Zôo 11:7 - Yálá laawoo hɛɓɛ (dc)

⁷ Gaa ə́ kwəi ə́ Yálá kwəi kili kɛnɛ̨ pələ kɔ́lɔn, yɛ́ kɛ ə́ Huwalawala Kəlee Nąmu, nwɔ kiliŋąhiɛɠaa kɔ́lɔn?

Yálá laawoo hɛɓɛ

⁷ Gaa ə́ kwəi ə́ Yálá kwəi kili kɛnɛ̨ pələ kɔ́lɔn, yɛ́ kɛ ə́ Huwalawala Kəlee Nąmu, nwɔ kiliŋąhiɛɠaa kɔ́lɔn?

Bible

⁷ Ya pɔ̂ri târei Ɣâla kɛ́-mɛni maa pɔlɔ-pɔlɔɔ-ŋai su? Ya pɔ̂ri kpîŋ târei Ɣâla maa tɔ̃yâ da ŋɔtárei su?

Zôo 11:7 ပူးပေါင်းရင်းမြစ်များ

Zôo 22:12

Yálá hvo mɔ̨ɔ̨ yələi pələ, Pɛmɛ̨lɛ̨n gɔwɠaa kaa, pələi di kaa la yələi.

Zôo 26:14

Akɛ gɛ koló pɛlɛɛ-pɛlɛɛɠaa lɔ ɓə ti, diɛi gwa di mɛ̨i pələ mɛ̨n nɔ tiikpə, gbɛɛ ɓə a pɛli gɛ mɛ̨nį kpɛa kpɛaa ŋąą kaai?

Zôo 27:11

Gáá Yálá nwɔ hoɓon naa lɛi kaa. Və́ pai Huwalawala Kəlee Nąmu kiliŋąhiɛ pələ looi kaa.

Zôo 33:12

Yili ɓa Ɉobə, ŋą́ kɛ yɛ́ tɛ̨ą hvo ə́ pɔ; mąąhɔlɔɓo, Yálá tɛɛi nu ɓa.

Zôo 33:13

Lə mɛ̨nį ɓa ə́ kaa hvaa kwɛlii Yálá ɓa, Yaai hva mɛ̨nį ta pɔɔ kulɔi?

Zôo 35:5

Ə́ ɲɛ̨i hee yələkɔlɔn ma, ə́ gaa, bələi tulɔ kpinįnŋąą da tɛɛ la ə́ nwun mɛ̨i, bələ kaa.

Zôo 36:26

Yálá kɛnɛ̨ pələ mąąkpɛɛ, gu hva pɛli gbaɠala kaa, nu hva pɛli nwɔ kwɛlan nonon ɉii.

Zôo 37:23

Gaa a Huwalawala Kəlee Nąmu, gu hva pɛli həlii ma, gɛnɛ̨ɛi yeetɛɛmąą laa hu, gɛnɛ̨ɛ tələnmolaa hu. Gaa a tələnmolaa Nąmu, hva nu ta nwɔ tɛ̨ą mɛ̨nį kpəlaan.

Zôo 37:5

Yálá kaa tomąi, naa woo yɛ kpalo kulɔ, yɛ mɛ̨nį kpɛ-kpɛa kɛ a kwəi pili mąą.

Zôo 42:3

Ə́ kɛ mą́ą́: «Gbɛɛ ɓaa yɛ́, yɛ́ pɛli gɛ́ mɛ̨nįɠaa hu pui a ɓowoɠaa ɓoɔ?.» Kɛlaa, ŋį́ kɛ dɛ́ɠii, və́ kɛ gbaɠala kɔ́lɔn. A tɛ̨ą, mɛ̨nįɠaai kɛi gwə́i pili mą́ą́, ŋį́ tunwɔ̨n diɛ dɛ́ɠii.

Zôo 5:9

Ya ɓə a mɛ̨nį kpɛa kpɛa kɛ, yii nu kili hva gbaɠala kaa. Mɛ̨nį kpɛa kpɛai nu hva pɛli nonon ɉii.

Mąątɛ̨nɛ̨ 139:6

Gɔ́lɔ́n bələ taaləi tii ə́ yəi, yili yee tɛɛi mą́ą́, Nąnŋąąi mɛ̨́i, vá pɛli həlii mą!

