Zôo 24:1 - Yálá laawoo hɛɓɛ (dc)

¹ Lə mɛ̨nį ɓa, Huwalawala Kəlee Nąmu hvo kɛ hvóló taɠaa lɛɛ li ɲee pulu, yɛ nwɔ mɛ̨nįɠaa kiti tee la; ɛlɛɛ, nwɛlikɛmąą nuą di kɛ a volóɠaa ti kɔ́lɔn ŋąą?

Yálá laawoo hɛɓɛ

¹ Lə mɛ̨nį ɓa, Huwalawala Kəlee Nąmu hvo kɛ hvóló taɠaa lɛɛ li ɲee pulu, yɛ nwɔ mɛ̨nįɠaa kiti tee la; ɛlɛɛ, nwɛlikɛmąą nuą di kɛ a volóɠaa ti kɔ́lɔn ŋąą?

Bible

¹ Ŋ̀wála-wâla kélee Ɣalai fé nîi tãi kpɛtɛ ní a gɛɛ é ŋ̀wana-lɔ̂ɔ-ƃelai dí mɛnii ŋá tée. Lé mɛni ƃé bôlu-ƃelai dífe nîi gáa ní gɛ́ zɔnyɔ̂ŋ-ƃelai dí mɛnii ŋá tèei?

Zôo 24:1 ပူးပေါင်းရင်းမြစ်များ

Zɛnɛse 18:17

Yai-Laa ə mo gbɔwɔ ɓa yɛ mą: «Mɛ̨ni gáá lii gɛi vá pɛli nooi Abrahamə ɓa.

Zɛnɛse 7:4

Hvo gaai, aa lɛɛ pulu a lɔwɔ tɔ̨nɔ̨, gáá pai tulɔ pui hvóló pow nąąn kpinį pow nąąn ɲee mu, nɔ̨ɔ̨nɔ̨ɔ̨ hɛnŋąąi kpɔ ŋį́ di pɛli, ŋį́ gəlee nwun na pili.»

Zôo 15:20

«Mɛ̨ni ɲɔ̨n gɛ mun nwɔ yɛnɛ̨ɛ̨ kaa lɔ a mɔ̨nɔ̨ mįi, mɛ̨nį ɲɔ̨n gɛ mun nwɔ yɛnɛ̨ɛ̨ kpɛlai kaa mą.

Mąątɛ̨nɛ̨ 31:15

Kɛlɛɛi Yai-Laa, gílitɔɔi yɛ́, ŋą́ kɛ diɛ: «Yɛ́ ɓə a nwɔ́ Yálá.»

Mąątɛ̨nɛ̨ 36:10

Mąąhɔlɔɓo, ə́ pɔ pələ ɓə yɛnɛ̨ɛ̨ nwun gulɔi kaa laa; kuɔ kɛɛ pɔ̨nɔ̨ kaa ə́ wɔ kɛɛ pɔ̨nɔ̨i hu.

Mąątɛ̨nɛ̨ 9:10

Nuąi di kaa di mɔ̨nɔ̨ɓoi, Yai-Laa, kɛ a di mąą kɔ̨nwɔ̨ taa, a di mąą kɔ̨nwɔ̨ taa, a mąąwɛli yələɠaa.

Ikilisiati 3:17

Yili ɓə gɛ, gɛ́ gbɔ́wɔ́ ɓa: Yálá kaa pai nu haŋąą da nwąnąlɔmun di kiti teei. Mąąhɔlɔɓo, mɛ̨nį kəlee da nwɔ yələ ɓə, ɛlɛɛ, Yálá kaa pai nu kɛ mɛ̨nįɠaa kəlee kiti teei.

Azaya 2:12

Yai-Laa Mɛ̨nį Kəlee ŋą Hééɓomun, aa hvóló ta həɠə ɉu, ə gɛ, ə kiti tee, nuąi da di kpɔwɔ kaa a nu kpɛa-kpɛa, di hunɛ̨ɛ̨, a di mąą yɛɛ.

Azaya 60:22

Nolokolo laamun, gaa pai kɛi a nu waa tɔ̨nɔ̨, nui kpɔ nogolo tiikpə, a kɛ a lɔi hvąŋą kɛnɛ̨. Ɲą́ą́ Yai-Laa, nąąlɔwai a həli, ŋį́ gɛ ɉa ɉa.

Ɉeremi 46:10

Kɛlaa volói tii, gaa a Nąmu Yai-Laa Mɛ̨nį Kəlee ŋą Hééɓomun nwąną kulɔ hvóló, yɛ nwąną kulɔ ɲowoɠaa diɛ. Kɔ kɔ́ ɓɔwa kaa paa ɓo kɛi, yɛ pilɛ, yɛ pilɛ ɲąmą hu. A tɛ̨ą Nąmu Yai-Laa Mɛ̨nį Kəlee ŋą Hééɓomun, gaa paa ɓo kɛnɛ̨ kɛi ɲánwuɔ̨ pələ Eufratə kwɛlɛ.

