Zôna 3:5 - Yálá laawoo hɛɓɛ (dc)

⁵ Ninivə daai nuą kəlee di Yálá woo tii kaa a tɛ̨ą, di kəlee diɛ diɛ: «Ka gu hin nɔ.» Ə gɔwɔ tɔɔ hɛn gɔw nąmįną diɛ, ə həli la yeehvowolo nuą diɛ, nu kəlee ə mąąwɛli hee ɓo yɛ da haa too nu ɓa.

Yálá laawoo hɛɓɛ

⁵ Ninivə daai nuą kəlee di Yálá woo tii kaa a tɛ̨ą, di kəlee diɛ diɛ: «Ka gu hin nɔ.» Ə gɔwɔ tɔɔ hɛn gɔw nąmįną diɛ, ə həli la yeehvowolo nuą diɛ, nu kəlee ə mąąwɛli hee ɓo yɛ da haa too nu ɓa.

Bible

⁵ Ǹyaŋ Ninivɛ-ƃelai dí làa a Ɣâla. Nya ƃe dí gbɛ̀tɛ a gɛɛ ǹûai kélee píli sûŋ su dí maloŋ tôo-maa sêɣe ɣiri dîa é ǹɛ́ a gɛɛ da dí pôlu tɔɔ dísɔnyɔ̂ŋ-ŋai dîa é síɣe ǹúu kpaya-kpayai dîa é tóo bɛlɛ-pɛlɛɛi dîa.

Zôna 3:5 ပူးပေါင်းရင်းမြစ်များ

Tɔɔɓɛlaa veelɛ 19:1

Ɓɛlɔwai tɔɔmun Ezekiasə ə nwooɠaa tii mɛ̨n na, ə mąą həɠəɠaa huɓɛla, ə mąąwɛli həɠə too gwaną; ə li Yai-Laa yəi bɛlɛ́n.

Kɔlɔnikɔ Veerɛi 20:3

Ɉosafatə ə ɲɔw, ə tinɛ̨n yɛ li Yai-Laa mąąnin gɛi; ə hin nolo ɓo Ɉuda lɔi hu nąą kəlee, di hin nɔ.

Ɛsdrasə 8:21

Ŋą́ loloɓo Ahawa ya kwɛlɛ, gɛ diɛ, ku hin nɔ, ə gɛ, ku ku mąą yɛɛ Yálá lííla, ə gə ə hvaa mą ku ɉiɛ kulɔ a nɛlɛɛ kwa ku lonnii da ku tiɛ̨ɠaa.

Lɛɛ gbɔwɔ ɓa 33:6

Israɛlə lonnii di ɉɛli həɠəɠaa kulɔ di kwąną, di həɠə Horɛbə.

Ɉeremi 31:34

Di hvo kɛa pai kɛi di kee ni mąąkwɛlii di kee lɔwai. Nu ta hva kɛa kɛ nąn non ma: ‹Ka Yálá kɔ́lɔn bələ mąąkwɛli›. Mąąhɔlɔɓo, di kəlee di kaa pai gɔ́lɔn ɉii; nu kpɛa kpɛaa mąn, nɛapɛlɛɛ mąn. Ɲą́ą́ Yai-Laa nwóó li! Ŋą́ di wɔ nɛ̨ŋɛ̨nŋaa mąą hvaalɛɛ, ŋį́ gíli kulɔ di hɔn ɉu.»

Ɉeremi 36:9

Ɉosiasə lon Yoyakimə, yai kɛ a Ɉuda tɔɔmun, nwɔ tɔɔlaa gwɛlan nɔɔli naa, ɲąnin mɛ̨inąąn nɔwai, di Ɉerusalɛmə nuą da Ɉuda taaɠaa hu nuą kəlee təli Ɉerusalɛmə, hin nɔ mɛ̨nį ɓa Yai-Laa lííla.

