Zôna 3:10 - Yálá laawoo hɛɓɛ (dc)

¹⁰ Yálá ə Ninivə nuą túwɔ́ pələi tii kaa, daa di pulu tɔɔ di túwɔ́ pələ ɲɔ̨nŋąą diɛ; Yálá ə di ɲɛ̨imąąwɛli kaa, ə nwɔ liiɲąnwąną həɠə di mɛ̨i hvo gɛ yɛ pələi ə giliŋąhiɛ la.

Yálá laawoo hɛɓɛ

¹⁰ Yálá ə Ninivə nuą túwɔ́ pələi tii kaa, daa di pulu tɔɔ di túwɔ́ pələ ɲɔ̨nŋąą diɛ; Yálá ə di ɲɛ̨imąąwɛli kaa, ə nwɔ liiɲąnwąną həɠə di mɛ̨i hvo gɛ yɛ pələi ə giliŋąhiɛ la.

Bible

¹⁰ Tãi Ɣâla è mɛnii kâa la ǹûai da gɛ̂i, berei dí dípôlu tɔ̀ɔ la dítûa-pere nyɔ̂ŋ-ŋai dîai, è ǹíi ma fâleŋ m̀ɛni nyɔ́mɔɔi mɛni ma è kɛ̀ pâi gɛ̂i a diai. Ve ŋɔ́nɔ mɛni nyɔ́mɔɔ kɛ́ ní a dia.

Zôna 3:10 ပူးပေါင်းရင်းမြစ်များ

Kɔlɔnikɔ Maa-ŋuŋ 21:15

Yai-Laa ə malaka ta tɔɔ Ɉerusalɛmə daai, əgɛ, ə nąą kala. Gɛɛ kala pələi tii, Yai-Laa ə nąą kaa, hvo gwəinɛ̨ɛ̨. Ə mo gɛɛ kala malakai tii ɓa, yɛ mą: «Aa pɛli ɉu! Ə́ yee lɛɠɛ yɛ́!» Yai-Laa nwɔ malaka ə kɛ tɔɔni Ɉebusə mun Ornan nwɔ mɔ̨nun dan ɉii kwɛlɛ.

Lɛɛ gbɔwɔ ɓa 32:14

Mɛ̨nį nwąnąąi Yai-Laa ə kɛi pa naai nwɔ nu huwui ɓa, ə yili həɠə mą.

Hanwon 28:13

Nui a ɉɔn noo, hva tɛ tɔwɔ. Kɛlaa, nui a hvaa ɉɔn ma, ə kpəla mą, mąą nu ɓə Yálá a ɲɛ̨imąąwɛli kaa.

Azaya 30:18

Kɛlaa, Yai-Laa kaa nąą mąą kpɔn ɉii, yɛ kɛa pa ka ɲɛ̨imąąwɛli kaai, gaa pai muhəɠəi, yɛ nwɔ wɛlikɛmąąlaa lɛ kaa, mąąhɔlɔɓo, Yai-Laa kaa a Yálá təlinmoɔ: Nwun na nɛ̨ɛ̨ nuą ɓaa nuąi da di kilitɔɔ mą.

Ɉeremi 18:7

Akɛ ŋą́ naa gwə́i a yələ ta, gɛ́ kɛ gáá tɔɔmun da nwɔ lɔi hu kalai, ŋą́ pɛli mą, ŋą́ bu, ŋą́ ɉu kala.

Ɉeremi 18:8

Kɛlaa lɔi yii a túwɔ́ pələ ɲɔ̨n gɛ, ə nwɔ́ liiɲąnwąną muhəɠə, nɔi tii a bulú tɔɔ ɉɔn ma, mɛ̨nįi ŋą kɛi pa naai mą, ŋą ɉəɠə mą.

Ɉeremi 36:3

Gbəli hu, Ɉuda nuą di kaa pai di wəli tɔɔi, mɔ̨nɔ̨ɠaai gɛ́ ŋį́ naa diɛ mąą mɛ̨nį ɓa, di tɛitɛi di di pulu tɔɔ di túwɔ́ pələ ɲɔ̨n diɛ; gɛ́ di kɛ nɛ̨ŋɛ̨nŋąą, da di wɔ huwu la mɛ̨nįɠaa mąą hvaalɛɛ.»

