Zôna 3:8 - Yálá laawoo hɛɓɛ (dc)

⁸ Nuą, ə mą kɛ daatɛlɛɛɠaa gəlee, nu kəlee ə mąąwɛli hee ɓo. Nu kəlee ə nɛ̨ɛ̨mąą hvə Yálá ɓa a nwɔ huwalawala kəlee. Nu kəlee ə bulu tɔɔ gɛ mɛ̨nį ɲɔ̨n ma, da di wɔ nwąnąlɔ túwɔ́ɠaai.

Yálá laawoo hɛɓɛ

⁸ Nuą, ə mą kɛ daatɛlɛɛɠaa gəlee, nu kəlee ə mąąwɛli hee ɓo. Nu kəlee ə nɛ̨ɛ̨mąą hvə Yálá ɓa a nwɔ huwalawala kəlee. Nu kəlee ə bulu tɔɔ gɛ mɛ̨nį ɲɔ̨n ma, da di wɔ nwąnąlɔ túwɔ́ɠaai.

Bible

⁸ Kɛ́lɛ fɛ̂ɛ nuu-kpune da fɛnɛ-sãa dí maloŋ tôo-maa sêɣe ɣiri dîa, dí wɔ́lɔ kpɔ́ a zu kɛ́tɛ Ɣâla ma. Tɔɔ núu kélee é bôlu tɔɔ ŋɔsɔnyɔ̂ŋ ma da ŋɔŋwana-lɔ̂ɔi.

Zôna 3:8 ပူးပေါင်းရင်းမြစ်များ

Zôo 16:17

Ya pa yaan, və́ ta mɛ̨nį nwąnąą laa li nu ta ɓa, nwɔ́ Yálá hvɛli woo kəlee haŋąą.

Zôo 36:10

A di wəli laa ɓo kili pu ɉu mɛ̨nį tɔwɔ, yɛ diɛ di lənə túwɔ́ pələ ɲɔ̨n gulaa ɓa.

Azaya 58:6

Ɉin nɔ pələi gaa a nííɓa mɛ̨nį, ya ka: 'ka wea laa yɔwɔn volóon, nuąi daa hee di mɛ̨i, 'ka di kulɔ ɉu, nuąi kɛ mɔ̨nɔ̨ hu 'ka ka yee ɓo diɛ, 'ka nu mɔ̨nɔ̨ ɓo hɛn gəlee kulɔ laa.

Azaya 59:6

Nu hva pɛli ə́ kpaan dee a di kɛ koló, mɛ̨nį ɲɔ̨n mə da mąą kili tee di kwəi! Wɛa mɛ̨nį lɔ ɓə di ɲɛ̨́i pɔ.

Ɉeremi 18:11

'Li kɛa yiihu, yɛ́ Ɉuda da Ɉerusalɛmə nuą diɛ: «Yai-Laa yɛ: ‹Gáá mɛ̨nį ɲąąnwąnąą pɛlii, gɛ́ pa naai kaa, ŋą́ą́ kili tee gwə́i. Nu kəlee ə bulu tinɛ̨n nwɔ túwɔ́ pələ ɲɔ̨n ma.›»

Ɉeremi 25:5

Ə kɛi kɛ kaa: ‹Ka kəlee ka həɠə ka hiɛ pələ ɲɔ̨nŋaa pulu, da ka wɔ túwɔ́ pələ ɲɔ̨nŋaa, ya ɓə a gɛ, nɔi ŋɛ̨i Yai-Laa ə dɛɛ ka pɔ, ka ka nąnni, ka pɛli heei ɉu, kaa lɛɛ laa a yələ kəlee.

Ɉeremi 26:3

Gbəli hu, di kaa pai di wəli tɔɔi, diɛ di pulu tinɛ̨n tɛitɛi di wɔ túwɔ́ pələ ɲɔ̨n ɓa, mɛ̨nį ɲąąnwąnąąi gwə́i gɛ́ kɛ ŋį́ naa diɛ, di kɛ mɛ̨nį ɲɔ̨nwɔ̨ɔ̨ɠaa mąą mɛ̨nį ɓa, gɛ́ pɛli nɛɛi laa.