Ɉeremi 42:1

Nąąlɔwai, gɔ́kulaa nwun nąmįną, gəlee ə mą kɛ Karea lon Yohanan da Hosaya lon Azaria, da nɔi lonnii kəlee, gbɛa kpɛa mąn bɛlɛɛ mąn, di pa;

Ɉeremi 42:8

Ə Karea lon Yohanan təli, da gɔ́kulaa nwun nąmįnąi tii kɛ bɔi, da nɔi lonnii kəlee, gbɛa kpɛa da bɛlɛɛ-pɛlɛɛ;

Danîa 9:3

Ŋą́ hin nɔ, ŋą́ mąąwɛli heeɓo yɛ haa a too nu ɓa, gɛ́ ɲee laa hee Yálá ɓa, gɛ́ vɛli, gɛ́ nɛ̨ɛ̨mąą hvo mą.

Zooɛ 1:14

'Ka nolo ɓo nu kəlee mɛ̨i, 'ka ka mąąhəɠə hin nɔ. 'Ka galanɉonŋąą ɲąąkpɔn, 'ka nɔi lonnii kəlee təli. Yai-Laa ka wɔ Yálá yəi bɛlɛ́n, 'ka wɔlɔ Yai-Laa ɓa.

Zôna 3:7

Yili pulu ə mo di noloɓo daa nąą kəlee diɛ kɛ mą: «Tɔɔmun da nwɔ ɲɛ̨itɔwɔ nuą diɛ: Nui lɔpee ta hvo laa mįi hɛn da mįi, di hvo di kpələ, ə mą kɛ, daatɛlɛɛɠaa kpɛli.

Maafîu 12:41

Yálá nwɔ kiti teei lɔwai, Ninivə nuą da di muhəɠə, nu huwui ŋɛ̨i pɔ, di gití kala diɛ. Mąąhɔlɔɓo, Ɉonasə ə Yálá nwɔ liiɲąnwąną mɛ̨nį laa həli la diɛ, di di túwɔ́ pələ ɲɔ̨n mąąhvalin. Yaan, nui ka káá gaai, gɛnɛ̨i dɛɛ Ɉonasə ɓa!

Lukə 11:32

Gití tee lɔwai, Ninivə nuą da di muhəɠə, di gití kala yiihu nuą diɛ. Hvó gaai, ɓɛlɔwai Ɉonasə ə Yálá laawoo laa həli la Ninivə nuą diɛ, di di túwɔ́ pələ ɲɔ̨n mąąhvalin. Ya pa, nui ka káá gaai, gɛnɛ̨i Ɉonasə ɓa.»

Gɛlaɠaa 27:25

Yili ɓa, mɛ́laani, ka ká liikpələ kani, mąąhɔlɔɓo, gílitɔɔi Ɲálái ti ɓa. Bələi ə mo la, pələ ɓə gaa kɛi la.

Gɛlaɠaa 8:10

Ə gɔwɔ tɔɔ nɛapɛlɛɛ diɛ, ə həli la nu kpɛa-kpɛa diɛ, nu kəlee di kɛli kɛ diɛ: «Nui ŋɛ̨i kaa a Yálá nwɔ huwalawalaa, yai da kɛ mą: Gɛnɛ̨mun.»

Hebreu 11:1

Laa na laa ɓaa: Mɛ̨nįi nu ɲɛ̨i hvo mą, ə́ kilitɔɔmą, yɛ́ kɛ gaa kɛa ə́ yəi, a kpaaləi yá mɛ̨nį kili kɔlɔn na a tɛ̨ą, ə́ ɲɛ̨i hvo mą.

Hebreu 11:7

Laa na laa háálai, Noe ə nwəli tɔɔ, Yálá ə pələ ɓo mą, yɛ hvilɛn na mɛ̨nįɠaai pai kɛi, yai nu hva gaa, mąą mɛ̨nį ɓa. Ə Yálá woo kaa a tɛ̨ą, ə kələn da bɛli, yɛ pɛli ɲəi bɛlɛ́n nuą ɓaloi. Bələ ə yɛnɛ̨ɛ̨ kəlee nwun na pili la, ə kɛ a tələnmolaai a hɔlɔɓo laa na laa hu, ŋą kwɛlin ɉəɠəmun.

M̀ɛni-lɛɛi 11:3

Ɛlɛɛ, yili pulu, gáá pai nwɔ́ kɛla hveelɛ tɛɛi di mąą yiliɛ a mąąwɛli həɠə, di gwə́i mɛ̨nį ɓo, hvóló waa tɔ̨nɔ̨ pulu nwun veelɛ ɲee mɛ̨ida yee mu.»