Mąątɛ̨nɛ̨ 145:3

Yai-Laa kɛnɛ̨i, Mąąnɛ̨ɛ̨i lɔ di mąątɛ̨nɛ̨, nu hva pɛli gɛnɛ̨ pələ kiliin ɉi.

Mąątɛ̨nɛ̨ 77:19

Ɓɛlɔwai ə́ wɔ yələ gbąnąąi ə kɛi pola la, Mąną-mąnąɠaa diɛ lɔi mɛ̨i pɔ̨nɔ̨, lɔi ə tumo, ə kpɛlin.

Hanwon 30:4

Gbɛɛ ɓə aa ta tɛ yələi, aa pənə aa yɛɛ? Gbɛɛ ɓə aa ta hvaŋą hon aa ɲee laa kpulu mą? Gbɛɛ ɓə aa ta yá pu mąą həɠə hu, aa gbulɔn? Gbɛɛ lɔi ɲɛn naa? Mąą nu laa ɓaa gbɛɛ? Non naa ɓaa pai kɛi a gbɛɛ? Gbaɠala lɛ mą́ą́ akɛ ə́ gɔlɔn?

Ikilisiati 3:11

Yálá ə mɛ̨nį kəlee lɛlɛ ə bɛli nwɔ yələ ɓa. Mɛ̨nįɠaai Yálá ə gɛ, di lɛlɛɛi lɔ a di wɔ yələ. Ɛlɛɛ, Yálá ə Yálá-taa kili too nu hu. Kɛlaa, ə mą kɛ tii, nu hva pɛli Yálá kɛ mɛ̨nįɠaa kɔ́lɔn ɉi, ə həɠə kpɔ gɔwɔ tɔɔi yələ ɓa, ə həli la naa kulɔi ɓa.

Ikilisiati 7:24

Mɛ̨nįi gaa ju, ŋąą kɛnɛ̨ pələ, da gbon ɉu kwɛa pələ, gbɛɛ ɓə a pɛli gbaɠala kəlee kaai?

Azaya 40:28

Gbaɠala hvo mɔ̨ɔ̨ yɛ́, ɛlɛɛ, hvo ta mɛ̨n ni diɛ kɛ diɛ: Yai-Laa ɓə yələ kəlee Yálá? Ya ɓə lɔi piliɛ gee mɛ̨i pɛli, vii hva kpɛɛ, vaŋą ta hva kulɔ mą; nu hva pɛli nwɔ kili kɛ ɲəi laa kɔ́lɔn ɉii.

Maafîu 11:27

«Nąn aa hɛn gəlee tɛɛ bɔ́. Nu ta hvo Nąn gɔlɔn, hvo kɛ li Non. Nu ta hvo Non gɔ́lɔn, hvo kɛ li Nąn, ɛlɛɛ, da nui Non gaa bɔ ə Nąn nɛ mą.

Lomaŋ 11:33

Ee Yálá nwɔ yəi kɛnɛ̨laa kpon ɉu kwɛaa ɓə-e! Nwɔ kili da nwɔ mɛ̨nį kɔ́lɔn ŋąą hu kɛnɛ̨ɛ̨ ɓə! Nu kili hva pɛli nwɔ mɛ̨nį hutɔɔ pələ kpaɠala kaai! Nwɔ pələi hukpinįɛi!

Korɛntə dɔlɔɔ 2:10

Yaan, guɔ ɓə Yálá ə nɛ guɔ, nwɔ Kilii háálai. Hvo gaai, Yálá nwɔ Kilii ɓə a mɛ̨nį kəlee hukpɛ, ə mą kɛ, Yálá nwɔ mɛ̨nį pɛliɛɠaa.

Korɛntə dɔlɔɔ 2:16

Mąąhɔlɔɓo, gbɛɛ ɓə Yálá kiliŋąhiɛ kɔ́lɔn, yɛ pɛli gili tooi ɲəi? Kɛlaa, gu wɛi, Kristə nwɔ kiliŋąhiɛ ɓə gu yəi.

Ifisiɛŋ 3:8

Ɲą́ą́ ŋɛ̨i a Kristalɛaa kəlee di kpɛlamąą, a kponɉee, kɛlaa, ŋą́ mɛ̨inɛ̨ɛ̨ tii hɔlɔɓo, gɛ́ pɛli Kristə mąą mɛ̨nį kpaɠala kaa laa walaa tii, laa həlii la.