Zôna 4:9 - Yálá laawoo hɛɓɛ (dc)

⁹ Yálá ə Ɉonasə mąąnikɛ, yɛ mą: «Nwului tii haa mɛ̨nį ə nwąną yɛ́ lə mɛ̨nį ɓa?» Ɉonasə ə nwoo ŋąąpənə yɛ mą: «Tɛ̨ą kaa bɔ́ ŋį́ kɛ diɛ ɉáá hviɛlaɓoɔi.»

Yálá laawoo hɛɓɛ

⁹ Yálá ə Ɉonasə mąąnikɛ, yɛ mą: «Nwului tii haa mɛ̨nį ə nwąną yɛ́ lə mɛ̨nį ɓa?» Ɉonasə ə nwoo ŋąąpənə yɛ mą: «Tɛ̨ą kaa bɔ́ ŋį́ kɛ diɛ ɉáá hviɛlaɓoɔi.»

Bible

⁹ Kɛ́lɛ Ɣâla è mò Zôna ma ǹyɛɛi, “Ǹii-ŋwânai ƃa gɛ̂i gbɔlɔ-wurii mɛni mai maa-sâpo káa íyêei?” Ǹyɛɛ mai, “Maa-sâpo káa ńyêei. Ǹíi ŋwânai kpɔ́ a gɛɛ ŋá sáa.”

Zôna 4:9 ပူးပေါင်းရင်းမြစ်များ

Tɔɔɓɛlaa dɔlɔɔ 21:4

Akabə ə pənə ə li bɔɔli yá ə laa gɔlɔi nii kələn ŋąą gwəi kpɔ kɛnɛ̨, nwooi Izreɛlə mun Nabɔtə ə mo mą, mąą mɛ̨nį ɓa. Yai ə kɛ la mą, vá pɛli ną́nni kwɛlin dɛɛi ə́ pɔ. Akabə ə laa ɲəi gbin ŋą, ə ɲɛ̨i tinɛ̨n bɛlɛ́ pɔ pələ, ɛlɛɛ, hvo gɛ hvo kɔ̨nɔ̨n mįi nii kələn bələ ɓa gwəi.

Zôo 18:4

Ə́ kaa ə́ kpɔɔ hukalai liiholi hu. Ə́ kaa bɔ lɔi ə lɛɛ a gboloon a ə́ laa pɔɔ? Kwɛniɠaa diɛ həɠə di laai?

Zôo 36:18

Ə́ kpɔɔ hon, ə́ gɛ liiholi hvo ə́ lɔ mɔ̨nɔ̨ hu, ə gɛ mɔ̨nɔ̨ kɛnɛ̨ pələ hvo ə́ həɠə bələ mɛ̨i.

Zôo 5:2

Kilikpɛɛɲəimun a haa a liikələn gwəi; tolo yɛ hupumun baa.

Zôna 4:1

Yili kaa tii Ɉonasə ə mo, ə nwąną kpɔ mą kɛnɛ̨, ə nii tee.

Zôna 4:10

Nąąlɔwai Yai-Laa yɛ mą: «Ɉonasə! 'Ə́ wəli tɔɔ; yɛ́ hvəi nwului tii hin, yɛ́ hvəi dɔɔ laa. Ə ɓɔn kpinį tɔ̨nɔ̨ yee mu, bulu ɓa kpinį, ə haa. Kɛlaa yaamun, mąąwɛli aa ə́ hon.

Zôna 4:8

Ɓɛlɔwai hvóló ə kulɔ la, Yálá ə hvaŋą ta tɛɛ yɛ həɠə hvóló kulɔi pələ, a gələn ŋąą. Hvóló ə Ɉonasə nwuɔ̨ kələn gbɔ yɛ kɛ ə hvowa. Ə mo yɛ mą: «Ɉáá hviɛlaɓoɔi gɛ́ɛ́ yɛnɛ̨ɛ̨ ɓa.»

Maafîu 26:38

Ə mo galan nɛa diɛ, yɛ diɛ: «Níí kələn ŋąą kpɔ gwəi yɛ kɛ ə́ báá; 'kaa lɛɛ ɓɛ, 'ka hvo yii.»

Korɛntə veelɛ 7:10

Hvo gaai, liikələn gwəi a həɠə Yálá pɔ yɛ həli nu ɓa, a gɛ, nu ə ɉɔn mąąhvalin malo mɛ̨nį ɓa, hva ɲeekpiɛ too na. Liikələn gwəi a həɠə yɛnɛ̨ɛ̨ pɔ, a nu lɔ haa hu.

M̀ɛni-lɛɛi 9:6

Mąą yələɠaa tii hu, nu kanŋaa da kɛ haa kwɛlii, di hva gaa. Haa wɛli a kɛ diɛ, ɛlɛɛ, haa yɛ pu di tɔwɔ.

Nwun mąąɓo 16:16

Yələ kəlee, Dalila ə kɛi kpɔlu Samsɔn la, yɛ yili hviikpɛɛ kpɔ a mɔlɔ.