Danîa 2:21

Ya ɓə a mɛ̨nįɠaa maa hvalin, yɛ lɔwaiɠaa mąą pənə. Yɛ tɔɔɓɛlaa həɠə di wɔ tɔɔ kpəlin ɉu, ə lɛɛ, ya ɓə a tɔɔmun ɉee. Yɛ kili tɛɛ nuą pɔ, diɛ kɛ a kilimąą nuą. Yɛ mɛ̨nį kɔ́lɔn ŋąą tɛɛ nwun gɛ ɉu nuą pɔ, ə lɛɛ,

Abdiasə 1:15

Mąąhɔlɔɓo, volói Yai-Laa kaa pai hį́i kəlee kiti teei la, mąą aa kpuɔ. Nąąlɔwai, pələi tii ə́ gɛ la a ə́ ɓɛlaa, pələ lɔ ɓə da gɛ la a yɛ́. Mɛ̨nį ɲɔ̨n tii ə́ gɛ, gwələ a kulɔ yɛ́.

Sofoni 1:7

'Ka ka laa pilɛ Ną́mu Yai-Laa lííla! Hvó gaai, Yai-Laa nwɔ hvólói mąą aa kpuwɔ. Yai-Laa aa nwɔ haláá hɛn bɛli, nuąi aa di təli, aa di mąąhəɠə.

Maafîu 24:38

Mąąhɔlɔɓo, ɲanwana hvo nii kɛ pa li, nuą di kɛi di liiɓa kɔ̨nɔ̨n mį́į́, diɛ di kpələ yɛ pələi di kɛ la bɔi, diɛ húlú nįnɛ̨ lɔ a di kpɔɔ nwɔɔ, ə lɛɛ diɛ di lonnii nɛ̨ą tɛɛ hilɛtaai, ə lɛɛ la ɉu volói Noe ə lɔ la gələn ɉu ə həli.

Ɉaan 17:3

Yaan, yɛnɛ̨ɛ̨ hva kpɛɛ ɓaa, di ə́ kɔ́lɔn a Yálá tanɔ̨n, yai a kpɔ-kpɔ, da Jesus Kristə yai Ə́ dɔɔ.

Gɛlaɠaa 1:7

Jesus ə di woo ŋąą pənə yɛ diɛ: «Yii hvilɛn na ɲələi ti kɔ́lɔn mɛ̨nį ɓa, ka wɔɔ naa hvəli, Ną́n yaa kpinįi ɓə ɲələ kɔlɔn, ə ɉee a nwɔ Hééɓolaa.

Gɛlaɠaa 17:26

Ə nu huwu kəlee kulɔ nu tɔ̨nɔ̨ hu, diɛ hee lɔi mɛ̨i nąą kəlee. Ə nuąi ti di wɔ yɛnɛ̨ɛ̨ ɲɛ̨nnaa, ə di heeiɠaa ɲɛ̨nnaa.

Lomaŋ 2:5

Kɛlaa, ə́ wɔ kili walawala pələ, da ə́ wɔ lii ɲɔ̨n bələ ə́ gwəi, hvó bɔ hvo ə́ wɔ túwɔ́ pələ ɲɔ̨nŋąa mąąhvalin. Yili ɓa, Ɲələi Yálá kaa pai nwɔ kiti haŋąai teei la, akɛ tii, ə́ kaa Yálá nwɔ liiholui ɲąątɔɔi ə́ kpɔwɔ ɓa;

Tɛsalonikə dɔlɔɔ 5:1

Yii hvilɛn na ɲələ da nąąlɔwai ɓa, ną́n nonnii, ká wɛi, ə mą kɛ di hvo bɛ̨ɛ̨ li di hvo dɛɛ káá;

Timote dɔlɔɔ 4:1

Yálá nwɔ Kilii a mo kpɔ a neelee yɛ, vóló gbɛla mąąɠaa ŋɛ̨i hu, nu tamąą kaa pai laa na pələ lɛɛi, diɛ hvilɛn di ɓowo nuą woo pulu, ɛlɛɛ da kalan ɉuwuɠaai a həɠə ɲinɛ̨nŋaa pɔ;

Timote dɔlɔɔ 6:15

guui tii ɉəɛɛ, ɲələ a pa ɉəlii, Nwun na nɛ̨ɛ̨mun, a Hééɓomun danɔ̨n gbən, tɔɔɓɛlaa di wɔɔ Tɔɔmun, a nąmuɠaa kəlee di Nąmu,

Piɛrə veelɛ 2:3

Ə lɛɛ, di wɔ hɛn nwɛli laa mąą mɛ̨nį ɓa, di kaa pai kɛi tooi ka mɛ̨i, diɛ hɛn gulɔ ka yəi a lɛɛ woo, kɛlaa, di kiti tee mun gɛ pələ pɛliɛi ə di kiti tee, ə lɛɛ, di wɔ nwun napili hu hvo kwɛa li.