Ɉeremi 36:3

Gbəli hu, Ɉuda nuą di kaa pai di wəli tɔɔi, mɔ̨nɔ̨ɠaai gɛ́ ŋį́ naa diɛ mąą mɛ̨nį ɓa, di tɛitɛi di di pulu tɔɔ di túwɔ́ pələ ɲɔ̨n diɛ; gɛ́ di kɛ nɛ̨ŋɛ̨nŋąą, da di wɔ huwu la mɛ̨nįɠaa mąą hvaalɛɛ.»

Izikiɛ 33:11

Ɲą́ą́ Mɛ̨nį kəlee ŋą Hééɓomun Yálá gɛ́ diɛ; yii kpɔ gáá a vúlu, a kɛ tii, gwə́inɛ̨ɛ̨ mɛ̨nį ɓa mɔ̨ɔ̨ a nu ɲɔ̨nwɔ̨ɔ̨ haa mɛ̨nį? Kɛlɛi yii gáá bɔ, ya ɓaa, nu ɲɔ̨nwɔ̨ɔ̨ ə dúwɔ pələ mąąhvalin, ə lɛɛ yɛnɛ̨ɛ̨. Israɛlə nwɔ pɛlɛ́i, ka ka hɔn mąą pənə, ka mɔ̨ɔ̨ haa lə mɛ̨nį ɓa?

Danîa 4:27

Nąąlɔwai, ə mo yɛ diɛ: «Babilonə taa kɛnɛ̨i kaa ləi, ɲą́ą́ ɓə dɔɔ, ɲá gɛ a nwɔ́ kɛnɛ̨ laa mąąwiɛ.»

Zooɛ 1:14

'Ka nolo ɓo nu kəlee mɛ̨i, 'ka ka mąąhəɠə hin nɔ. 'Ka galanɉonŋąą ɲąąkpɔn, 'ka nɔi lonnii kəlee təli. Yai-Laa ka wɔ Yálá yəi bɛlɛ́n, 'ka wɔlɔ Yai-Laa ɓa.

Zôna 1:14

Nąąlɔwai di wɔlɔ Yai-Laa ɓa, diɛ mą: «Yai-Laa kuɔ mɛ̨nį nąmu, hvo ku nwun napili ɉulɔnui ŋɛ̨i mąą mɛ̨nį ɓa. Ɉulɔnui ŋɛ̨i, hvo mɛ̨nį ta kɛ li a kuɔ, hvo ɉaa nwulu lɛɛ ku nwuɔ̨. Mąąhɔlɔɓo, Yai-Laa, pələi ə́ kɛ la bɔ, bələ ka ŋɛ̨i ə́ gɛ la.»

Zôna 1:6

Gələn ɉiɛ nuą nwun nąmu ə lɛɠɛ Ɉonasə ɓa, ə dəli, yɛ mą: «Lə mɛ̨nį ɓa ə́ kaa yii? Ə́ muhəɠə ə́ ə́ woo laa həli ə́ wɔ Yálái ɓa, ə kpɔnmąą tɛɛ gu pɔ! Gbəli hu, gaa pai gu ɲɛ̨imąąwɛli kaai, ə gu kulɔ ɉu gu hva haa.»

Maafîu 3:8

Yili ɓa, 'ka túwɔ́, yɛ nui aa ɲii pələ mąąhvalin.

Gɛlaɠaa 26:20

Kɛlaa yaamun, ŋį́ gbɛa tɔlɔɔ Damasə nuą diɛ, yili pulu, Ɉerusalɛmə daai, da Ɉude lɔi hu nuą, ə mą kɛ, lɔi takpɛliɠaa hu nuą. Gɛ́ kɛ diɛ: 'Hvo kɛli da di hɔn mąą pənə, di di ɲɛ̨i tínɛ̨n Yálá pɔ pələ, da di kili mąą hvalin, diɛ túwɔ́ a nąą mąą hon bələ.

Gɛlaɠaa 3:19

Yili ɓa, ka ka túwɔ́ pələ mąąhvalin, ka tinɛ̨n ka pa Yálá pɔ, ə ka wɔ nɛ̨ŋɛ̨nŋaai waa.

M̀ɛni-lɛɛi 11:3

Ɛlɛɛ, yili pulu, gáá pai nwɔ́ kɛla hveelɛ tɛɛi di mąą yiliɛ a mąąwɛli həɠə, di gwə́i mɛ̨nį ɓo, hvóló waa tɔ̨nɔ̨ pulu nwun veelɛ ɲee mɛ̨ida yee mu.»