é táre sɔlɔ ƃó, fɛ̂ɛ é yao ǹyaa Ɣâla ma. À kɛ̀ ŋ̀wɛ̂lii a gɛɛ é táre, fɛ́ɛ é bôlu tɔɔ mɛni nyɔ́mɔɔ kɛ́ɛ ma.”

Zôo 28:28 ပူးပေါင်းရင်းမြစ်များ

Tɔɔɓɛlaa dɔlɔɔ 18:3

Akabə ə Ovadiahu təli, ya ɓə kɛ dɔɔ pɛlɛ́ nwun na, Ovadiahu yaan, ə kɛi ɲɔw Yai-Laa ɓa kpɔ kɛnɛ̨.

Zôo 1:1

Nu ta ə wɔlɔ kɛ Usə lɔi hu, a hulɔnu ta, diɛ kɛ mą: Ɉobə. Ə kɛ a nui dúwɔ́ pələ lɛlɛɛ, nwɔ mɛ̨nį haŋąą; yɛ ɲɔw Yálá ɓa, ɛlɛɛ, yɛ mąą kwɛa mɛ̨nį ɲɔ̨n ma.

Zôo 28:12

Kɛlaa, kili mɛ̨nį nwɛi, mįnɛ̨ ɓə a hɔlɔɓo laa? Mįnɛ̨ ɓə mɛ̨nį kɔ́lɔn ŋąą kaa laa.

Zôo 28:20

Akɛti kan, kili mɛ̨nį a həɠə mį? Mįnɛ̨ ɓə mɛ̨nį kɔ́lɔn ŋąą a həɠə laa?

Zôo 28:27

nąąlɔwai ɓə ə kili mɛ̨nį kaa la, nwɛli ə too mą; ə gɔwɔ hvilɛn.

Mąątɛ̨nɛ̨ 111:10

Kili kɛ ɲəi kpalatɔɔi ɓaa, nu ə ɲɔw Yai-Laa ɓa, nuąi da yili kɛ, yɛnɛ̨ɛ̨ hon bələ mąą gbąnąlaa kaa di yəi; di kaa pai kɛi dɛ̨nɛ̨i a yələ kəlee.

Mąątɛ̨nɛ̨ 34:14

Mąą nu ə nɛ̨n ɉon gan mɛ̨nį ɲɔ̨n dɔwɔ, ə ɲee kɛ naaləi ɓa, hvo laa mąąhiɛ kɛ.

Mąątɛ̨nɛ̨ 94:10

Yai a lɔiɠaa hutɔɔ, hva pɛli mɔ̨ɔ̨ hutɔɔ kɛi? A Yai ti mɛ̨nį kɔ́lɔn gili tɛɛ nu pɔi!

Hanwon 1:7

Nu ɲɔwɔ Yai-Laa ɓa ɓə gaa a kili mɛ̨nį kəlee kɔ́wɔ tɔɔi. Kilikpɛɛɲəi nuą di hva kili mɛ̨nį ɓɛlɛ kɛ mą, da liɛwoo.

Hanwon 13:14

Kilimąą mun a mɛ̨nį lɛ nu ɓa, gaa a yɛnɛ̨ɛ̨ yáton, a gɛ, nu yɛ pɛli haa nwɔ hɛlɛnŋąą mąąlaai.

Hanwon 14:16

Kilimąą mun a ɲɔw mɛ̨nį ɲɔ̨n ma, yɛ mąąlaa. Kilikpɛɛɲəi mun nwɛi, a níiholi, ɲɔw hvo ɉu.

Hanwon 16:17

Nu haŋąąɠaa kpaalə ɓaa, di di mąą kwɛa mɛ̨nį ɲɔ̨n ma. Mąąhɔlɔɓo, nu túwɔ́ pələ yɛlɛ kɛɛ a nu nwɔ yɛnɛ̨ɛ̨ mɛ̨i kaa.

Hanwon 16:6

Ɲɛ̨imąąwɛli kaa da lɛɛ nwoomulaa da nɛ̨ŋɛ̨n nwaa, Yai-Laa nwɔ ɲɛ̨i ɲɔw mąąlaa yɛ nu pulu tɔɔ mɛ̨nį ɲɔ̨n ma.

Hanwon 3:7

'Hvó kɛ ə́ kpɔwɔ ɲɛ̨i ɓa a kilimąą mun, ɲɔw Yai-Laa ɓa, ə́ ə́ pulu tɔɔ mɛ̨nį ɲɔ̨n ma.

Hanwon 8:13

Nui a mɛ̨nį ɲɔ̨n nwɛli kpɛɛ mą, a kɛ tii, aa ɲɔw Yai-Laa ɓa. Ɲą́ą́ nwɛ́i, kpɔwɔ ŋąą kɛnɛ̨ da ɲɛ̨itɛ di wɛli hvo mą́ą́. Túwɔ́ pələ ɲɔ̨n da lɛɛ hvaa, di wɛli hvo mą́ą́.

Hanwon 9:10

Nu a ɲɔw Yai-Laa ɓa, yili ɓə a kili mɛ̨nį kɔ́wɔ tɔɔi, nu mąąhəɠɛɛɠaa di wɔ mɛ̨nį kɔlɔn ŋąą, ɓə gaa a nwun gɛ ɉu mɛ̨nį.

Ikilisiati 12:13

Mɛ̨nįɠaa kpɔ ɓo ɉɛɓɛ́i ŋɛ̨i hu, nwoo laa kulɔ ka: Yii mąąnɛ̨ɛ̨ nu lonnii di gɛ, ya ɓaa: Di Yálá mąąwiɛ, di nwɔ tɔn nwooɠaa pɔ mɛ̨nį kɛ, a lɛɛ nwoo mulaa. Mąąhɔlɔɓo, yili ɓə bɛliɛi nu lonnii diɛ.

Azaya 1:16

'Ka ka waa, ka ka mąąhəɠə, 'ka ka wɔ nwąnąlɔ túwɔ́ɠaa mąą kwɛa mą́ą́, 'ka kpəla mɛ̨nį ɲɔ̨n ma

Dutɛrɔnome 4:6

Mąąnɛ̨ɛ̨ ka ka yee kɛ diɛ, ka di pɔ mɛ̨nį kɛ. Yili ɓə a ka kɛ a kilimąą nuą da mɛ̨nį hukpɛ nuą, nuąi pai dɔ́nŋąą tii mɛ̨n ɉii di ɲɛ̨i ɓa, diɛ kɛ diɛ: «Nu kpulu kɛnɛ̨i ŋɛ̨i kaa a nu huwu kilimąą, diɛ ɓo a mɛ̨nį hukpɛ nuą.»

Timote veelɛ 2:19

Ə mą kɛ ləi, bɛlɛ́ kɔwɔ hvilɛn gwɛnii Yálá ə naa, gaa laani naai. Gɔlɔn ɉɛn maa a Nwoo ŋɛ̨i: «Gu Nąmu ə nwɛiɠaai kɔlɔn.» Ɛlɛɛ nwɔ̨nɔ̨: «Nui lɔpee a gu Nąmu hvɛli, ə mąą kwɛa mɛ̨nį ɲɔ̨n ma.»

Piɛrə dɔlɔɔ 3:11

Ə bulu tɔɔ mɛ̨nį ɲɔ̨n ma, ə mɛ̨nį lɛlɛɛ kɛ, ə vaŋąlɔ ə liilaa kwɛli ɛlɛɛ, ə hvilɛn bulu.