Ɉeremi 42:10

'Ká hvaa mą ka lɛɛ nɔi ŋɛ̨i hu, ŋą́ ka tɔɔ, vá kɛa ka hukala, ŋą́ ka hin, vá kɛa ka kulɔ a ka nwun. Mɛ̨nį ɲąąnwąnąąi ŋą́ naa kaa, ŋą́ bɔ́ɔ́ŋą pɛli.

Zooɛ 2:13

Ka lii ɓə mąąnɛ̨ɛ̨ ka ɉu ɓɛla ka mąą həɠə hvəi. 'Ka pənə ka pa Yai-Laa ka wɔ Yálái pɔ. Gbalai tɔɔ, nwɔ mɛ̨nį lɛlɛɛi, yɛ nu mąąwɛli kaa; Nii holi laa walaa, ɛlɛɛ, nwɔ ɲɛ̨imąąwɛli kaa hu kɛnɛ̨i, a mɛ̨nį nwąnąą laa nuą diɛ, yili hva gwəinɛ̨ɛ̨. Nwɔ lii nɛ̨ɛ̨ gwəi kɛnɛ̨. Niiɓa hvaa ə mɛ̨nį nwąnąą laa nu ɓa.

Amɔsə 7:3

Mɛ̨nįi Yai-Laa ə kɛi pa gɛi, ə mąąhvalin, yɛ mą́ą́: «Yii tii ə́ gaa, hvo pai kɛi tii.»

Amɔsə 7:6

Mɛ̨nįi Yai-Laa ə kɛi pa gɛi, ə mąąhvalin, yɛ mą́ą́: «Yii ŋɛ̨i nwɔ̨nɔ̨ ə́ gaa, hvo pai kɛi tii.»

Zôna 4:11

Yɛ́ Ɉonasə, hvo kɛ bɔ və́ Ninivə daa lee kɛnɛ̨i tii hu nuą mąąwɛli kaa? Nu kpului daai tii hu, di tɛɛi nu waa nwundɔ̨nɔ̨ ɲee hveelɛ hu, kɛlaa, di hvo kɛ mɛ̨nį lɛlɛɛ kɛ pələ kɔ́lɔn di kpɔɔ ɓa; ə mą kɛ daatɛlɛɛɠaa.»

Zôna 4:2

Ə mo Yai-Laa ɓa, yɛ mą: «Yaai-Laa Kɛlɛi mɛ̨nįi ŋį́ kɛi mo ɓɛlɔwai ŋį́ kɛ la bɔ́ lɔi ya ka ee! Mɛ̨nį ŋį́ ɲɔw mą, ŋį́ laa dɔwɔ, gɛ́ pu, gɛ́ li Tarsisə daai yaa li. Mąąhɔlɔɓo ŋį́ gɔlɔn gɛ́ diɛ: ə́ kaa a Yálá yii a mɛ̨inɛ̨ɛ̨ kɛ, ɲɛ̨imąąwɛli kaa yɛ ɓo ɲəi kɛnɛ̨, hva níiholi ɉa, naahvɛɛi a wɛlikɛmąą hvo bɔ hvo mɛ̨nį nwąnąą laa nu ɓa.

Lukə 11:32

Gití tee lɔwai, Ninivə nuą da di muhəɠə, di gití kala yiihu nuą diɛ. Hvó gaai, ɓɛlɔwai Ɉonasə ə Yálá laawoo laa həli la Ninivə nuą diɛ, di di túwɔ́ pələ ɲɔ̨n mąąhvalin. Ya pa, nui ka káá gaai, gɛnɛ̨i Ɉonasə ɓa.»

Lukə 15:20

Yili pulu, ə muhəɠə, ə pənə yɛ li nąn bɔ. «Gɛɛ nii kwɛaa la, nąn ə gaa, mąąwɛli ə ɉon gbɔ kɛnɛ̨. Ə gilɛ həɠə yɛ li non naakwiɛn ɉii; ə nɛ̨nɛ̨ɓo, ə wolo mą.